The minister, name of the female tiger cubs reserve | சரணாலய புலி குட்டிகளுக்கு பெண் அமைச்சர் பெயர்| Dinamalar

சரணாலய புலி குட்டிகளுக்கு பெண் அமைச்சர் பெயர்

Updated : ஜன 30, 2013 | Added : ஜன 29, 2013 | கருத்துகள் (1)
Advertisement
 சரணாலய புலி குட்டிகளுக்கு பெண் அமைச்சர் பெயர்

ஜெய்ப்பூர்: ராஜஸ்தானில், விலங்குகள் சரணாலய புலிக்குட்டிகளுக்கு, மாநில பெண் அமைச்சர், தன் பெயரை சூட்டி மகிழ்ந்துள்ளார். இந்த விவகாரம், சர்ச்சையை ஏற்படுத்தியதும், பெயர்கள் மாற்றப்பட்டன.காங்கிரசை சேர்ந்த முதல்வர், அசோக் கெலாட் தலைமையிலான ராஜஸ்தான் அரசில், வனத்துறை அமைச்சராக இருப்பவர், பினாகக். இவர், அங்குள்ள ரத்தம் போர் விலங்குகள் சரணாலயத்தில் வளர்ந்து வரும், 1 வயதே ஆன, பெண் புலிக்குட்டிகளுக்கு, பினா - 1, பினா - 2 என, தன் பெயரை சூட்டினார்.வனத்துறை அமைச்சரான அவரின் கட்டுப்பாட்டில் உள்ள சரணாலய புலிக்குட்டிகளுக்கு, பெயர் சூட்டும் உரிமை அவருக்கு உள்ளது என, சரணாலய அதிகாரிகள் நினைத்தனர்.ஆனால், எதிர்கட்சியான பாரதிய ஜனதா இதை கடுமையாக கண்டித்தது. அக்கட்சி செய்தி தொடர்பாளர், ஜோதி கிரண், ""அணைகள், சாலைகள், தெருக்கள் என அனைத்திற்கும், அரசியல் கட்சி தலைவர்களின் பெயர்கள் சூட்டப்பட்டு விட்டன. இப்போது, விலங்குகளுக்கும் தலைவர்கள் பெயர் வைப்பதா?'' என, எதிர்ப்பு தெரிவித்தார்.மாநில பத்திரிகைகளிலும் இந்த விவகாரம் பெரிதானதும், அதிர்ச்சி அடைந்த பெண் அமைச்சர் பினா, அந்த புலிக்குட்டிகளை, சரிஸ்கா விலங்குகள் சரணாலயத்திற்கு மாற்றும்படி உத்தரவிட்டதுடன், பெயரையும் மாற்றி கொள்ள அதிகாரிகளுக்கு அனுமதித்தார்.எனினும், அவருக்கு கோபம் தாங்கவில்லை; அவர் கூறியதாவது:அந்த புலிக்குட்டிகள் எனக்கு மிகவும் இஷ்டமானவை. அதன் தாய், பிரசவத்தின் போது இறந்து விட்டது. என் உத்தரவின் படி, அவற்றை மிகவும் கஷ்டப்பட்டு வளர்த்தோம். அவற்றை அடிக்கடி பார்க்க சென்ற போது, "பினா' என, அழைத்தேன். அந்த பெயர் நன்றாக இருக்கிறது என, பலரும் கூறியதால், அந்த பெயரே நிலைத்து விட்டது. இதில் என்ன தவறு இருக்கிறது?விலங்குகளுக்கு பெயர் சூட்டுவது நல்ல விஷயம். அவற்றை பெயர் கூறி அழைக்காமல், எண்களில் அழைப்பது சரியாக படவில்லை. அதனால் தான், பெயர் வைத்தேன். இதை பொறுத்து கொள்ள முடியாதவர்கள், பிரச்னையை கிளப்பி விட்டனர்.வீட்டில் வளர்க்கும் செல்ல பிராணிகளுக்கு, எண் சொல்லி அழைப்பதில்லை; அவற்றை செல்லப் பெயர்களில் தான் அழைக்கிறோம். அப்படி தான், அந்த பெண் புலி குட்டிகளுக்கு, என் பெயரை வைத்தேன். பிரச்னை ஏற்பட்டதும், பெயரை மாற்ற உத்தரவிட்டு விட்டேன்.இவ்வாறு அவர் கூறினார்.சரிஸ்கா விலங்குகள் சரணாலயத்தில், அந்த இரு பெண் புலிக்குட்டிகளுக்கும், "பி - 1' மற்றும் "பி - 2' என, பெயர் மாற்றப்பட்டுள்ளன.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
JALRA JAYRAMAN - chennai,இந்தியா
30-ஜன-201306:30:19 IST Report Abuse
JALRA JAYRAMAN விலங்குகளின் பேரில் உள்ள அன்பால் தன் பெயரை வைத்திருக்கிறார். இதை பிஜேபி தேவையில்லாமல் அரசியல் ஆக்குகிறது
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை