ramanathapuram district news | தண்ணீரின்றி 3,000 செங்கல் சூளைகள் முடக்கம்;ஆயிரக்கணக்கான தொழிலாளர்கள் வேலை இழப்பு| Dinamalar

தமிழ்நாடு

தண்ணீரின்றி 3,000 செங்கல் சூளைகள் முடக்கம்;ஆயிரக்கணக்கான தொழிலாளர்கள் வேலை இழப்பு

Added : ஜன 29, 2013
Advertisement
 
 
Advertisement
 
 
Advertisement

ராமநாதபுரம்:பருவமழை பொய்த்ததால், ராமநாதபுரம் மாவட்டத்தில் தண்ணீர் இன்றி 3,000க்கும் மேற்பட்ட செங்கல் சூளைகள் முடங்கியுள்ளன. கூலி தொழிலாளிகள் மாற்றுப்பிழைப்பு தேடி வெளியூர் செல்லும் பரிதாபம் ஏற்பட்டுள்ளது. காவனூர், பாண்டியூர், தொருவளூர், மஞ்சூர், புல்லங்குடி, காருகுடி உள்ளிட்ட பகுதிகளில் 3,000க்கும் மேற்பட்டோர், செங்கல் சூளைகளை குடிசை தொழிலாக நடத்தி வருகின்றனர்.
இவற்றை நம்பி 30 ஆயிரம் குடும்பங்கள் உள்ளன.வைகை ஆற்றை ஒட்டியுள்ள கரையோரங்களில் இருந்து வெட்டி எடுக்கப்படும், வண்டல் மண்ணில் செங்கல் கற்கள் உற்பத்தி செய்யப்படுகிறது. மேலும், ஆறு மற்றும் ஆழ்துளை கிணறு மூலம் பெறப்படும் நல்ல தண்ணீரில், தயாரிக்கப்படுவதால் நீண்டநாள் உழைக்கும் தன்மை உள்ளதாக நம்பப்படுகிறது. இதனால், இந்த ஊர்களின் செங்கற்களுக்கு கிராக்கி உள்ளது.
காவனூர், செங்கல் சூளை உரிமையாளர், கே.பஞ்சவர்ணம் கூறியதாவது: ஒரு செங்கல் விலை 4 ரூபாய். வாடகை, ஏற்று, இறக்கு கூலி உட்பட ஒரு லோடு (4000 கல்) 20 ஆயிரம் ரூபாய். எந்தாண்டும் இல்லாத அளவிற்கு கடந்தாண்டு பருவ மழை பொய்த்தால், கண்மாய்கள் மற்றும் வைகை ஆற்றில் தண்ணீர் இல்லை. இத்தொழிலை நம்பியுள்ள ஆயிரக்கணக்கான குடும்பங்கள் தொழில் இன்றி வாடி வருகின்றன. பலர் சூளைகளை நிரந்தரமாக மூடிவிட்டனர். பலர் விவசாய பணிக்கும், மதுரை, திருப்பூர் போன்ற மாவட்டங்களுக்கு பிழைப்பு தேடி குடும்பத்தோடு சென்றுவிட்டனர், என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை