polio awareness camp today | தமிழகம் முழுதும் இன்று போலியோ ஒழிப்பு முகாம்| Dinamalar

பொது செய்தி

தமிழ்நாடு

தமிழகம் முழுதும் இன்று போலியோ ஒழிப்பு முகாம்

Added : ஜன 19, 2013
Advertisement
 
 
Advertisement
 
 
Advertisement

சென்னை: தமிழகம் முழுவதும், ஐந்து வயதிற்குட்பட்ட குழந்தைகளுக்கான, போலியோ சொட்டு மருந்து முகாம், இன்று நடக்கிறது. தமிழகத்தில், கடந்த, ஒன்பது ஆண்டுகளாக,போலியோ நோயால், புதிதாக யாரும் பாதிக்கப்படவில்லை என, சுகாதாரத் துறையினர் தெரிவிக்கின்றனர். இந்நிலையை தக்க வைத்துக் கொள்ள, தமிழகத்தில், இந்த ஆண்டிற்கான முதல் தவணை, போலியோ சொட்டு மருந்து இன்று தரப்படுகிறது. இதற்காக, அரசு மருத்துவமனைகள், ஆரம்ப சுகாதார நிலையங்கள், பள்ளிகள், சத்துணவு மையங்கள் உள்ளிட்ட இடங்களில், 40 ஆயிரத்திற்கும் மேற்பட்ட, சொட்டு மருந்து வழங்கும் மையங்கள் அமைக்கப்பட்டுள்ளன. இன்று, பயணம் மேற்கொள்வோரின் வசதிக்காக, முக்கிய பேருந்து, ரயில் மற்றும் விமான நிலையங்களில், 1,013, நகரும் மையங்களும்; தொலை தூரம் மற்றும் எளிதில் செல்ல முடியாத பகுதிகளில் வசிக்கும் குழந்தைகளுக்காக, 771 நடமாடும் குழுக்களும் ஏற்படுத்தப்படுகின்றன. இம்முகாமில், 2 லட்சத்திற்கும் மேற்பட்ட அரசு மற்றும் அரசு சாரா பணியாளர்கள் ஈடுபடுகின்றனர். காலை, 7:00 மணி முதல் மாலை, 5:00 மணி வரை, குறிப்பிட்ட மையங்களில் சொட்டு மருந்து வழங்கப்படும். புதிதாக பிறந்த குழந்தைகள் உட்பட, 5 வயதிற்குட்பட்ட அனைத்து குழந்தைகளுக்கும், அவர்களின் பெற்றோர், இன்று, தவறாமல் சொட்டு மருந்து வழங்க வேண்டும். இரண்டாவது தவணை போலியோ சொட்டு மருந்து, பிப்ரவரி, 24ம் தேதி, வழங்கப்படும். தமிழக அரசின் செய்திக் குறிப்பில், இத்தகவல் தெரிவிக்கப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை