Profit for Tamil nadu Transport Corporation | அரசு போக்குவரத்து கழகத்திற்கு தினமும் மிச்சம் : தனியார், "பங்க்'களில் டீசல் போடுவதால் லாபம்| Dinamalar
Advertisement
பதிவு செய்த நாள் :
கருத்துகள் (60)  கருத்தை பதிவு செய்ய
எழுத்தின் அளவு:

தனியார், "பங்க்'களில், டீசல் நிரப்புவதை, சென்னை மாநகர போக்குவரத்து கழகம் உட்பட, அனைத்து போக்குவரத்து கழகங்களும் துவக்கி உள்ளன. இதன் மூலம், அரசுக்கு, நாளொன்றுக்கு, 1.56 கோடி ரூபாய் சேமிப்பாகிறது.

தமிழக அரசு பேருந்துகளுக்கு தேவையான டீசல், மத்திய எண்ணெய் நிறுவனங்களிடம் இருந்து, மொத்தமாக கொள்முதல் செய்யப்படுகிறது. சமீபத்தில், மொத்த கொள்முதல் டீசல் விலையை லிட்டருக்கு, 11.81 ரூபாயாக, எண்ணெய் நிறுவனங்கள் உயர்த்தின.டீசல் விலை உயர்வு, அரசு போக்குவரத்து கழகங்கள் மத்தியில் பெரும் அதிர்ச்சியை ஏற்படுத்தியது. விலை உயர்வால், அரசு போக்குவரத்து கழகங்களுக்கு, ஆண்டுக்கு, 1,000 கோடி ரூபாய் வரை, கூடுதல் செலவு ஏற்படும்.கூடுதல் செலவை சமாளிக்க, தனியார், "பங்க்'களில் சில்லறை கொள்முதல் செய்ய, தமிழக அரசு முடிவு செய்தது. அதன்படி, இம்மாதம், 26ம் தேதி முதல், தனியார், "பங்க்'களில், அரசு பேருந்துகளுக்கு டீசல் நிரப்பப்பட்டு வருகிறது. அரசு பேருந்துகளுக்கு டீசல் நிரப்புவதால், எவ்வித அசம்பாவிதமும் ஏற்படாவண்ணம், பலத்த போலீஸ் பாதுகாப்பும் போடப்பட்டிருந்தது.

இது குறித்து, போக்குவரத்து துறை உயர் அதிகாரி கூறியதாவது:எட்டு போக்குவரத்து கழகங்களில், 21,989 பேருந்துகள் உள்ளன. இவற்றிற்கு, நாளொன்றுக்கு, 15 லட்சம் லிட்டர் டீசலும், சென்னை மாநகர போக்குவரத்து கழகத்தில் இயங்கும், 3,497 பேருந்துகளுக்கு, நாளொன்றுக்கு, 2.30 லட்சம் லிட்டர் டீசலும் பயன்படுத்தப்படுகிறது. முன்னாள் ராணுவத்தினரால் நடத்தப்படும், பெட்ரோல், "பங்க்'கள் உள்ளிட்ட, தெரிவு செய்யப்பட்ட, "பங்க்'களில் மட்டுமே, டீசல் பிடிக்க அனுமதி அளித்துள்ளோம். தனித்தனியாக பேருந்துகள் டீசல் நிரப்பினால், முறைகேடு நடக்க வாய்ப்பிருக்கிறது.இதை தடுக்க, குறிப்பிட்ட எண்ணிக்கையிலான, பேருந்துகளை கொண்டு சென்று, டீசல் நிரப்பப்படுகிறது. "பங்க்'களில், டீசல் பிடிக்கும் போது, டிரைவருடன் போக்குவரத்து கழக

ஆய்வாளர் ஒருவரும் இருப்பர்.தனியார், "பங்க்'களில் டீசல் நிரப்புவதால்,நாளொன்றுக்கு, கிட்டத்தட்ட, 1.56 கோடி ரூபாயும், சென்னை மாநகர போக்குவரத்து கழகத்திற்கு, நாளொன்றுக்கு, 23 லட்சமும் மிச்சமாகிறது.இவ்வாறு, அவர் கூறினார்.

வாகன நெரிசல்:


பேருந்துகளுக்கு, தனியார், "பங்க்'களில் டீசல் நிரப்புவதால், அரசு பேருந்துகளின் இயக்கம் பாதிக்காத வகையில், நள்ளிரவு மற்றும் அதிகாலை நேரங்களில், டீசலை நிரப்ப அறிவுறுத்தப்பட்டு உள்ளது.இருப்பினும், நேற்று சென்னை மாநகர பேருந்துகள், காலை நேரங்களில், டீசல் நிரப்ப, "பங்க்'களுக்கு சென்றதால், மாநகரில் பல இடங்களில் வாகன நெரிசல் ஏற்பட்டது.பல, "பங்க்'களில், டீசல் காலியானதால், திடீர் பற்றாக்குறை ஏற்பட்டது.பொதுமக்கள் மற்றும் மற்ற வாகனங்களுக்கு, எவ்வித இடையூறும் இன்றி, அரசு பேருந்துகளுக்கு டீசல் நிரப்பும் நேரத்தை, போக்குவரத்து கழகங்கள் நிர்ணயிக்க வேண்டும் என்றும், பொதுமக்கள் தரப்பில் எதிர்பார்ப்பு எழுந்து உள்ளது.

வினியோகத்தில் பாதிப்பு வராது:



அரசு பேருந்துகளுக்கு டீசல் நிரப்புவதால், இதர வாகனங்களுக்கான வினியோகத்தில் பாதிப்பு ஏற்படுமா என்பது குறித்து,பெட்ரோல், "பங்க்' உரிமையாளர்கள்

Advertisement

கூறியதாவது:சில்லரை விற்பனையில், அரசு பேருந்துகள் டீசலை நிரப்புவதால், எவ்விதத்திலும் பாதிப்பு வராது. நாளொன்றுக்கு, அரசு பேருந்துகளுக்கு பயன்படுத்தப்படும் டீசலின் அளவு, மொத்த விற்பனையில், 5 லிருந்து 10 சதவீதமாகும். அரசு பேருந்துகளுக்கு, எண்ணெய் நிறுவனங்கள், டீசல் வினியோகம் செய்யக் கூடாது என்று உத்தரவு பிறப்பிக்க முடியாது. இனி வினியோக அளவு குறித்து, "கோட்டா' முறை கொண்டு வரலாம். உடனே, நாடு முழுவதும், இந்த முறையை அமல்படுத்துவது கடினம். இவ்வாறு, அவர்கள் கூறினர்.தமிழக அரசு போக்குவரத்து கழகங்களுக்கு லாபம் கிடைக்கும் அதே வேளையில், பெட்ரோல், "பங்க்' உரிமையாளர்களுக்கு கூடுதலாக டீசல் விற்பனையாவதால் கமிஷன் தொகையும் அதிகரித்து உள்ளது.- நமது நிருபர் -

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (60)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Venkatesh Balasubramanian - Tirupur,இந்தியா
29-ஜன-201304:59:50 IST Report Abuse
Venkatesh Balasubramanian போக்கு வரத்து கழக ஊழியர்கள் இதற்க்கெல்லாம் வேலை நிறுத்தம் அறிவிக்கலாம். 11 ருபாய் உயர்வு என்பது அதுவும் பொது துறைக்கு மிகவும் மோசம். 16 லக்ஷம் காரில் செல்பவருக்கு மானிய விலையில் டீசல். சாதாரண மக்கள் செல்லும் பஸ் கு விலை உயர்வு. மோசமான இரட்டை விலை கொள்கை
Rate this:
Share this comment
Cancel
d.karthick - mumbai,இந்தியா
28-ஜன-201318:01:21 IST Report Abuse
d.karthick அப்போ டிரைவர் கண்டக்டருங்களுக்கு இனிமே தினம் தீபாவளிதான் ......... ஒரு முறை டான்க் புல் பண்ணா 500 ரூபா வரைக்கும் கமிஷன் அடிக்கலாம். அப்ப டெய்லி 500 x 30 = 15000/- ( கமிஷன் ஷேர் டிரைவர் + கண்டக்டர் +supervisor ) எப்படி நம்ம கணக்கு
Rate this:
Share this comment
Cancel
RAJAN - chennai,இந்தியா
28-ஜன-201317:50:33 IST Report Abuse
RAJAN நல்லோர்களே எல்லோரும் ஒரு விஷயத்தை மறந்துட்டாங்க. பெட்ரோல் / டீசல் நாம் அயல் நாட்டிலிருந்து தான் இறக்குமதி செய்றோம். அதற்குப் பதில் எல்லா பேருந்துகளையும் "சோலார்" "சூரிய ஒளி" மற்றும் டீசல் இரண்டின் மூலமும் இயங்குவதுபோல மாற்றினால், எரிபொருள் தேவை கணிசமாக குறையும். அரசுக்கும் நல்ல லாபம் கிடைக்கும், சுற்றுப்புறமும் பாதுகாக்கப்படும். எரிபொருளுக்காக யாரையும் கையேந்த வேண்டிய நிலை நமக்கு ஏற்படாது. எதிர்காலம் பிரகாசமாகும். சம்பத்தப்பட்டவர்கள் சிந்தித்து உடனடியாக நல்ல செயல் பாட்டினை அமல் படுத்த வேண்டும் என்று கேட்டுக்கொள்கிறேன். நன்றி
Rate this:
Share this comment
Cancel
p.boopathy enkira Boopathiyar - chennai,இந்தியா
28-ஜன-201317:47:35 IST Report Abuse
p.boopathy enkira Boopathiyar மேலும் இன்னும் மிச்சமாகும், நேரடியாக தமிழக அரசு மற்றும் தனியார் துறை நேரடியாக இறக்குமதி பெட்ரொலிய பொருள் செய்தால்.., அதற்கு மாநில அரசு பெட்ரொலிய துறை ஏற்படுத்த படவேண்டும்
Rate this:
Share this comment
Cancel
v j antony - coimbatore,இந்தியா
28-ஜன-201317:36:25 IST Report Abuse
v j antony தமிழக அரசு போக்குவரத்து துறையை முழவதும் தனியார் மயமாக்க முன்வர வேண்டும் .
Rate this:
Share this comment
Cancel
Devakotti Jagadishkumar - chennai,இந்தியா
28-ஜன-201316:56:47 IST Report Abuse
Devakotti Jagadishkumar இப்பொழுதாவது கருணாநிதி மத்திய அரசில் இருந்து விலக வேண்டும். இல்லையென்றால் தமிழகம் மோசமாகிவிடும். தமிழகத்தின் அனைத்து விசயத்திற்கும் முட்டுகட்டையாக உள்ளார். வரும் பாராளுமன்ற தேர்தலில் திமுக மண்ணை கவ்வுவது நிச்சயம்.
Rate this:
Share this comment
Cancel
Nallavan Nallavan - Kolkata,இந்தியா
28-ஜன-201316:45:19 IST Report Abuse
Nallavan Nallavan தனியார் பங்க்-களுக்கு அதிக வருமானம் பெற்றுத்தரத்தான் மத்திய அரசு அடிக்கடி அறிவிக்கும் இந்த விலையேற்றமோ?
Rate this:
Share this comment
Cancel
Sasi dharan - Chennai,இந்தியா
28-ஜன-201316:41:02 IST Report Abuse
Sasi dharan ஏற்கனவே பல ஆண்டு காலம் பணி புரிந்து ஓய்வு பெற்றவர்களுக்கான ஓய்வூதியம், கிராஜுவிட்டி, விடுப்பு ஒப்படைப்பு சம்பளம் என பணியாளர்களுக்கு வழங்க வேண்டிய பணப்பலன்கள் பல போக்குவரத்து கழகங்களிலும் பல மாதங்களாக வழங்கப்படவில்லை. ஓய்வு பெற்ற பணியாளர்கள் இனியுள்ள காலம் யாரை தான் நம்பி வாழ்வது. சுய கவுரவத்துடன் வாழ நினைக்கும் ஓய்வு பெற்ற பணியாளர்களுக்கு கிடைக்க வேண்டிய பணப்பலன்கள் இந்த டீஸல் விலை உயர்வால் மீண்டும் பல மாதங்களும் பல ஆண்டுகளும் கடந்து தான் கிடைக்கும். அது வரை எத்தனை பேர் உயிருடன் இருப்பார்கள். வாழ்நாள் முழுதும் உழைத்ததின் பலன்கள் உயிருடன் இருக்கும்போது கிடைக்காமல் செத்த பிறகு மற்றவர்களுக்கு கிடைப்பதினால் வறுமையுடன் வாழ்ந்து உயிர் விடும் பணியாளர்களின் ஆத்மா சாந்தியடையுமா? மத்தியிலாகட்டும் மாநிலத்திலாகட்டும் ஆளுபவர்கள் இவர்களை பற்றி சிந்திக்க வேண்டும்.
Rate this:
Share this comment
Cancel
Dinesh Pandian - Hyderabad,இந்தியா
28-ஜன-201316:18:54 IST Report Abuse
Dinesh Pandian அப்படியே பாண்டிச்சேரியில் போய் டீஸல் போடுங்க
Rate this:
Share this comment
Cancel
தமிழ்வேல் - முகப்பேர் மேற்கு ,இந்தியா
28-ஜன-201315:34:22 IST Report Abuse
தமிழ்வேல் இதனால், பேருந்து கட்டணத்தை குறைத்து துப்புரவும் கவனிக்கப் படவேண்டும்....
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.