DISTRICT NEWS | ஓசூர் நோக்கி முன்னேறும் யானைகளால் மக்கள் பீதி| Dinamalar

சம்பவம் செய்தி

தமிழ்நாடு

ஓசூர் நோக்கி முன்னேறும் யானைகளால் மக்கள் பீதி

Added : ஜன 20, 2013
Advertisement
 
 
Advertisement
 
 
 
Advertisement

ஓசூர்: ஓசூர் புறநகர் மலைக்கிராமங்களில் சுற்றிதிரியும் யானைகள், ஓசூரை நோக்கி படிபடியாக முன்னேறி வருவதால், பொதுமக்கள் பெரும் பீதியடைந்துள்ளனர்.
ஓசூர் அருகே ஊடேதுர்க்கம், சானமாவு, தேன்கனிக்கோட்டை காப்பு காடுகளில் தற்போது காட்டு நடமாட்டம் அதிகளவு உள்ளன. இந்த யானைகள், சானமாவு, சூளகிரி மற்றும் உத்தனப்பள்ளி சுற்றுவட்டார மலைக்கிராமங்களில் கடந்த மூன்று மாதமாக அட்டகாசம் செய்து வருகின்றன.வனத்துறையினர், பட்டாசு வெடித்தும், தீ பந்தங்கள் ஏந்தியும் பலமுறை காட்டிற்குள் விரட்டியும் மீண்டும் யானைகள் மலைக்கிராமங்களை நோக்கி படையெடுத்து வருகின்றன. பகல் முழுவதும் காட்டுக்குள் காணப்படும் யானைகள், இரவு மலைக்கிராமங்களில் புகுந்து விவசாய பயிர்களை சாப்பிட்டு செல்கின்றன.நேற்று முன்தினம் இரவு, 30க்கும் மேற்பட்ட காட்டு யானைகள், ஓசூர் அருகே பீர்ஜேப்பள்ளி கிராமத்தில் புகுந்து விவசாய பயிர்களை நாசம் செய்தன. பீர்ஜேப்பள்ளி, சானமாவு உள்ளிட்ட சுற்றுவட்டார மலைக்கிராமங்களில் நேற்று முன்தினம் இரவு மட்டும், 20 ஏக்கர் விவசாய பயிர்களை யானைகள் அழித்து சென்றுள்ளன.ஓசூருக்கு மிக அருகில் பீர்ஜேப்பள்ளி காணப்படுவதால், பீர்ஜேப்பள்ளி வந்த யானைகள் ஓசூரை நோக்கி படையெடுக்க அதிக நேரம் ஆகாது. கடந்த மூன்று ஆண்டிற்கு முன் சூளகிரி மேல்மலையில் இருந்த சிறுத்தை புலி ஒன்று, ஓசூர் நகருக்குள் புகுந்து அட்டகாசம் செய்தது. வனத்துறையினர், பெரும்பாடு பட்டு மயக்க ஊசி போட்டு பிடித்து சென்றனர்.அதேபோல், காட்டு யானைகள் ஓசூர் நகரில் புகுந்தாலும் ஆச்சரியப்படுவதிற்கில்லை. அதனால், வனத்துறையினர் யானைகளை விரைவில் அடர்ந்த காட்டிற்கு விரட்டவும், யானைகள் நிலையாக காடுகளை விட்டு வெளியேறாமல் தடுக்க மின்வேலி போடாத இடங்களில் மின்வேலி போடவும் நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை