Delhi rape case investigation into the conduct of the student petition | மாணவி பலாத்கார வழக்கு விசாரணையைடில்லிக்கு வெளியே நடத்தக்கோரி மனு| Dinamalar

மாணவி பலாத்கார வழக்கு விசாரணையைடில்லிக்கு வெளியே நடத்தக்கோரி மனு

Added : ஜன 20, 2013
Advertisement
 
 
Advertisement
 
 
Advertisement

புதுடில்லி:"மருத்துவ மாணவி, பாலியல் பலாத்கார வழக்கின் விசாரணை டில்லியில் நடந்தால், நேர்மையாகவும், சுதந்திரமாகவும் நடக்காது. எனவே, வழக்கு விசாரணையை, டில்லிக்கு வெளியில், வேறு இடத்தில் நடத்த வேண்டும்' என, வழக்கில் குற்றம் சாட்டப் பட்டுள்ள முகேஷ், சுப்ரீம் கோர்ட்டில் மனு தாக்கல் செய்துள்ளான்.டில்லியில் மருத்துவ கல்லூரி மாணவி, பாலியல் பலாத்காரம் செய்யப்பட்டு, கொலை செய்யப்பட்டார். இந்த வழக்கில், ஆறு பேர் மீது குற்றம் சாட்டப்பட்டுள்ளது.
இந்த வழக்கின் விசாரணை, டில்லி கோர்ட்டில் நடந்து வருகிறது.இந்நிலையில், ஆறு குற்றவாளிகளில் ஒருவரான, முகேஷ் சார்பில், சுப்ரீம் கோர்ட்டில் தாக்கல் செய்யப்பட்ட மனு:இந்த வழக்கின் விசாரணை, டில்லி கோர்ட்டில் நடந்தால், நேர்மையாகவும், சுதந்திரமாகவும் நடக்காது. மீடியாக்களின் தூண்டுதல், மக்களின் கோபம், அரசியல் கட்சி தலைவர்களின் அறிக்கைகள், இந்த வழக்கின் மீது, டில்லி முதல்வர் ஷீலா தீட்ஷித்தும், மத்திய அமைச்சர்களும் காட்டி வரும் ஆர்வம், ஆகியவற்றால், இந்த வழக்கின் விசாரணை, நெருக்கடிக்கு ஆளாகியுள்ளது.
இதுபோன்ற சூழ்நிலையில், இந்த வழக்கில் குற்றம் சாட்டப்பட்டுள்ள எங்களுக்கு, பாதிப்பை ஏற்படுத்துவதற்கு வாய்ப்பு உள்ளது. டில்லியில் உள்ள கோர்ட்டில், வழக்கு விசாரணை நடந்தால், எங்களுக்கு நீதி கிடைக்காது. எனவே, வழக்கின் விசாரணையை, டில்லிக்கு வெளியில், வேறு இடத்தில் உள்ள, கோர்ட்டுக்கு மாற்ற வேண்டும்.இவ்வாறு, அந்த மனுவில் கூறப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை