CBI, the Supreme Court ordered the special court set up in 2 months | சி.பி.ஐ., சிறப்பு கோர்ட்டுகளை 2 மாதத்தில் அமைக்க சுப்ரீம் கோர்ட் உத்தரவு| Dinamalar

சி.பி.ஐ., சிறப்பு கோர்ட்டுகளை 2 மாதத்தில் அமைக்க சுப்ரீம் கோர்ட் உத்தரவு

Added : ஜன 30, 2013
Advertisement
 
 
Advertisement
 
 
 
Advertisement

புதுடில்லி: ஊழல் முறைகேட்டில் சிக்கும் அரசியல்வாதிகள், அரசு உயர் அதிகாரிகள் சம்மந்தப்பட்ட வழக்குகளை விசாரிக்க, போதுமான அளவில், சி.பி.ஐ., சிறப்பு கோர்ட்டுகளை அமைக்க, மத்திய அரசு தவறிவிட்டதாக, சுப்ரீம் கோர்ட் கவலை தெரிவித்தது. இரண்டு மாதத்திற்குள், 22 சிறப்பு சி.பி.ஐ., கோர்ட்டுகளை அமைக்க உத்தரவிட்டது.இது தொடர்பான வழக்கு, நீதிபதிகள் ஜி.எஸ்.வி., சிங்வி, பாக்கீர் கலிபுல்லா ஆகியோர் அடங்கிய பெஞ்ச் முன், நேற்று விசாரணைக்கு வந்தது. இது தொடர்பாக, நீதிபதிகள் பிறப்பித்த உத்தரவில் கூறியதாவது: அரசியலில் உயர் பொறுப்பில் உள்ளவர்கள், உயர் அதிகாரிகள் தொடர்புடைய ஊழல் வழக்குகளை விசாரிக்க, சிறப்பு கோர்ட்டுகளை அமைக்கும்படி, 2011ம் ஆண்டு முதல், உத்தரவு பிறப்பித்து வருகிறோம். ஒவ்வொரு முறையும், பல்வேறு காரணங்களையும், விளக்கங்களையும் சொல்லிக் கொண்டே இருக்கிறீர்கள். நீங்கள் மனசு வைத்தால், சில மணி நேரங்களில் செயல்படுத்த முடியும். கடந்த, 2011ம் ஆண்டு ஜனவரி, 27ம் தேதி, நாங்கள் வெளியிட்ட உத்தரவில், சிறப்பு கோர்ட்டுகளை அமைக்கும்படி குறிப்பிட்டு இருந்தோம்.கடந்த, 2009ம் ஆண்டு ஜூலை மாதம், மாநில முதல்வர்களுக்கு, பிரதமர் மன்மோகன்சிங் எழுதிய கடிதத்தில், கூடுதல் சிறப்பு கோர்ட்டுகளை அமைக்கும்படி, கடிதம் எழுதியுள்ளார்; அதற்கு சரியான நடவடிக்கை இல்லாததையும், கவனத்தில் கொள்கிறோம்.இன்னும் இரண்டு மாத காலத்திற்குள், 22 சிறப்பு சி.பி.ஐ., கோர்ட்டுகளை, போதுமான கட்டுமான வசதி மற்றும்தேவையான ஊழியர்களுடன் அமைக்க வேண்டும். இவ்வாறு, நீதிபதிகள் தங்கள் உத்தரவில் குறிப்பிட்டு இருந்தனர். கடந்த மாதம், 13ம் தேதி, இது தொடர்பான வழக்கு விசாரணைக்கு வந்தபோது, மத்திய அரசு தரப்பில், வாதாடிய அரசு வழக்கறிஞர், 22 சிறப்பு கோர்ட்டுகளை அமைக்க நடவடிக்கை எடுக்கப்பட்டுள்ளதாகவும், இதற்கான, அரசு உத்தரவு பிறப்பிக்கப்பட்டுள்ளதாகவும் குறிப்பிட்டு இருந்தார்.தற்போது, மத்திய அரசு இரண்டு மாத அவகாசம் வழங்கியிருந்தாலும், ஒரு மாதத்திற்கு அரசு, சிறப்பு கோர்ட்டுகளை அமைக்கும் என தெரிகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை