Dinamalar

கோவை நகரில் நடைபாதை உணவு கடைகள், நொறுக்கி தீனி கடைகளின் எண்ணிக்கை நாளுக்கு நாள் அதிகரித்து வருகிறது. குறைந்த விலைக்கு உணவு பொருட்கள் வழங்குவதாகவும் தொழில் போட்டியில் பெட்டிக்கடை முதல் பெரிய கடைகள் வரை கூவி., கூவி., விற்பனை செய்யும் நிலையும் அதிகரித்து விட்டது.

இம்மாதிரியான உணவு பொருட்களில் தரம் உள்ளதா? இல்லையா ? என்பதில் குழப்பமான நிலையே நீடித்து வருகிறது. ஒரு முறை பயன்படுத்திய எண்ணெயையே மீண்டும்.. மீண்டும்.. பயன்படுத்துவதால், உடல் உபாதைகள் உள்ளிட்ட பல்வேறு நோய்களுக்கு காரணமாக அமைந்து விடுகிறது, இதற்கு பொதுமக்களிடம் போதிய விழிப்புணர்வு இல்லாததே காரணம் சுகாதாரமற்ற உணவு, சுகாதாரமற்ற சூழலில் உணவு விடுதிகள் நடத்துதல், மாசடைந்த குடிநீர், காலாவதியான சிக்கன், மட்டன் போன்ற அசைவ உணவுகள் குறித்து எச்சரிக்கை செய்கிறார் தமிழ்நாடு உணவு பாதுகாப்புப் பிரிவின், கோவை அதிகாரி கதிரவன்.

இது குறித்து கதிரவன் நமது நிருபரிடம் கூறியதாவது: உணவுப் பாதுகாப்புச் சட்டம், அனைவரும் சுகாதாரமான உணவை உட்கொள்ள வழி வகை செய்ய வேண்டும் என்பதற்காகவே செயல்படுத்தப்பட்டது. சுகாதாரமான உணவு, நோயற்ற வாழ்க்கைக்கு அடித்தளம் அமைக்கும். உணவகங்கள் சுற்றுப்புறச் சூழலை, நன்கு பாதுகாக்க வேண்டும். மாசு ஏற்படுத்தும் தொழிற்சாலைகள் அருகே அமைந்திருந்தால், உணவு தயாரிப்பின்போது, சுகாதாரத்திற்கு கேடு வராமல், முறையான நடவடிக்கை எடுக்கப்பட வேண்டும். பொதுக்கழிப்பிடங்கள் மற்றும் திறந்த வெளி கழிப்பிடங்கள் அருகிலோ, கழிவு நீர்க்

கால்வாய்கள் அல்லது துர்நாற்றம் மற்றும் கழிவுப் பொருட்கள் சேமிப்புக்கிடங்குகளின் அருகிலோ, உணவு தயாரிக்கவோ, சேமிக்கவோ கூடாது. துருப்பிடிக்காத, உணவை நஞ்சாக்காத எளிதல் சுத்தம் செய்யும் பாத்திரங்களை மட்டும்தான், உணவு தயாரிக்க உபயோகப்படுத்த வேண்டும். குடிநீர்த் தொட்டிகள் கால முறைகளில் சுத்தப்படுத்தப் பட வேண்டும். அதற்கான பதிவேடுகளையும் முறையாக பராமரிக்க வேண்டும். நீரை சுத்திகரிக்கும் சாதனங்களை, குறிப்பிட்ட காலங்களில் சுத்தப்படுத்த வேண்டும். அதில் உள்ள கேன்டில்களை உபயோகப்படுத்தும் காலத்திற்கேற்ப, மாற்றிக் கொண்டே இருக்க வேண்டும். சுத்திகரிக்கப்படாத கேன்டில்களில் படிந்துள்ள அழுக்குகள், நீரை மாசுபடுத்துவதோடு, கெடுதலையும் உருவாக்கும்.

காய்கறிகள் உள்ளிட்ட மூலப் பொருட்களை குடிநீர்க் குழாய்களில் கழுவ வேண்டும்.பெரிய பாத்திரங்களில் அள்ளிப்போட்டு, முக்கி எடுக்கக்கூடாது. காய்கறிகளில் ரசாயனப் பொருள் படிந்திருக்கும். அது நன்றாக கழுவப்படாவிட்டால், நோயை உருவாக்கும். உணவுடன் நேரடித் தொடர்புடைய பனிக்கட்டி மற்றும் நீராவி, அருந்தக்கூடிய குடிநீரால் தயாரிக்கப்பட்டிருக்க வேண்டும். உதாரணத்திற்கு, இட்லி வேக வைக்க சப்பை தண்ணீரையோ, உப்புத் தண்ணீரையோ பயன்படுத்தக் கூடாது.மூலப் பொருட்கள் அனைத்தும், எங்கு தயாரிக்கப்பட்டது, எப்போது, தயாரித்த நிறுவனம், வாங்கப்பட்ட தேதி உள்ளிட்ட தகவல்கள் அவசியம் இடம்பெற்றிருக்க வேண்டும். அப்பொருட்களின் தன்மைக்கேற்ப, முதலில் வரப்பெற்றதை முதலில் பயன்படுத்த வேண்டும். முதலில் காலாவதியாகக் கூடியதை, முதலில் பயன்படுத்த வேண்டும். சுழற்சி முறையில்