DISTRICT NEWS | எய்ட்ஸ் தாக்கம் குறைந்துள்ளது: கலெக்டர் தகவல்| Dinamalar

பொது செய்தி

தமிழ்நாடு

எய்ட்ஸ் தாக்கம் குறைந்துள்ளது: கலெக்டர் தகவல்

Added : ஜன 20, 2013
Advertisement
 
 
Advertisement
 
 
 
Advertisement

புதுக்கோட்டை: ""மாநில எய்ட்ஸ் கட்டுப்பாடு சங்கம் மேற்கொண்டுவரும் விழிப்புணர்வு நடவடிக்கைளின் மூலம், தமிழகத்தில் ஹெச்.ஐ.வி.,யின் தாக்கம், 1.13 சதவீதத்திலிருந்து, 0.25 சதவீதமாக குறைந்துள்ளது,'' என புதுக்கோட்டை கலெக்டர் மனோகரன் தெரிவித்தார்.புதுக்கோட்டையில் எய்ட்ஸ் விழிப்புணர்வு பிரச்சார கலை நிகழ்ச்சியை துவக்கிவைத்து, அவர் பேசியதாவது:மாநில எய்ட்ஸ் கட்டுப்பாடு சங்கம் சார்பில், எய்ட்ஸ் விழிப்புணர்வு பிரச்சார கிராமிய கலை நிகழ்ச்சி மாநிலம் முழுவதும் தொடர்ந்து, 50 நாட்கள் நடக்கிறது. தெருக்கூத்து, கரகாட்டம், ஒயிலாட்டம், பொம்மலாட்டம் போன்ற கிராமிய கலைகள் மூலமாக, மக்கள் மத்தியில், குறிப்பாக இளைஞர்கள் மத்தியில் எய்ட்ஸ் குறித்த விழிப்புணர்வு ஏற்படுத்துவதே இதன் நோக்கம்.இதுதவிர பிரச்சார வாகனம் மூலமாகவும் எய்ட்ஸ் விழிப்புணர்வு ஏற்படுத்தப்பட உள்ளது.

எய்ட்ஸ் மற்றும் ஹெச்.ஐ.வி., தடுப்பு பணிகளில், தமிழகம் இதர மாநிலங்களுக்கு முன்மாதிரியாக திகழ்கிறது. தொண்டு நிறுவனங்கள் உதவியுடன் மாநில எய்ட்ஸ் கட்டுப்பாடு சங்கம் மேற்கொண்டு வரும் விழிப்புணர்வு நடவடிக்கைகளின் மூலம், தமிழகத்தில் ஹெச்.ஐ.வி.,யின் தாக்கம், 1.13லிருந்து, 0.25 சதவீதமாக குறைந்துள்ளது. இதை அறவே ஒழிக்கும் விதமாகத்தான், இதுபோன்ற விழிப்புணர்வு நடவடிக்கைகள் தொடர்கிறது.இவ்வாறு கலெக்டர் பேசினார்.நிகழ்ச்சியில் மாவட்ட எய்ட்ஸ் கட்டுப்பாட்டு அலுவலர் டாக்டர் சகாயமேரி ரீட்டா, மருத்துவப் பணிகள் இணை இயக்குனர் டாக்டர் ராமநாதன், சுகாதாரப் பணிகள் துணை இயக்குனர் போஸ்கோராஜா உட்பட பலர் பங்கேற்றனர். மாவட்ட எய்ட்ஸ் மற்றும் கட்டுப்பாடு சங்க மேற்பார்வையாளர் வாருணிதேவி நன்றி கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை