Dharmapuri riot : bail plea postponed | தர்மபுரி வன்முறை சம்பவம் : கைதானவர் ஜாமின் மனு தள்ளிவைப்பு| Dinamalar

கோர்ட் செய்தி

தமிழ்நாடு

தர்மபுரி வன்முறை சம்பவம் : கைதானவர் ஜாமின் மனு தள்ளிவைப்பு

Added : ஜன 19, 2013
Advertisement
 
 
Advertisement
 
 
Advertisement

சென்னை: தர்மபுரி மாவட்டத்தில் நடந்த வன்முறைச் சம்பவம் தொடர்பாக, கைது செய்யப்பட்டவரின், ஜாமின் மனு மீதான விசாரணையை, இம்மாதம், 21ம் தேதிக்கு, சென்னை ஐகோர்ட் தள்ளிவைத்துள்ளது. கலப்பு திருமண விவகாரத்தில், தர்மபுரி மாவட்டம், நாயக்கன்கொட்டாய் கிராமத்தில், ஆதிதிராவிடர்கள் வசிக்கும் பகுதிகளில் உள்ள வீடுகள் சூறையாடப்பட்டன; தீயிட்டுக் கொளுத்தப்பட்டன. இச்சம்பவம் தொடர்பாக, பலர் கைது செய்யப்பட்டனர். சம்பவம் தொடர்பாக, தர்மபுரி மாவட்டம், கோணங்கிநாயக்கனஹள்ளி கிராமத்தைச் சேர்ந்த, அருள்நாதன் என்பவரும், கைது செய்யப்பட்டார். ஐகோர்ட்டில், இவர் தாக்கல் செய்த மனு: மின் வாரியத்தில், அக்கவுன்ட் அதிகாரியாக பணியாற்றுகிறேன். தர்மபுரி மாவட்டத்தில் நடந்த சம்பவம் தொடர்பாக, அருகில் உள்ள கிராமங்களைச் சேர்ந்த பலரை கைது செய்தனர். குறிப்பிட்ட அந்த இரண்டு சமூகத்தையும், நான் சார்ந்தவன் அல்ல. சம்பவ இடத்தில் இருந்து, வெகு தொலைவில், நான் வசிக்கிறேன்.
கடந்த ஆண்டு, நவம்பர், 8ம் தேதி முதல், சிறையில் உள்ளேன். முதல் தகவல் அறிக்கையில், என் பெயர் இல்லை. கோர்ட் விதிக்கும் நிபந்தனைகளுக்கு உட்படுகிறேன். எனக்கு ஜாமின் வழங்க வேண்டும். இவ்வாறு, மனுவில் கூறப்பட்டுள்ளது.
இம்மனு, தற்காலிக தலைமை நீதிபதி தர்மாராவ், நீதிபதி அருணா ஜெகதீசன் அடங்கிய "முதல் பெஞ்ச்' முன், விசாரணைக்கு வந்தது. விசாரணை, இம்மாதம், 21ம் தேதிக்கு, தள்ளிவைக்கப்பட்டது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை