Woman commits suicide | "டிவி' பார்ப்பதை கைவிடாத மகளால் தாய் தற்கொலை| Dinamalar

சம்பவம் செய்தி

தமிழ்நாடு

"டிவி' பார்ப்பதை கைவிடாத மகளால் தாய் தற்கொலை

Added : ஜன 30, 2013
Advertisement
 
 
Advertisement
 
 
Advertisement

திருப்பூர்: பத்தாம் வகுப்பு படிக்கும் மகள், பலமுறை சொல்லியும், "டிவி' பார்ப்பதை நிறுத்தவில்லையே என்ற வேதனையில், திருப்பூரில் தாய் தற்கொலை செய்து கொண்டார். திருப்பூர் குப்புசாமிபுரத்தை சேர்ந்தவர், யசோதா, 38. இவருக்கு, ரவிச்சந்திரன் என்பவருடன் திருமணமாகி, ஒரு மகன், ஒரு மகள் உள்ளனர். கணவருடன் ஏற்பட்ட கருத்து வேறுபாட்டால், 15 ஆண்டுகளாக யசோதா, தன் அண்ணன் சரவணன் குடும்பத்தாருடன் வசித்து வந்தார். யசோதா மகள், அவிநாசியில் உள்ள ஒரு பள்ளியில், 10ம் வகுப்பு படிக்கிறார். அவர், படிப்பில் நாட்டம் செலுத்தாமல், எந்நேரமும், "டிவி' பார்ப்பதை வழக்கமாகக் கொண்டிருந்ததாக கூறப்படுகிறது. இதை தாய் யசோதா கண்டித்துள்ளார். அடிக்கடி புத்திமதி கூறியும், மகள் திருந்தவில்லையே என, மனமுடைந்த யசோதா, விஷம் குடித்தார். மயங்கி விழுந்த அவரை, திருப்பூர் அரசு மருத்துவமனையில் சேர்த்தும், சிகிச்சை பலனின்றி உயிரிழந்தார். மகளின், "டிவி' மோகம், தாய் உயிரை குடித்த சம்பவம், திருப்பூரில் பரபரப்பை ஏற்படுத்தியது. திருப்பூர் தெற்கு போலீசார் விசாரிக்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை