district news | பயன்படாத "போர்வெல்'களில் மழைநீர் சேகரிப்பு| Dinamalar

பொது செய்தி

தமிழ்நாடு

பயன்படாத "போர்வெல்'களில் மழைநீர் சேகரிப்பு

Updated : ஜன 31, 2013 | Added : ஜன 30, 2013
Advertisement
 
 
Advertisement
 
 
 
Advertisement

திருப்பூர்: மாநிலம் முழுவதும் பயன்படாமல் உள்ள ஆழ்குழாய் கிணறுகளை கண்டறிந்து மழைநீர் சேகரிப்பு திட்டத்தை செயல்படுத்துவதன் மூலமாக, நிலத்தடி நீர்மட்டத்தை உயர்த்த தமிழக அரசு முடிவு செய்துள்ளது.
கடந்த அ.தி.மு.க., ஆட்சி காலத்தில், மழைநீர் திட்டம் கட்டாயமாக்கப்பட்டது. அரசு கட்டடங்கள், பள்ளி கட்டடங்கள் மற்றும் மாணவர் விடுதிகள், தொழிற்சாலைகள், குடியிருப்புகள் என அனைத்து கட்டடங்களிலும் மழைநீர் சேகரிப்பு அமைப்பு கட்டாயமாக்கப்பட்டது.



கட்டடங்களில் மழைநீர் சேகரிப்பு அமைப்பு இருந்தால் மட்டுமே உரிமம் வழங்கப்படும் என உள்ளாட்சி அமைப்புகள் அறிவித்தன. கடந்த தி.மு.க., ஆட்சியில் இத்திட்டம் சரியாக கண்டுகொள்ளப்படவில்லை. மீண்டும் ஆட்சி அமைத்தபிறகு, மழைநீர் திட்டத்தை அ.தி.மு.க., தூசிதட்டி எடுத்தது. முதல்கட்டமாக, அரசு கட்டடங்களில் மழைநீர் சேகரிப்பு அமைப்பை முறைப்படுத்த உத்தரவு வழங்கப்பட்டுள்ளது.



நடப்பு ஆண்டில், மழை சரியாக பெய்யாமல் வறட்சி நிலவுவதால், அதனை எதிர்கொள்வதற்கான வழிமுறைகளை கண்டறிய அரசு களமிறங்கியுள்ளது. அதன்படி, மழைநீர் திட்டத்தை விரிவுபடுத்த <உத்தேசிக்கப்பட்டுள்ளது. கோடை காலத்தில் ஏற்படும் குடிநீர் தட்டுப்பாட்டை போக்கும் வகையில், முன்னெச்சரிக்கை நடவடிக்கை மேற்கொள்ளப்பட உள்ளது. முதல்கட்டமாக, பயன்படாமல் உள்ள ஆழ்குழாய் கிணறுகளை கண்டறிந்து, அதன் மூலமாக மழைநீர் சேகரிப்பை ஊக்கவிக்க முடிவு செய்யப்பட்டுள்ளது.



ஊரக வளர்ச்சி உதவி இயக்குனர் செல்வகணபதி கூறியதாவது:



கிராம ஊராட்சி பகுதிகளில், பயன்பாடு இல்லாமல் உள்ள ஆழ்குழாய் கிணறுகள், தண்ணீர் இல்லாமல் வற்றிப்போன ஆழ்குழாய் கிணறுகளை கண்டறியும் கணக்கெடுப்பு விரைவில் நடைபெற உள்ளது. மழைநீர் சேகரிப்பு திட்டத்தை விரிவுபடுத்தி, பயன்பாடற்ற ஆழ்குழாய் கிணறுகளில் மழைநீர் சேகரிக்கப்படும்.



இதன் மூலமாக, மழைநீர், நேரடியாக நிலத்துக்குள் சென்று, நிலத்தடி நீர் பாதுகாக்கப்படும். வரும் 1ம் தேதி முதல், பயன்பாடற்ற ஆழ்குழாய் கிணறுகளை கண்டறியும் கணக்கெடுப்பு நடைபெறும். அறிக்கை தயாரித்து அரசிடம் சமர்பித்து, மாவட்ட நிர்வாக ஆலோசனையை பெற்று பணிகள் துவக்கப்படும், என்றார்.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை