Advertisement
தினமலர் முதல் பக்கம் » பொது செய்தி »தமிழ்நாடு
பதிவு செய்த நாள் : ஜனவரி 15,2013,00:03 IST
டெல்டா மாவட்டங்களில், பயிர் பாதிப்பு குறித்து ஆய்வு செய்த, தமிழக அமைச்சர்கள் குழு, "விவசாயிகளுக்கு ஏக்கருக்கு, 20 ஆயிரம் ரூபாய் இழப்பீடு வழங்க வேண்டும்' என, பரிந்துரை செய்ய உள்ளதாக தகவல் வெளியாகியுள்ளது. அதேநேரத்தில், போதிய மழை இல்லாததால், பயிர் பாதித்த மற்ற பகுதி விவசாயிகளும், தங்களுக்கும் இழப்பீடு வழங்க வேண்டும் என, கோரிக்கை விடுத்துள்ளனர்.
பருவமழை பொய்த்ததால், தமிழகத்தின் பெரும்பாலான பகுதிகளில், விவசாயம் பாதிக்கப்பட்டுள்ளது. குறிப்பாக, தஞ்சாவூர், திருவாரூர், நாகப்பட்டினம் உள்ளிட்ட, டெல்டா மாவட்டங்களில், 11.20 லட்சம் ஏக்கரில் பரியிடப்பட்டிருந்த, சம்பா சாகுபடி பாதிக்கப்பட்டுள்ளது. இதனால், விரக்தியடைந்த, 11 விவசாயிகள் தற்கொலை செய்தனர்.சாகுபடி செய்வதற்காக, நகை மற்றும் நிலங்களை அடகுவைத்த விவசாயிகள், அவற்றை மீட்க முடியுமா என்ற சோகத்தில் ஆழ்ந்துள்ளனர். இந்நிலையில், பயிர் இழப்பை ஆய்வு செய்து, விவசாயிகளுக்கு கூடுதல் நிவாரணம் வழங்குவதற்காக, நிதி அமைச்சர் பன்னீர் செல்வம் தலைமையில், உயர்மட்ட குழுவை, சமீபத்தில், முதல்வர் ஜெ., நியமித்து உத்தரவிட்டார்.
டெல்டா மாவட்டங்களில், இக்குழுவினர் நடத்திய ஆய்வின் போது, பாதிக்கப்பட்ட விவசாயிகள், "ஏக்கருக்கு, 25 ஆயிரம் ரூபாயும், விவசாய கூலிகளுக்கு, 10 ஆயிரம் ரூபாயும் நிவாரணம் வழங்க வேண்டும்' என, வலியுறுத்தினர். அத்துடன், "தற்கொலை செய்த விவசாயிகளின் குடும்பத்திற்கு, 10 லட்சம் ரூபாய் உதவித் தொகை வழங்க வேண்டும்' என்றும் கோரினர். இதையடுத்து, ஆய்வில் கிடைத்த தகவல்களை, அறிக்கையாக தொகுத்து, அமைச்சர்கள் அடங்கிய உயர்மட்டக் குழுவினர், முதல்வர் ஜெ.,யிடம் விரைவில் அளிக்க உள்ளனர்.அமைச்சர்கள் குழுவினர் ஆய்வு
பருவமழை பொய்த்ததால், தமிழகத்தின் பெரும்பாலான பகுதிகளில், விவசாயம் பாதிக்கப்பட்டுள்ளது. குறிப்பாக, தஞ்சாவூர், திருவாரூர், நாகப்பட்டினம் உள்ளிட்ட, டெல்டா மாவட்டங்களில், 11.20 லட்சம் ஏக்கரில் பரியிடப்பட்டிருந்த, சம்பா சாகுபடி பாதிக்கப்பட்டுள்ளது. இதனால், விரக்தியடைந்த, 11 விவசாயிகள் தற்கொலை செய்தனர்.சாகுபடி செய்வதற்காக, நகை மற்றும் நிலங்களை அடகுவைத்த விவசாயிகள், அவற்றை மீட்க முடியுமா என்ற சோகத்தில் ஆழ்ந்துள்ளனர். இந்நிலையில், பயிர் இழப்பை ஆய்வு செய்து, விவசாயிகளுக்கு கூடுதல் நிவாரணம் வழங்குவதற்காக, நிதி அமைச்சர் பன்னீர் செல்வம் தலைமையில், உயர்மட்ட குழுவை, சமீபத்தில், முதல்வர் ஜெ., நியமித்து உத்தரவிட்டார்.
டெல்டா மாவட்டங்களில், இக்குழுவினர் நடத்திய ஆய்வின் போது, பாதிக்கப்பட்ட விவசாயிகள், "ஏக்கருக்கு, 25 ஆயிரம் ரூபாயும், விவசாய கூலிகளுக்கு, 10 ஆயிரம் ரூபாயும் நிவாரணம் வழங்க வேண்டும்' என, வலியுறுத்தினர். அத்துடன், "தற்கொலை செய்த விவசாயிகளின் குடும்பத்திற்கு, 10 லட்சம் ரூபாய் உதவித் தொகை வழங்க வேண்டும்' என்றும் கோரினர். இதையடுத்து, ஆய்வில் கிடைத்த தகவல்களை, அறிக்கையாக தொகுத்து, அமைச்சர்கள் அடங்கிய உயர்மட்டக் குழுவினர், முதல்வர் ஜெ.,யிடம் விரைவில் அளிக்க உள்ளனர்.அமைச்சர்கள் குழுவினர் ஆய்வு
இதுதொடர்பாக, அமைச்சர்கள் அடங்கிய உயர்மட்ட குழுவில் இடம் பெற்றுள்ள, அதிகாரி ஒருவர் கூறியதாவது: விவசாயிகளுக்கு, ஏக்கருக்கு, 20 ஆயிரம் ரூபாய் என்ற அளவில் நிவாரணம் வழங்கினால், நான்கு லட்சம் பேர் பலனடைவர். அரசுக்கு, 800 கோடி ரூபாய் செலவாகும். அதேபோல், விவசாய கூலிகளுக்கு, 2,000 ரூபாய் என்ற அளவில், நிவாரணம் கொடுத்தால், 80 கோடி ரூபாய் அரசுக்கு செலவாகும்.உயர்மட்ட குழுபரிந்துரைகளை வழங்கியவுடன், அதைப் பரிசீலித்து
Advertisement
உடனே நிவாரணம் வழங்க நடவடிக்கை எடுக்கப்படும். அத்துடன், விவசாயிகளை நேரில் சந்தித்து ஆறுதல் கூறி, இந்த நிவாரணங்களை வழங்கவும், முதல்வர் திட்டமிட்டுள்ளார். தற்கொலை செய்த விவசாயிகளின் குடும்பத்திற்கு, நேரடியாக இல்லாமல், மாற்று வழியில் உதவி செய்வது குறித்து ஆலோசிக்கப்பட்டது. அதன்படி, அவர்களுக்கு நிவாரணம் கிடைக்கும்.இவ்வாறு அந்த அதிகாரி கூறினார்.இதற்கிடையில், டெல்டா மாவட்ட விவசாயிகளுக்கு மட்டுமின்றி, மழையின்மையால் விளைச்சல் பாதித்த தங்களுக்கும், நிவாரணம் வழங்க வேண்டும் என, மற்ற பகுதி விவசாயிகளும் அரசுக்கு கோரிக்கை விடுத்துள்ளனர்.- நமது நிருபர் -
மேலும் முதல் பக்க செய்திகள்:
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
(36)
Pugal - Kovai ,இந்தியா
இந்த போட்டோவை Face Book இல் அப் லோட் செய்தால் கொட நாட்டிலிருந்து ஜெயலலிதா லைக் போடுவார். சிங்கப்பூர் சேகரனும் லைக் போடலாம். வேறு எதுவும் நடக்காது.
Share this comment
Pugal - Kovai ,இந்தியா
இந்த அவல ஆட்சியின் ஐந்தாண்டுக் காலம் முடிந்த பின்னும் தி மு க வைத் திட்டுவதை நிறுத்த மாட்டார்களோ? முதல்வர் கொட நாடு போய் விட இங்கே அமைச்சர்கள் என்ன ஆய்வு செய்து என்ன முடிவெடுக்க முடியும்? எனது தலைமையிலான அரசு..என்று ஜெயலலிதா அடிக்கடி சொல்வார்- இவரது தலைமயிலான அரசு ஒன்றுமே செய்ய முடியாமல் கலைஞர் தான் எல்லாம் செய்ய வேண்டும், ஆனால் செய்ய வில்லை என்று சொல்லிக் கொண்டிருக்கிறார், கலைஞர் என்ன துணை முதல்வரா அல்லது தலைமை செயலரா? முதல்வரால் முடியாதாம், வெறும் 18 எம் பி க்கள் வைத்திருக்கும் கலைஞர், கர்னாடக பா ஜ க அரசு, கேரளா காங்கிரஸ் அரசு, மற்றும் மத்திய அரசு, என அனைத்து இந்தியாவையும் ஆட்டிப் படிக்கிறாராம். இபப்டியே சொல்லிக் கொண்டிருக்க மனம் தயங்கவில்லை? ஆச்சரியம் தான்.
Share this comment
Joshua - Tirunelvlei,இந்தியா
தமிழக விவசாயிகளின் எல்லா பயிர் கடன்களையும் தள்ளுபடி செய், விவசாயிகள் கடனை ரத்து செய்............... please
Share this comment
S. ரெகுநாதன் - Abu Dhabi,ஐக்கிய அரபு நாடுகள்
நல்ல முடிவு...பல டெல்டா விவசாயிகள் வாழ்க்கை பிழைக்கும்...
Share this comment
saravanan - madurai,இந்தியா
ராஜா குழுவினர், PRP குழுவினர், ராமலிங்கம் குழுவினர் என தமிழகத்தில் நிறைய காசுகள் உள்ளது. எனினும், மழை இல்லாமல் கர்நாடகாவில் பாதி பஞ்சம், தமிழகத்தில் முக்கால் பஞ்சம், ஆந்திராவில் பெய்து கெட்டதில் பாதி பஞ்சம். இனியும் இவர்களுக்கு ஏன் அரசு, ஆட்சி, அரசியல் சட்டம் எல்லாம். PRP குழுவினரை விடுவிததுபோல், சிதம்பரத்தின் சி பி ஐ இடமோ அல்லது ஆந்திரா ராவ் போன்ற ஜட்ஜுகளிடமோ கை கால்களில் விழுந்தாவது இந்த ரெட்டிகளையும் சிறையில் இருந்து வெளிகொனரலாமே? இந்த மத்திய அரசுடன் சேர்ந்து மும்மாநில அரசுகளும்.
Share this comment
Bava Husain - riyad,சவுதி அரேபியா
ஏன்யா, நல்லவங்களே., கருணாநிதி மின்சாரத்தை தடுத்தார், மத்திய அரசிலிருந்து கிடைக்க கூடிய தமிழக நிதியை கருணாநிதி தடுத்தார், கருணாநிதி அதை செய்தார், கருணாநிதி இதை செய்தார், கருணாநிதி என்ன செய்தார், கருனாநிதிதி நின்றார், அமர்ந்தார்,கருணாநிதி தும்மினார், கருணாநிதி இருமினார் என்னய்யா இதெல்லாம்? ஆட தெரியாதவளுக்கு, வாசல் கோணையாம்.... அது போல்தான் இருக்கிறது உங்கள் கதை..எல்லாமே கருணாநிதி செய்யவேண்டுமென்றால், தமிழகத்தில் ஆளுங்கட்சி எதற்கு? அதற்கொரு முதல்வர் எதற்கு? ஆட்சியை கலைத்து விட்டு வீட்டுக்கு போய் விடுங்கள்... நீங்கள் சொன்னதெல்லாம் கருணாநிதி பார்த்துக்கொள்வார்... சும்மா... செத்த பாம்ப அடிசுகிட்டு....ஒரு மனிதன் நொந்து போனால் அவன் மேல் ஏறி சவாரி செய்வதா? சொன்னதையே திருப்பி திருப்பி சொல்லிக்கிட்டு, தன்னால் முடியாவிட்டால் அடுத்தவன்மேல் பழிபோடுவதை விட்டுவிட்டு., கொஞ்சமாவது சொன்னதை செய்து காட்டுங்கள்...மத்திய அரசிலிருந்து கிடைக்ககூடிய அனைத்தும், மற்ற மாநிலங்களுக்கு கிடைப்பதுபோல் கிடைத்துக்கொண்டுதான் இருக்கிறது. நீங்கள் இலவசம் கொடுப்பதற்காக, இருப்பதெல்லாம் ஒட்டுமொத்தமாக வேண்டுமென்றால் எங்கே போவது? சரி கருணாநிதி தடுத்தார். ஓகே... நீங்கள் என்ன செய்யவேண்டும். மத்திய அரசுடன் இணக்கமாக சென்றல்லவா காரியத்தை சாதிக்க வேண்டும்... அதை விடுத்து, மத்திய அரசு வேண்டுமானால் என்னிடம் வந்து பேசட்டும் என்று நினைப்பது, ஆணவத்தின் உச்ச கட்டமல்லவா?... உங்களுக்கு மக்களைவிட, தன் ஈகோ தான்பெரிது.... அதற்கு கருணாநிதி எப்படி பொறுப்பேற்க முடியும்... இதையெல்லாம் புரிந்து கொள்ளாமல் சொம்படிப்பதற்கென்றே சிலபேர்....
Share this comment
முருகவேல் சண்முகம்.. - சென்னை,இந்தியா
/// Bava Husain - riyad,சவுதி அரேபியா /// மிக சரியான கருத்து..இதைதான் என்னுடைய பலகருத்துக்களிலும் சொல்லிவருகிறேன்... நன்றி... ...
Share this comment
raj - male,மாலத்தீவு
இழப்பீடு கொடுப்பது அனைத்து மாவட்ட விவசாயிகளுக்கும் விரிவுபடுத்த வேண்டும்.டெல்டா பகுதிக்கு மட்டும் கொடுத்தால் மற்ற மாவட்டங்களில் உள்ள விவசாயிகள் புறக்கணிக்கப்பட்டதாக கருதப்படும்.
Share this comment
Yoga Kannan - Al Buraidh,சவுதி அரேபியா
அழுகின்ற பிள்ளை தான் பால் குடிக்கும்... கேட்டு தான் பெற வேண்டும் ....எதில் ஈகோ பார்ப்பது... சொந்த விசயமா...மக்களுக்காக எதை வேண்டு மென்றாலும் செய்யலாம்...ஒரு ஹோட்டலுக்கு போறோம், அன் லிமிட் சாப்பாடு....தேவையான சாப்பாடு முதலில் வைத்துவிடுவார்கள் ..மீதமுள்ள தேவைக்கு கேட்டு தான் சாப்பிட வேண்டும் ....அதில் கெளரவம் பார்த்தல் பசி நமக்கு தான்... ஹோட்டல் காரனுக்கு இல்லை ... இது தான் இன்றைய தமிழ் நாட்டின் நிலை .... மோதல் போக்கு மாநில அரசுக்கு தான் நஷ்டம்...
Share this comment
முருகவேல் சண்முகம்.. - சென்னை,இந்தியா
///மோதல் போக்கு மாநில அரசுக்கு தான் நஷ்டம்./// நல்ல கருத்து, ஆனால் இதில் " அரசுக்கு" எனபதை விட " தமிழக மக்களுக்கே " எனபதே சரி.. ...
Share this comment
Kuwait Tamilan - Salmiya,குவைத்
எதற்கு எடுத்தாலும் மத்திய அரசாங்கத்தை குறை சொல்லும் இவர்கள் ஏன் ஆள்கிறார்கள் மாநிலத்தை ( தமிழ்நாடு )? குஜராத்தை ஆளும் நரேந்திர மோடி யை விடவா இவர்கள் மத்திய அரசாங்கத்தை எதிர்த்து விட்டர்கள். அவர் எப்படி எந்த பிரச்சனையும் சுலபமாக சமாளிக்கிறார்.
Share this comment
MJA Mayuram - chennai,இந்தியா
ஜெயாவுக்குமுன் குனிந்துநின்ற ஆடுகள் -பயிர்களுக்குமுன் நிமிர்ந்து நிற்கிறது. பாவம் ஆடுகள் தாம் எதற்கு வந்தோம் என்று புரியாமலேயே குழம்பி நிற்கிறது. இழப்பீடு எப்ப வரும் என்று கேட்டால் ''மே'' என்று மட்டும் கத்தும்.
Share this comment
Share this comment
உங்கள் கருத்தைப் பதிவு செய்ய :
( OR )Login with
New to Dinamalar ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
இ-புத்தகம் | வர்த்தகம் | வரி விளம்பரங்கள் | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Font Help? | Dinamalar Publications
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us