Sex abuse : student commits suicide | பாலியல் தொல்லை: பள்ளி மாணவி தற்கொலை : நடவடிக்கை கோரி உறவினர்கள் மறியல்| Dinamalar

சம்பவம் செய்தி

தமிழ்நாடு

பாலியல் தொல்லை: பள்ளி மாணவி தற்கொலை : நடவடிக்கை கோரி உறவினர்கள் மறியல்

Added : ஜன 30, 2013
Advertisement
 
 
Advertisement
 
 
 
Advertisement

கோத்தகிரி: பாலியல் தொந்தரவு கொடுத்ததால் தற்கொலைக்கு முயன்ற பள்ளி மாணவி, சிகிச்சை பலனின்றி இறந்தார்; மரணத்தில் சந்தேகம் உள்ளதாகக்கூறி உறவினர்கள் மறியலில் ஈடுபட்டதால், கோத்தகிரி - ஊட்டி சாலையில் போக்குவரத்து பாதிக்கப்பட்டது. நீலகிரி மாவட்டம் கோத்தகிரி கட்டபெட்டு பாக்கிய நகர் பகுதியை சேர்ந்த கந்தசாமியின் மகள் பிரமீளா, 15. பெற்றோருக்குள் ஏற்பட்ட பிரச்னையால் தந்தையை பிரிந்து, அத்தை சரஸ்வதி பராமரிப்பில் இருந்துள்ளார். விடுதியில் தங்கி, சாம்ராஜ் பள்ளியில் பிரமீளா 10ம் வகுப்பு படித்து வந்தார். நேற்று முன்தினம், விடுதி காப்பாளரிடம், "வீட்டுக்கு சென்று வருகிறேன்' எனக்கூறி விட்டு வெளியில் சென்றுள்ளார். அப்போது, அடையாளம் தெரியாத நான்கு பேர், பிரமீளாவின் கையை பிடித்து இழுத்து பாலியல் தொந்தரவு கொடுத்தாக கூறப்படுகிறது. மனமுடைந்த பிரமீளா, பாக்கியா நகரில் உள்ள தனது அத்தை வீட்டுக்கு சென்று, யாரும் இல்லாத நேரத்தில், மண்ணெண்ணெய் ஊற்றி தற்கொலைக்கு முயன்றுள்ளார். தீக்காயத்துடன் அலறிய அவரை, அருகில் இருந்தவர்கள் மீட்டு, கோத்தகிரி அரசு மருத்துவமனையில் சேர்த்தனர். மேல் சிகிச்øகாக கோவைக்கு கொண்டு செல்லப்பட்ட அவர், சிகிச்சை பலனின்றி உயிரிழந்தார். இதற்கிடையே, "பிரமீளாவின் மரணத்தில் மர்மம் உள்ளது; போலீசார் விசாரணை நடத்தி, குற்றவாளிகளை கைது செய்ய வேண்டும்' என வலியுறுத்தி, உறவினர்கள் பாக்கியநகரில் மறியலில் ஈடுபட்டனர். இதனால், கோத்தகிரி-ஊட்டி சாலையில், 45 நிமிடம் போக்குவரத்து பாதிக்கப்பட்டது. குன்னூர் டி.எஸ்.பி., மாடசாமி மற்றும் போலீசார், மறியலில் ஈடுபட்டவர்களுடன் பேச்சு நடத்தினர். "விரைவில் உரிய நடவடிக்கை எடுக்கப்படும்' என உறுதியளித்ததை அடுத்து, மறியல் கைவிடப்பட்டது.
பள்ளி மாணவி தற்கொலை செய்து கொண்ட சம்பவம், கோத்தகிரியில் சோகத்தை ஏற்படுத்தியுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை