Illegal tonsure at pazhani temple | பக்தர்களிடம் "மொட்டை போடும்' ஊழியர்கள் : கண்டுகொள்ளாத பழநி தேவஸ்தானம்| Dinamalar

பொது செய்தி

தமிழ்நாடு

பக்தர்களிடம் "மொட்டை போடும்' ஊழியர்கள் : கண்டுகொள்ளாத பழநி தேவஸ்தானம்

Added : ஜன 20, 2013
Advertisement
 
 
Advertisement
 
 
Advertisement

பழநி: பழநி கோயில் தேவஸ்தான முடிகாணிக்கை நிலையங்களில், முடி இறக்கும் பக்தர்களிடம் 10 ரூபாய் கட்டணத்துடன், கூடுதலாக 100 ரூபாய் வசூலிக்கின்றனர். பழநி கோயில் தைப்பூச விழாவை முன்னிட்டு, ஏராளமான பக்தர்கள், பாதயாத்திரை வருகின்றனர். இவர்கள் முடி காணிக்கை செலுத்துவதற்காக, தேவஸ்தானம் சார்பில் சண்முகநதி, சரவணப்பொய்கை, பூங்காரோடு ரவுண்டானா ஆகிய இடங்களில் நிலையங்கள் அமைக்கப் பட்டுள்ளன. "முடிகாணிக்கைக்கு 10 ரூபாய் கட்டணம் வசூலிக்கப்படும்' என, தேவஸ்தானம் அறிவிப்பு பலகை வைத்துள்ளது. பக்தர்களிடம், 10 ரூபாய் வசூலிக்கப்பட்டு ரசீது தரப்படுகிறது. இதுதவிர, "சம்பளம் குறைவு' என்ற காரணம் கூறி, 100 ரூபாய் வரை வசூலிக்கின்றனர். பக்தர்கள் புகார் தெரிவித்தாலும், "அவர்களுக்கு சம்பளம் குறைவு. அதனால் தான் பணம் கேட்கின்றனர்', என, அலுவலர்கள் சமாதானம் செய்து அனுப்புகின்றனர். இதை தேவஸ்தான நிர்வாகம் கண்டும் காணமால் உள்ளது. ஆண்டுக்கு பலகோடி ரூபாய் வருமானம் உள்ள பழநியில், திருமலை திருப்பதி போல, இலவசமாக முடிகாணிக்கை செலுத்த வசதி செய்து தரவேண்டும்.

கோயில் அதிகாரி ஒருவர் கூறுகையில் , ""பக்தர்களிடம் முடிகாணிக்கைக்கு கூடுதலாக கட்டணம் வசூலிப்பது தவறு தான். இது குறித்து நடவடிக்கை எடுக்கப்படும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை