Guilty plea for mercy brutal | கொடூர குற்றவாளிக்கு சுப்ரீம் கோர்ட் கருணை| Dinamalar

கொடூர குற்றவாளிக்கு சுப்ரீம் கோர்ட் கருணை

Added : ஜன 29, 2013 | கருத்துகள் (2)
Advertisement
 
 
Advertisement
 
 
 
Advertisement
கொடூர குற்றவாளிக்கு சுப்ரீம் கோர்ட் கருணை

புதுடில்லி: பெற்ற மகளை கற்பழித்து, அந்த குற்றத்திற்கான தண்டனை காலத்தில், பரோலில் வெளியே வந்து, மனைவியையும், மகளையும் கொலை செய்த கொடியவனுக்கு, ஐகோர்ட் வழங்கிய மரண தண்டனையை, சுப்ரீம் கோர்ட் ஆயுள் தண்டனையாக குறைத்து உத்தரவிட்டுள்ளது.பஞ்சாப் மாநிலத்தில் இந்த கொடுமையான சம்பவம் நடந்தது. 1999ல், தான் பெற்ற மகள், மைனராக இருக்கும் போது, தந்தையால் பாலியல் பலாத்காரம் செய்யப்பட்டாள். இதை கண்ட தாய், கணவன் மீது போலீசில் புகார் தெரிவித்தார்.சிறையில் அடைக்கப்பட்ட, இப்போது, 48 வயதாகும், மொகிந்தர் சிங் என்ற அந்த கொடூரனுக்கு, 2001ல், ஆயுள் தண்டனை விதித்து, பஞ்சாப் ஐகோர்ட் உத்தரவிட்டது. தண்டனை காலத்தில், 2006ல், பரோலில் வெளியே வந்த அவன், கற்பழித்த மகளையும், சாட்சியம் கூறி தண்டனை பெற்று தந்த மனைவி, வீணாவையும் வெட்டி கொன்றான்.இதையடுத்து, அவனுக்கு, பஞ்சாப் ஐகோர்ட், மரண தண்டனை விதித்தது. அதை எதிர்த்து, சுப்ரீம் கோர்ட்டில் அவன் மேல் முறையீடு செய்தான். அந்த வழக்கு, நீதிபதிகள், இப்ராகிம் கலிபுல்லா, பி.சதாசிவம் ஆகியோரை கொண்ட, "டிவிஷன் பெஞ்ச்' முன், கடந்த, 28ம் தேதி விசாரணைக்கு வந்தது.நீதிபதிகள் தங்கள் உத்தரவில், மரண தண்டனையை ஆயுள் தண்டனையாக குறைத்தனர். அது குறித்து அவர்கள் வழங்கிய தீர்ப்பில், "இந்த வழக்கு ஒன்றும், அரிதிலும் அரிதானது அல்ல; தண்டனை பெற்று தந்த மனைவியையும், மகளையும் பழிவாங்கவே அவர்களை கொலை செய்துள்ளான். இதில், அரிதான செயல் எதுவும் இல்லை. எனவே, மரண தண்டனை ஆயுள் தண்டனையாக குறைக் கப்படுகிறது' என தெரிவித்தனர்."மிகவும் கொடூரமான முறையில், மைனர் மகளை கற்பழித்து, பின் அந்த பெண்ணையும், மனைவியையும் கொலை செய்தவன் மீது சுப்ரீம் கோர்ட் கருணை காட்டியுள்ளது சரியான தீர்ப்பல்ல' என, பாதிக்கப்பட்ட பெண்கள் சார்பில் ஆஜரான வழக்கறிஞர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
senthil - dubai,ஐக்கிய அரபு நாடுகள்
31-ஜன-201300:29:02 IST Report Abuse
senthil நல்ல மனிதர்கள் வாழ தகுதியல்லாத நாடு இந்தியா
Rate this:
Share this comment
Cancel
Guru - Batam,இந்தோனேசியா
30-ஜன-201307:22:49 IST Report Abuse
Guru மனிதத்தன்மையே இல்லாதவனுக்கு எதற்கு கருணை... இது நாளை இன்னொருவனுக்கு தண்டனை குறைய வழி வகுக்கும்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை