Jeya peravai secretary arrested | புகார் கொடுக்க சென்றவர் மீது தாக்கு : ஒன்றிய ஜெயலலிதா பேரவை செயலர் கைது - Jayalalitha | Dinamalar

சம்பவம் செய்தி

தமிழ்நாடு

புகார் கொடுக்க சென்றவர் மீது தாக்கு : ஒன்றிய ஜெ., பேரவை செயலர் கைது

Added : ஜன 30, 2013
Advertisement
 
 
Advertisement
 
 
Advertisement

சேத்தியாத்தோப்பு: சேத்தியாத்தோப்பு அருகே, போலீசில் புகார் கொடுக்கச் சென்ற வாலிபரைத் தாக்கிக் கொலை மிரட்டல் விடுத்த, புவனகிரி ஒன்றிய ஜெ., பேரவை செயலரை போலீசார் கைது செய்தனர். கடலூர் மாவட்டம், சேத்தியாத்தோப்பு அடுத்த வீரமுடையாநத்தம் கிராமத்தைச் சேர்ந்தவர் இளவரசன். புவனகிரி ஒன்றிய ஜெ., பேரவை செயலர். இவரது மனைவி ராஜேஸ்வரி; மாவட்ட கவுன்சிலர். இளவரசன் வீட்டின் ஆடு, அதே கிராமத்தில் உள்ள சண்முகம் என்பவரின் வீட்டிற்குள் புகுந்து, காய்கறிகளைத் தின்று சேதப்படுத்தியது. இதற்கு சண்முகம் மனைவி பாமா, ராஜேஸ்வரியிடம் நியாயம் கேட்டார். இதனால் இருவருக்கும் இடையே தகராறு ஏற்பட்டது. இது பற்றி சேத்தியாத்தோப்பு போலீசில் கடந்த, 6ம் தேதி புகார் கொடுக்கச் சென்ற சண்முகத்தின் மகன் சரண்ராஜை, இளவரசன், ராஜேஸ்வரி மற்றும் சிலர் சேர்ந்து, அவரை வழிமறித்து ஆபாசமாகத் திட்டி, தாக்கிக் கொலை மிரட்டல் விடுத்தனர். இது குறித்து, சரண்ராஜ் கொடுத்த புகாரின் பேரில், சேத்தியத்தோப்பு போலீசார் ஜெ., பேரவை ஒன்றியச் செயலர் இளவரசன், மாவட்ட கவுன்சிலர் ராஜேஸ்வரி, இவர்களது மகன் ரவிச்சந்திரன் உட்பட, ஐந்து பேர் மீது வழக்குப் பதிந்து, தேடி வந்தனர். தலைமறைவாக இருந்த இளவரசனை சேத்தியாத்தோப்பு சப்-இன்ஸ்பெக்டர் நரசிம்மஜோதி மற்றும் போலீசார் நேற்று கைது செய்து கடலூர் மத்திய சிறையில் அடைத்தனர். மற்ற நான்கு பேரை தேடிவருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை