Train test drive at pamban | பாம்பன் பாலத்தில் ரயில் சோதனை ஓட்டம் : இன்று முதல் போக்குவரத்து துவக்கம்| Dinamalar

பொது செய்தி

தமிழ்நாடு

பாம்பன் பாலத்தில் ரயில் சோதனை ஓட்டம் : இன்று முதல் போக்குவரத்து துவக்கம்

Added : ஜன 19, 2013
Advertisement
 
 
Advertisement
 
 
 
Advertisement
பாம்பன் பாலத்தில் ரயில் சோதனை ஓட்டம் :  இன்று முதல் போக்குவரத்து துவக்கம்

ராமேஸ்வரம்: கப்பல் மோதி சேதமடைந்த, பாம்பன் ரயில் பாலத்தில் நேற்று, மூன்று முறை ரயில் சோதனை ஓட்டம் நடந்தது. "இன்று முதல், பாம்பன் பாலம் வழி, ராமேஸ்வரத்திற்கு ரயில்கள் இயக்கப்படும்' என, மதுரை கோட்ட மேலாளர் ரஸ்தோகி கூறினார். இந்திய கடற்படைக்காக, ஜன., 9 ல், பாம்பன் கடலுக்கு வந்த இரு கப்பல்கள், பாறையில் சிக்கின. ஜன., 13 ல், சூறாவளி காற்றால், ஒரு கப்பல், பாம்பன் ரயில் பாலத்தின், 121 வது தூணை சேதப்படுத்தியது. பாலத்தில் பழுது பார்ப்பதற்காக, ஒரு வாரத்திற்கு ரயில்கள் ரத்து செய்யப்பட்டன.

சோதனை ஓட்டம்: நேற்று முன்தினம், தூண் தகர்க்கப்பட்டது. நேற்று, தூணின் இருபுறமும் அமைக்கப்பட்ட இரும்பு கிரில்களின் பலம் சோதிக்கப்பட்டது. இதையடுத்து, மண்டபத்தில் இருந்து பாம்பன் பாலத்தில் மதியம் 2.40 மணிக்கு, மோட்டார் டிராலியில் சோதனை ஓட்டம் நடந்தது. பின், மண்டபத்தில் இருந்து புறப்பட்ட 95 டன் எடை கொண்ட ரயில் இன்ஜின் இயக்கப்பட்டது. சரி செய்யப்பட்ட தூண் மீது 10 கி.மீ., வேகத்தில் (வழக்கமாக 15 கி.மீ., வேகம்) இன்ஜின் கடந்து சென்றது. தெற்கு ரயில்வே முதன்மை பொறியாளர் சதீஷ்குமார், மதுரை கோட்ட மேலாளர் ரஸ்தோகி, ஒருங்கிணைப்பாளர் ராம்பிரசாத், கோட்டப் பொறியாளர் பன்னீர் செல்வம், மூத்த பாதுகாப்பு அதிகாரி ரவிச்சந்திரன் உள்ளிட்டோர் கண்காணித்தனர். சோதனை ஓட்டம் வெற்றி அடைந்ததால், ரயில் இயக்க முடிவு செய்யப்பட்டது. பின், ராமேஸ்வரம் ரயில்வே ஸ்டேஷன் சென்ற இன்ஜின், புவனேஸ்வர் ரயிலின் 21 காலி பெட்டிகளுடன், மீண்டும் பாம்பன் பாலத்தை கடந்து சென்றது.

மதுரை கோட்ட மேலாளர் ரஸ்தோகி கூறியதாவது: திட்டமிட்டபடி ரயில் இயக்கப்பட்டது. சோதனை ஓட்டத்தில் பிரச்னை இல்லை. இதனால் இன்று(ஜன.,20) முதல், அனைத்து ரயில்களும் ராமேஸ்வரம் செல்லும். ஒரு மாதத்திற்குள், 121வது தூண் கான்கிரீட்டில் அமைக்கப்படும், என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை