district news | "ரூ.23க்கு பொருள் வாங்கினால் தான் இலவச அரிசி' :சோமங்கலம் மக்கள் அதிருப்தி| Dinamalar

தமிழ்நாடு

"ரூ.23க்கு பொருள் வாங்கினால் தான் இலவச அரிசி' :சோமங்கலம் மக்கள் அதிருப்தி

Added : ஜன 29, 2013 | கருத்துகள் (1)
Advertisement
 
 
Advertisement
 
 
 
Advertisement

குன்றத்தூர் : பணம் கொடுத்து, கூடுதல் பொருட்களை வாங்கினால் மட்டுமே, அரசு தரும் இலவச அரிசி கிடைக்கும் என்ற நிலை இருப்பதால், சோமங்கலம் மக்கள் அதிருப்தி அடைந்துள்ளனர்.
குன்றத்தூர் ஒன்றியம் சோமங்கலம் ஊராட்சியில், 4,000 பேர் வசித்து வருகின்றனர். இங்கு, பொது மக்களுக்கு குறைந்த விலையில் பொருட்கள் வழங்குவதற்காக, அரசின் நியாய விலை கடை அமைந்துள்ளது.ரூ.23க்கு...இதில், சோமங்கலம், மேட்டூர், இந்திரா நகர், மேலாத்தூர் உள்ளிட்ட பகுதிகளில் வசிக்கும் பொது மக்கள், ரேஷன் பொருட்களை வாங்கி வருகின்றனர். இந்த கடையில் கடந்த இரண்டு ஆண்டுகளாக சோப்பு, பவுடர், பிஸ்கட், உப்பு போன்றவற்றை கட்டாயப்படுத்தி ரேஷன் ஊழியர்கள் வாங்கச் செல்வதாக, மக்கள் குற்றம் சாட்டுகின்றனர்.
இது குறித்து, அப்பகுதியை சேர்ந்த பொது மக்கள் கூறியதாவது: இந்த நியாய விலை
கடையில் நியாயமாக பொருட்கள் வழங்கப்படுவதில்லை. அரசு ஏழைகளுக்கு இலவசமாகக் கொடுக்கும் அரிசிக்கு, 23 ரூபாய் கொடுத்து சோப்பு, பவுடர்களை கூடுதலாக வாங்கச் சொல்லி
கட்டாயப்படுத்துகின்றனர். இதேபோல், சர்க்கரை வழங்கும் போது, 15 ரூபாய் கொடுத்து
பிஸ்கட் வாங்கச் சொல்லியும், மண்ணெண்ணெய் வழங்கும் போது, ஆறு ரூபாய் கொடுத்து உப்பு வாங்கச் சொல்லியும் கட்டாயப்படுத்துகின்றனர். கட்டாயம் இந்த கூடுதல் பொருட்களை வாங்கினால் மட்டுமே ரேஷன் பொருட்கள் பொது மக்களுக்கு வழங்கப்படுகின்றன.
இதனால், ஏழை மக்கள் பெரிதும் பாதிக்கப்படுகின்றனர். எதிர்த்து கேள்வி கேட்கும் பொது மக்களுக்கு, ரேஷன் பொருட்கள் சரியாக வழங்குவதில்லை. இவ்வாறு, அவர்கள் கூறினர்.
இது குறித்து ரேஷன் கடை ஊழியரிடம் கேட்டபோது, ""வரும் காலங்களில், கூடுதல் பொருட்களை வாங்க கட்டாயப்படுத்துவது தவிர்க்கப்படும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழ்வேல் - முகப்பேர் மேற்கு ,இந்தியா
30-ஜன-201315:36:35 IST Report Abuse
தமிழ்வேல் // இது குறித்து ரேஷன் கடை ஊழியரிடம் கேட்டபோது, ""வரும் காலங்களில், கூடுதல் பொருட்களை வாங்க கட்டாயப்படுத்துவது தவிர்க்கப்படும்,'' என்றார். // இவர்கள் மீது புகார் அளிக்கலாமே ?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை