The train engines are on the toilet | ரயில் இன்ஜின்களில் வருகிறது கழிப்பறை| Dinamalar

பொது செய்தி

இந்தியா

ரயில் இன்ஜின்களில் வருகிறது கழிப்பறை

Added : ஜன 29, 2013
Advertisement
 
 
Advertisement
 
 
Advertisement

புதுடில்லி: ரயில் இன்ஜின்களில், முதன் முறையாக கழிப்பறை வசதி ஏற்படுத்தப்பட உள்ளது.ரயில்களை இயக்கும் ஓட்டுனர்கள், அடிப்படை தேவையான கழிப்பறை வசதி இல்லாமல் மிகுந்த அவதிப்பட்டனர். அவர்கள் இயற்கை உபாதைகளுக்காக, ரயில் நிலையங்களில் ரயில் நிற்கும் போது மட்டுமே சமாளிக்க முடிந்தது.இதற்காக, ரயில் இன்ஜின்களில், கழிப்பறை வசதியை ஏற்படுத்தி தரவேண்டும் என, நீண்ட நாட்களாக கோரி வந்தனர். இந்தியாவில் இயக்கப்படும் டீசல் இன்ஜின்களில், இது நாள் வரை, கழிப்பறை வசதி செய்யப்பட்டது இல்லை. இந்நிலையில், முதன் முறையாக, ரயில் இன்ஜினில் கழிப்பறை வசதி ஏற்படுத்த நடவடிக்கை எடுக்கப்பட்டு உள்ளது.கழிப்பறை மற்றும் வாஷ் பேசின் பொருத்தப்பட்டிருந்த, முதலாவது ரயில் இன்ஜின் நேற்று, டில்லி ரயில் நிலையத்தில் நிறுத்தப்பட்டு இருந்தது. இதை, மத்திய ரயில்வே அமைச்சர் பவன்குமார் நேரில் ஆய்வு செய்தார்.பின், நிருபர்களிடம் பேசிய அவர், ""கழிப்பறை வசதி, சோதனை முயற்சியாக பரிசோதித்து பார்க்கப்பட்டு உள்ளது. இதே போன்று, அனைத்து தொலை தூர ரயில்களிலும், விரைவில் அமைக்கப்படும். இது போன்ற கழிப்பறைகள், ராஜ்தானி ரயில்களை இயக்கும் ஓட்டுனர்களுக்கு மிகவும் பயனுள்ளதாக இருக்கும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை