DISTRICT NEWS | ஆத்தூர் பகுதியில் நீர்மட்டம் குறைவு| Dinamalar

பொது செய்தி

தமிழ்நாடு

ஆத்தூர் பகுதியில் நீர்மட்டம் குறைவு

Added : ஜன 20, 2013
Advertisement
 
 
Advertisement
 
 
 
Advertisement

ஆத்தூர்: ஆத்தூர் பகுதியில், பருவ மழை பொய்த்து போனதோடு, நிலத்தடி நீர் மட்டம் குறைந்ததால், காய்கறி சாகுபடி மகசூல் கடுமையாக பாதித்துள்ளது. அதனால், விவசாயிகள் வேதனையடைந்துள்ளனர்.ஆத்தூர், பைத்தூர், நரசிங்கபுரம், புங்கவாடி, பெத்தநாயக்கன்பாளையம், தலைவாசல், காட்டுக்கோட்டை, வீரகனூர், கெங்கவல்லி, தம்மம்பட்டி உள்ளிட்ட பகுதிகளில், பருத்தி, மக்காச்சோளம், மஞ்சள், மரவள்ளி, வாழை மட்டுமின்றி, காய்கறி பயிர்கள் அதிகளவில் சாகுபடி செய்யப்படுகிறது.
இங்கு விளைவிக்கப்படும் கத்திரிக்காய், வெண்டை, மிளகாய், தக்காளி, வெங்காயம், பீட்ரூட், முட்டை கோஸ், காலிஃப்ளவர், பாகற்காய், அவரைக்காய் உள்ளிட்ட காய்கறிகள், தலைவாசல் தினசரி காய்கறி மார்க்கெட்டில் விற்பனை செய்யப்படுகிறது.

ஆத்தூர் பகுதியில், பருவ மழை பொய்த்து போனதால், விவசாய கிணறு, ஆழ்துளை கிணறுகளில், நிலத்தடி நீர் மட்டம் வெகுவாக குறைந்து வருகிறது. அதனால், காய்கறி பயிர்களுக்கு கூட தண்ணீர் பாய்ச்ச முடியாத நிலையில், விவசாயிகள் பரிதவிக்கின்றனர்.இந்நிலையில், ஆத்தூர் பைத்தூர் மான் குட்டை, புங்கவாடி கிராமங்களில், 50 ஏக்கருக்கு மேல் பயிர் செய்துள்ள, கத்திரிக் காய், மிளகாய் செடிகளுக்கு தண்ணீர் பாய்ச்ச முடியவில்லை. அதனால், கத்திரிக் காய்கள், கசப்பு தன்மை ஏற்பட்டு, சாப்பிட முடியாததால், செடிகளில் விடப்பட்ட கத்திரிக் காய்கள், பழமாகவும், அழுகிய நிலையில் உள்ளன.அதேபோல், மிளகாய் செடிகள் வளர்ச்சியின்றி, "பிஞ்சு' மிளகாய்கள் பழமாகவும், வாடி, வதங்கி வருகிறது. காய்கறி உள்ளிட்ட பயிர்கள், தண்ணீரில்லாமலும், கடும் வெயிலால் காய்ந்து கருவதால், விவசாயிகள் கடும் வேதனையடைந்துள்ளனர்.ஆத்தூர் பகுதி விவசாயிகள் கூறியதாவது:பருவ மழை இல்லாததால், கிணறுகளில் நீர் மட்டம் குறைந்து வருவதோடு, வெயில் தாக்கம் கடுமையாக உள்ளது. இதில், ஆத்தூர் பகுதியில், 100 ஏக்கருக்கு மேல் பயிர் செய்துள்ள கத்திரிக்காய் செடிகளுக்கு, தண்ணீர் இல்லாமல் காய்கள் கசப்பு தன்மை ஏற்படுகிறது.இந்த காய்கள் அறுவடை செய்து, விற்க முடியாததால், அக்காய்கள் செடிகளில் பழமாக பழுத்து தொங்குகிறது. மேலும், கடும் பனிப்பொழிவில், காய்கறி உற்பத்தி கடுமையாக பாதித்துள்ளதால், காய்கறிக்கு தட்டுப்பாடு, விலை உயர்வு ஏற்பட்டுள்ளது.
காய்கறி பயிர் சாகுபடி செய்த, விவசாயிகளுக்கு, தமிழக அரசு வறட்சி நிவாரணம் வழங்க வேண்டும்.இவ்வாறு அவர்கள் கூறினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை