covai district news | ஆட்டோ கவிழ்ந்து பள்ளிச்சிறுவர்கள் காயம்| Dinamalar

சம்பவம் செய்தி

தமிழ்நாடு

ஆட்டோ கவிழ்ந்து பள்ளிச்சிறுவர்கள் காயம்

Added : ஜன 20, 2013
Advertisement
 
 
Advertisement
 
 
Advertisement

குறிச்சி:குனியமுத்தூரை அடுத்த விஜயலட்சுமி மில்ஸ் பஸ் ஸ்டாப் பகுதியில், ஆட்டோ கவிழ்ந்து விபத்துக்குள்ளானதில், பள்ளிச்சிறுவர்கள் இரண்டு பேர் காயமடைந்தனர்.குனியமுத்தூரை அடுத்த பி.கே.புதூர், விநாயகர் கோவில் வீதியை சேர்ந்தவர் லூயிஸ். இவரது மகன் சாம் லூயிஸ், 10; கோவைபுதூரிலுள்ள டி.வி.சேகரன் நினைவு பள்ளியில், ஐந்தாம் வகுப்பு படித்து வருகிறான். அதுபோல, சபரி என்ற சிறுவன், சாந்தி ஆஸ்ரம் பள்ளியில் ஐந்தாம் வகுப்பு படித்து வருகிறான்.
இருவரும், அதே பகுதியை சேர்ந்த வேணுகோபால், 29 என்பவரின் ஆட்டோவில் பள்ளிக்கு சென்று, வருவர்.வழக்கம்போல, நேற்றும் பள்ளிக்கு சென்று, மாலை ஆட்டோவில் வீட்டுக்கு திரும்பிக்கொண் டிருந்தனர். கோவை -பாலக்காடு தேசிய நெடுஞ்சாலையில், விஜயலட்சுமி மில்ஸ் பஸ் ஸ்டாப்பை தாண்டி செல்லும்போது, வேணுகோபால், முன்னால் சென்ற வாகனத்தை முந்த முயன்றார். எதிரே மற்றொரு வாகனம் வந்ததால், திடீரென பிரேக் போட்டு, ஆட்டோவை நிறுத்தினார்; ஆட்டோ கவிழ்ந்து, விபத்துக்குள்ளானது. அப்பகுதியிலிருந்தோர், சிறுவர்களை மீட்டு, தனியார் மருத்துவமனையில் சேர்த்தனர்.சாம்லூயிஸ், கை மற்றும் கால்களில் காயம் ஏற்பட்டது. சபரி, சிறு காயமடைந்தான். போக்குவரத்து புலனாய்வு பிரிவு போலீசார் நடத்திய விசாரணையில், ஆட்டோ டிரைவர் வேணு கோபால், குடிபோதையில் வாகனத்தை ஓட்டியது தெரிந்தது. இதையடுத்து, வழக்கு பதிவு செய்த போலீசார், வேணுகோபாலை கைது செய்தனர்

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை