Two men and a woman, wife, declaring their own spending | ஒரு பெண்ணை மனைவி எனக்கூறிசொந்தம் கொண்டாடிய இரு ஆண்கள்| Dinamalar

ஒரு பெண்ணை மனைவி எனக்கூறிசொந்தம் கொண்டாடிய இரு ஆண்கள்

Added : ஜன 20, 2013 | கருத்துகள் (1)
Advertisement
 
 
Advertisement
 
 
 
Advertisement

ரெய்சன்:மத்திய பிரதேச மாநிலத்தில், ஒரு பெண்ணை தன் மனைவி என, இரு ஆண்கள் சொந்தம் கொண்டாடினர். இறுதியில் திருமண ஆவணங்களை காட்டிய ஒருவருடன், அந்தப் பெண் செல்ல வேண்டும் என, கோர்ட் உத்தரவிட்டது.மத்திய பிரதேச மாநிலம், ரெய்சன் மாவட்டத்தை சேர்ந்த பெண் ஒருவருக்கும், பால்யாலால் என்பவருக்கும், மூன்று ஆண்டுகளுக்கு முன் திருமணம் நடந்தது. கொஞ்ச நாட்கள், பால்யாலாலுடன் வாழ்ந்த அந்தப் பெண்ணை, மகேஷ் மீனா என்பவர், கூட்டிச் சென்று விட்டார். மற்றொரு பகுதியில், இருவரும் சில காலம் ஒன்றாக வாழ்ந்தனர்.
இந்நிலையில், ஒரு நாள் தன் பெற்றோர் வீட்டிற்கு சென்ற அந்தப் பெண்ணை, பால்யாலால் தன்னுடன் அழைத்து சென்று விட்டார். இதையறிந்த, மகேஷ் மீனா போலீசாரை அணுகினார். "தன் மனைவியை மீட்டுத் தர வேண்டும்' என, புகார் கொடுத்தார். போலீசார் விசாரணை நடத்திய போது, "அந்தப் பெண் தன் மனைவி' என, பாய்லாலால் கூறினார்.இதனால், இந்த விவகாரம் கோர்ட்டிற்கு சென்றது.
நேற்று முன்தினம் ரெய்சன் நகரில் உள்ள, சப்-டிவிஷனல் மாஜிஸ்திரேட் கோர்ட்டில் வழக்கு விசாரணைக்கு வந்த போது, பால்யாலாலும், மகேஷ் மீனாவும், தன் மனைவி என, சொந்தம் கொண்டாடிய அந்தப் பெண்ணை, போலீசார் ஆஜர்ப்படுத்தினர். அப்போது, அப்பெண்ணை திருமணம் செய்ததற்கான ஆதாரங்களை காட்டினார் பால்யாலால். மற்றொருவரான மகேஷால், எந்த ஆதாரங்களையும் தர முடியவில்லை. அதனால், பால்யாலால் பாதுகாப்பில், அப்பெண்ணை ஒப்படைக்க வேண்டும் என, மாஜிஸ்திரேட் உத்தரவிட்டார். அந்தப் பெண்ணும் அவருடன் செல்ல சம்மதம் தெரிவித்தார்.இதனால், ஆசையாய் அழைத்து வந்த பெண், பாதியில் போய் விட்டாரே என்ற வருத்தத்துடன் சொந்த ஊர் திரும்பினார் மகேஷ் மீனா.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Karam chand Gandhi - Auroville,இந்தியா
20-ஜன-201309:58:40 IST Report Abuse
Karam chand Gandhi நல்ல பெண்ணப்பா
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை