Dinamalar

சென்ட்ரல் ரயில் நிலையம், அரசு பொது மருத்துவமனைக்கு செல்ல துவங்கப்பட்ட, "ஆகாய நடைபாதை' திட்டம், ரயில்வே நிர்வாகத்தின் ஒப்புதல் கிடைக்காததால், கிடப்பில் உள்ளது. இதனால், அப்பகுதியில், நாளுக்கு நாள் போக்குவரத்து நெரிசலும், விபத்துகள் நிகழ்வதும் அதிகரித்து வருகிறது.
சென்ட்ரல் ரயில் நிலையத்தை, தினமும் ஆயிரக்கணக்கானோர் பயன்படுத்தி வருகின்றனர். இதனால், அப்பகுதியில் ஏற்படும் போக்குவரத்து நெரிசலை தவிர்க்க, அரசு மருத்துவமனை அருகிலும், விக்டோரியா ஹாலுக்கு எதிரிலும், சுரங்கப்பாதை அமைக்கப்பட்டது. ஆனால், பெரும்பாலானோர், அவற்றை பயன்படுத்துவது இல்லை. மேலும், சென்ட்ரல் மேம்பால ரயில் நிலையத்தில் இருந்து வருவோர், மேம்பாலத்தில் உள்ள நடைபாதைகளை பயன்படுத்தி வருகின்றனர். இவர்கள், சென்ட்ரல் ரயில் நிலையத்திற்கு,

சாலையின் குறுக்கே நடந்து செல்வதால், போக்குவரத்து நெரிசல் ஏற்படுவது மட்டுமின்றி, விபத்துகளும் ஏற்படுகின்றன.இதை தவிர்ப்பதற்கும், மக்களின் பயன்பாட்டை கணக்கில் கொண்டும்,
இரண்டு ஆண்டுகளுக்கு முன், "ஆகாய நடைபாதை' (ஸ்கை வாக்) திட்டத்தை நெடுஞ்சாலை துறை அறிமுகப்படுத்தியது. அதன்படி, சென்ட்ரல் எதிரே உள்ள மேம்பாலத்தின் சாலை தடுப்பு மையத்தின் மேல், நடைபாதை அமைக்க முடிவு செய்யப்பட்டது. இது, மேம்பாலத்தில் இருந்து, சென்ட்ரல் ரயில் நிலையத்தின் முன்புறம் உள்ள, பேருந்து நிலையம் வரை அமையும். அதில், ஒரு பகுதி, அரசு பொது மருத்துவமனைக்கு செல்லும் விதமாகவும், மறுபகுதி, பூங்கா நகர் மின்சார ரயில் நிலையம் செல்லும் விதமாகவும், பின், புறநகர் ரயில் நிலையம் செல்லும் வகையிலும் வடிவமைக்கப்பட்டது.அதற்காக, 20 கோடி ரூபாய் ஒதுக்கப்பட்டது.