HC rejects plea | 17 ஆண்டுகளுக்கு முன் விடுமுறை எடுத்ததற்கான விண்ணப்ப நகல் கேட்ட மனுவை தள்ளுபடி செய்தது ஐகோர்ட்| Dinamalar

கோர்ட் செய்தி

தமிழ்நாடு

17 ஆண்டுகளுக்கு முன் விடுமுறை எடுத்ததற்கான விண்ணப்ப நகல் கேட்ட மனுவை தள்ளுபடி செய்தது ஐகோர்ட்

Added : ஜன 20, 2013
Advertisement
 
 
Advertisement
 
 
 
Advertisement

சென்னை: விடுமுறை கேட்டு, 17 ஆண்டுகளுக்கு முன் அனுப்பிய கடிதங்களின் நகல்களை வழங்க கோரி, சிண்டிகேட் வங்கி ஏஜன்ட் தாக்கல் செய்த மனுவை, சென்னை ஐகோர்ட் தள்ளுபடி செய்தது.
வேலூரில் உள்ள, சிண்டிகேட் வங்கி கிளையில், கடன் தொகையை வசூலிக்கும், "ஏஜன்ட்' ஆக, அமிர்தகுரு என்பவர் பணியாற்றினார். விடுமுறை கேட்டு, 1995ம் ஆண்டு, விண்ணப்பித்த கடிதங்களின் நகல்களை வழங்க கோரி, தன் வழக்கறிஞர் மூலம், சென்னையில் உள்ள, துணை பொது மேலாளருக்கு, "நோட்டீஸ்' அனுப்பினார். 2011ம் ஆண்டு, அக்., மாதம் அனுப்பப்பட்டது. இதை பரிசீலித்த வங்கி அதிகாரி, மூன்றாம் நபரான வழக்கறிஞருக்கு, தகவல்களை அளிக்க முடியாது என, மறுத்துள்ளார். இதையடுத்து, மேல்முறையீட்டு மனுவை, அமிர்தகுரு தாக்கல் செய்துள்ளார். "ஆவணங்களில், அவர் கோரிய தகவல்கள் இல்லை. எனவே, வழங்க முடியவில்லை' என, வங்கி தரப்பில் பதிலளிக்கப்பட்டது. மத்திய தகவல் பெறும் கமிஷனும், இவ்வாறு பதிலளித்தது.
அதைத் தொடர்ந்து, விடுமுறை கோரிய, ஐந்து கடிதங்களின் நகல்களை வழங்க, சிண்டிகேட் வங்கியின் துணைப் பொது மேலாளர் மற்றும் வேலூர் கிளை மேலாளருக்கு உத்தரவிடக் கோரி, சென்னை ஐகோர்ட்டில், அமிர்தகுரு, மனுத் தாக்கல் செய்தார். மனுவை விசாரித்த நீதிபதி சந்துரு, ""ஐந்து ஆண்டுகளுக்கு, ஆவணங்களை பராமரிப்பதாக, சிண்டிகேட் வங்கி தெரிவித்துள்ளது. அதில், மத்திய தகவல் பெறும் கமிஷன் திருப்தியடைந்து உள்ளது. 17 ஆண்டுகளுக்குப் பின், தகவல்களை மனுதாரர் கோரியுள்ளார். மனு, தள்ளுபடி செய்யப்படுகிறது. மத்திய கமிஷனின் உத்தரவில் குறுக்கிட முடியாது,'' என, உத்தரவிட்டு உள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை