Police helped to loot for thieves | நகைக்கடையை கொள்ளையடிக்க உதவிய போலீஸ்காரர் : விசாரணையில் தகவல் | Dinamalar

சம்பவம் செய்தி

தமிழ்நாடு

நகைக்கடையை கொள்ளையடிக்க உதவிய போலீஸ்காரர் : விசாரணையில் தகவல்

Added : ஜன 20, 2013
Advertisement
 
 
Advertisement
 
 
 
Advertisement

கொடைக்கானல்: கொடைக்கானல் நகைக்கடையில், கொள்ளையடித்த சஸ்பெண்ட் போலீஸ்காரருக்கு, போலீசார் உதவியதாக தகவல் தெரியவந்துள்ளதையடுத்து விசாரணை தீவிரப்படுத்தப்பட்டுள்ளது. கொடைக்கானல் லட்சுமி ஜூவல்லர்ஸ் நகைக்கடையில், இரண்டு மாதத்திற்கு முன் புகுந்த திருடர்கள், 50 பவுன் நகை, ஐந்து கிலோ வெள்ளி பொருட்களை கொள்ளையடித்து சென்றனர். விசாரணையில் முன்னேற்றம் ஏற்படாத நிலையில், விருதுநகர் போலீசார் உசிலம்பட்டியை சேர்ந்த ஒச்சு,35, என்பவரை பிடித்து விசாரித்தனர். அப்போது அவர் கொடைக்கானல் நகைக்கடையில், விருதுநகரில் சஸ்பெண்ட் செய்யப்பட்ட போலீஸ்காரர் சுரேஷ்,30 தலைமையில் திருடியதாக தெரிவித்தார். இதையடுத்து சுரேஷை கொடைக்கானல் போலீசார் மூன்று நாட்கள் காவலில் எடுத்து விசாரித்து வருகின்றனர். விசாரணையில், சஸ்பெண்ட் செய்யப்பட்ட போலீஸ் சுரேஷுக்கும், கொடைக்கானலை சேர்ந்த சில போலீசாருக்கும் தொடர்பு இருந்துள்ளது தெரியவந்துள்ளது. சுரேஷ் நண்பரான போலீஸ்காரர் ஒருவர் கூறிய தகவலின் பேரில்தான் சுரேஷ், ஒச்சு மேலும் இருவர் சேர்ந்து கொடைக்கானல் வந்துள்ளனர். இவர்கள் தங்குவதற்கும் சிலர் ஏற்பாடு செய்துள்ளனர்.
கொடைக்கானலில் மூன்று நாட்களாக தங்கி, இரவு நேரத்தில் நகைக்கடையை நோட்டமிட்டுள்ளனர். பின், கடையின் முன் கார் பஞ்சரானது போல் நள்ளிரவில் நிறுத்தி விட்டு, கடையின் பூட்டை உடைத்துள்ளனர். கடையை திறக்கும் சப்தம் கேட்காமல் இருப்பதற்கு அருகில் படுத்து இருந்த நாய்களை விரட்டியுள்ளனர். நாய் குரைக்கும் சப்தத்தில் கடையை உடைத்து திறந்ததாக ஒச்சுவிடம் விசாரணை நடத்திய போலீசார் தெரிவித்தனர். சஸ்பெண்ட் செய்யப்பட்ட போலீஸ்காரர் சுரேஷுக்கு தகவல் கொடுத்த கொடைக்கானல் போலீசார் யார் என்று விசாரணையை இன்ஸ்பெக்டர் பொன்ரகு நேற்று துவக்கினார். இதனால் கொடைக்கானல் போலீசார் மத்தியில் இறுக்கமான சூழ்நிலை நிலவுகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை