DISTRICT NEWS | சேலத்தில் தடையை மீறி எருதாட்டம்? இன்ஸ்பெக்டர்களுக்கு எஸ்.பி., "மெமோ'| Dinamalar

தமிழ்நாடு

சேலத்தில் தடையை மீறி எருதாட்டம்? இன்ஸ்பெக்டர்களுக்கு எஸ்.பி., "மெமோ'

Added : ஜன 19, 2013
Advertisement
 
 
Advertisement
 
 
 
Advertisement

சேலம்: சேலம் மாவட்டத்தில், நேற்று முன்தினம், தடையை மீறி எருதாட்டம் நடத்தப்பட்டதாக கிடைத்த தகவலை அடுத்து, சம்பந்தப்பட்ட ஸ்டேஷன் இன்ஸ்பெக்டர்களுக்கு, சேலம் எஸ்.பி., அஸ்வின் கோட்னீஸ், "மெமோ' கொடுத்தார்.ஆண்டு தோறும், பொங்கல் பண்டிகையை முன்னிட்டு, சேலம் மாவட்டத்தில் பெரும்பாலான இடங்களில், ஜல்லிக்கட்டு, எருதாட்டம், வங்காநரி ஆட்டம் உள்பட பல்வேறு போட்டிகள் நடத்தப்படும். குறிப்பாக, கிராமப்புற கோவிலைச் சுற்றி, காளைகளை கயிறு கட்டி விரட்டி, அதனை இளைஞர்கள் பிடிக்கும் எருதாட்டம் நடத்தப்படும்.இந்நிலையில், ஜல்லிக்கட்டு போட்டிகள் நடத்த, பல்வேறு விதிமுறைகளை பின்பற்ற உச்சநீதிமன்றம் உத்தரவிட்டது.

விதிமுறைகள் பின்பற்றாமல், சேலம் மாவட்டத்தில், நடப்பாண்டு எருதாட்டம் நடத்த போலீஸார் தடை விதித்தனர்.இதற்காக, ஒவ்வொரு போலீஸ் ஸ்டேஷன் உள்பட்ட பகுதிகளிலும், எருதாட்டம் நடத்தும் கிராமங்களை சேர்ந்த பஞ்சாயத்து தலைவர்கள், முக்கிய பிரமுகர்கள் ஆகியோரை அழைத்து, "எருதாட்டம் நடத்த மாட்டோம்' என போலீஸார் எழுதி வாங்கிக் கொண்டனர். இதனால், நேற்று முன்தினம் காணும் பொங்கல் தினத்தன்று, பெரும்பாலான கிராமங்களில், எருதாட்டம் நடக்கவில்லை.ஒரு சில இடங்களில், தடையை மீறி எருதாட்டம் நடத்தப்பட்டதாக தெரிகிறது. இதுகுறித்து, ஸ்டேஷன் போலீஸார் எந்தவித தகவலையும் தெரிவிக்காத நிலையில், சேலம் எஸ்.பி.,க்கு, மாவட்டத்தில் சில இடங்களில், எருதாட்டம் நடத்தப்பட்டதாக தகவல் கிடைத்தது.எனவே, தடையை மீறி தங்கள் ஸ்டேஷன் எல்லைக்கு உட்பட்ட பகுதிகளில் எருதாட்டம் நடத்தப்பட்டதா? அவ்வாறு நடந்திருந்தால், அதற்கு சட்டபடியான விளக்கம் அளிக்கும்படி, ஓமலூர், தாரமங்கலம், மேட்டூர், இடைப்பாடி உள்பட சேலம் மாவட்டத்தில் பெரும்பலான ஸ்டேஷன் இன்ஸ்பெக்டர்களுக்கு, எஸ்.பி., அஸ்வின் கோட்னீஸ், "மெமோ' கொடுத்தார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை