Strike force arrest mystery man | பாஸ்போர்ட் உடன் திரிந்த மர்ம நபர் போலீஸில் ஒப்படைத்த அதிரடிப்படை| Dinamalar

சம்பவம் செய்தி

தமிழ்நாடு

பாஸ்போர்ட் உடன் திரிந்த மர்ம நபர் போலீஸில் ஒப்படைத்த அதிரடிப்படை

Added : ஜன 20, 2013
Advertisement
 
 
Advertisement
 
 
Advertisement

மேட்டூர்: கொளத்தூர் மலையடிவார கிராமத்தில், பாஸ்போர்ட் உடன் சந்தேகத்துக்கு இடமான நிøயில் சுற்றி திரிந்த மர்மநபரை அதிரடிப்படையினர் பிடித்து போலீஸில் ஒப்படைத்தனர். சேலம் மாவட்டம், மேட்டூர் தாலுகா, கொளத்தூர் மலையடிவாரத்தில் ஏராளமான கிராமங்கள் உள்ளது. மலையடிவார கிராமத்தில் மாவோயிஸ்ட், வேட்டை கும்பல் மாறு வேடத்திலும், மர்மமான முறையிலும் தங்க வாய்ப்புள்ளது. அவ்வாறு தங்கியிருந்தால் தங்களுக்கு தகவல் தெரிவிக்கும்படி மலையடிவார மக்களிடம் மேட்டூர் அதிரடிப்படையினர் கூறியிருந்தனர். நேற்று முன்தினம் பச்சபாலமலை அடிவாரத்தில் உள்ள சின்னதண்டா கிராமத்தில் பாஸ்போர்ட் உடன் மர்மநபர் ஒருவர் மனநிலை பாதிக்கப்பட்டது போல சுற்றி திரிந்துள்ளார். பொதுமக்கள் விசாரித்தபோது, சரியான தகவல் கூறவில்லை. சந்தேகம் அடைந்த பொதுமக்கள் மர்மநபர் குறித்து மேட்டூர் அதிரடிப்படைக்கு தகவல் தெரிவித்தனர். அதிரடிப்படையினர் மர்மநபரை பிடித்து, கொளத்தூர் போலீஸில் ஒப்படைத்தனர். கொளத்தூர் இன்ஸ்பெக்டர் நடராஜன் நடத்திய விசாரணையில், மர்மநபர் கேரளா மாநிலம், பத்தினம்திட்டா தாலுகா, எலியேரிக்கல் கிராமத்தை சேர்ந்த அஜெய்குமார், 35, என்பது தெரியவந்தது. சற்று மனநிலை பாதித்த நிலையில், தனியாக கோயில், கோயிலாக சுற்றி திரிந்த அஜெய்குமார் வழிதவறி தண்டா கிராமத்துக்கு சென்றது தெரியவந்தது. விசாரணைக்கு பின் போலீஸார், கேரளாவில் உள்ள உறவினர்களை வரவழைத்து, அவரிடம் அஜெய்குமாரை ஒப்படைத்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை