Vice president inaugurate Chennai airport new terminal | சென்னை விமான நிலைய புதிய முனையம்: துணை ஜனாதிபதி திறப்பு| Dinamalar

பொது செய்தி

தமிழ்நாடு

சென்னை விமான நிலைய புதிய முனையம்: துணை ஜனாதிபதி திறப்பு

Added : ஜன 20, 2013 | கருத்துகள் (1)
Advertisement
 
 
Advertisement
 
 
 
Advertisement
சென்னை விமான நிலைய புதிய முனையம்: துணை ஜனாதிபதி  திறப்பு

திரிசூலம்: சென்னை விமான நிலைய புதிய முனையங்களை, துணை ஜனாதிபதி அமீத் அன்சாரி திறந்து வைக்கிறார். இதற்கான ஏற்பாடுகள் நடக்கின்றன. சென்னை விமான நிலைய விரிவாக்க பணி, 2008ல் துவங்கப்பட்டது. 2,100 கோடி ரூபாய் செலவில், புதிய உள்நாட்டு முனையம், பன்னாட்டு முனையம், கார் பார்க்கிங் உட்பட, பல்வேறு உள்கட்டமைப்பு வசதிகளுடன், பிரமாண்டமான விமான நிலையமாக, சென்னை விமான நிலையம் மாற்றப்பட்டுள்ளது.
நிலம் கையகப்படுத்துவதில் தாமதம், பணியாளர்கள் பற்றாக்குறை, கட்டுமான பொருட்கள் கிடைப்பதில் சிக்கல் என, பல்வேறு காரணங்களால் இரு ஆண்டுகள் தாமதமாக பணி முடிந்து, இறுதி வடிவம் பெற்றுள்ளது.
துணை ஜனாதிபதி அமீத் அன்சாரி, சென்னை விமான நிலைய புதிய முனையங்களை, வரும், 28ம் தேதி திறந்து வைக்கப்பதாகவும், அதற்கான ஏற்பாடுகள் நடந்து வருவதாக, விமான நிலைய தகவல் அறிந்த வட்டாரங்கள் கூறுகின்றன.

இதுகுறித்து விமான நிலைய உயர் அதிகாரி ஒருவர் கூறுகையில், "சென்னை விமான நிலைய புதிய முனையங்களை, துணை ஜனாதிபதி திறப்பது உறுதியாகியுள்ளது. ஆனால், 28ம் தேதி திறப்பு விழா என்பது, உறுதி செய்யப்படவில்லை. ஜன., 31ம் தேதிக்குள் திறப்பு விழா உறுதியாக இருக்கும்' என்றார்.
நவீனப்படுத்தப்பட்டுள்ள, சென்னை, கோல்கட்டா ஆகிய இந்த இரண்டு விமான நிலையங்களையும், பிரதமர் மன்மோகன்சிங் திறந்து வைப்பதாக இருந்தது. ஆனால், இரு மாநில அரசுகளுக்கு இடையே, மத்திய அரசுக்கு இணக்கமான உறவு இல்லாததால், பிரதமர் திறப்பு விழாவில் கலந்து கொள்வதில் சிக்கல் ஏற்பட்டது. இந்நிலையில், கோல்கட்டா விமான நிலையத்தை, ஜனாதிபதி பிரணாப் முகர்ஜி, இன்று திறந்து வைக்கிறார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Magesu - Vellore  ( Posted via: Dinamalar Android App )
20-ஜன-201300:23:53 IST Report Abuse
Magesu அம்மாவே தி்றந்து வைத்தி்ருக்கலாமே........எதுக்கு அந்த ஆள கூப்பிடறாங்க?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை