district news | ரூ.48 லட்சம் குத்தகை தொகை நிலுவை சட்ட நடவடிக்கைக்கு நகராட்சி முடிவு| Dinamalar

தமிழ்நாடு

ரூ.48 லட்சம் குத்தகை தொகை நிலுவை சட்ட நடவடிக்கைக்கு நகராட்சி முடிவு

Added : ஜன 31, 2013
Advertisement
 
 
Advertisement
 
 
 
Advertisement

ஓசூர்: ஓசூர் நகராட்சியில், 48 லட்சத்து, 7 ஆயிரத்து 698 ரூபாய் குத்தகை தொகை பாக்கி நிலுவையில் உள்ளது. பாக்கியை வசூலிக்க நகராட்சி நீதிமன்றம் செல்ல நடவடிக்கை எடுத்து வருகிறது.
ஓசூர் நகராட்சியில், எம்.ஜி.ஆர்., தினசரி மார்க்கெட் சுங்கம் வசூலித்தல், ஆடு வதை செய்யும் வளாகம் பராமரிப்பு, வாரசந்தையில் சுங்கம் வசூலித்தல், புதிய பஸ் ஸ்டாண்ட் பஸ்களுக்கு சுங்கம் வசூலித்தல் உள்ளிட்ட பல்வேறு வருவாய் இனங்கள் உள்ளன.
இந்த வருவாய் இனங்களை குத்தகைக்கு எடுத்தவர்கள், நகராட்சிக்கு கடந்த, 2008ம் ஆண்டு முதல் முறையாக குத்தகை பணத்தை செலுத்தவில்லை. இதுகுறித்து நகராட்சி பலமுறை கடிதம் மூலமோ, நேரடியாக அறிவுரை வழங்கியும், குத்தகை பணம் செலுத்தவில்லை.
இதனால், வாரச்சந்தையை சுங்கம் வசூலித்தல் உரிமையை ஏலம் எடுத்தவகையில், 9 லட்சத்து, 92 ஆயிரத்து, 193 ரூபாயும், எம்.ஜி.ஆர்., தினசரி மார்க்கெட்டில் சுங்கம் வசூலித்தலை எடுத்த வகையில், 21 லட்சத்து, 99 ஆயிரத்து, 382 ரூபாயும், புதிய பஸ்ஸ்டாண்ட்டில் பஸ்களுக்கு சுங்கம் வசூலிக்க ஏலம் எடுத்தவகையில், 13 லடசத்து, 77 ஆயிரத்து, 710 ரூபாயும், ஆடு வதை செய்யும் வளாகத்தை பராமரிக்கும் பொறுப்பை குத்தகை எடுத்த வகையில், 2 லட்சத்து, 38 ஆயிரத்து, 413 ரூபாயும் பாக்கி உள்ளது.
மொத்தம், 48 லட்சத்து, 7 ஆயிரத்து, 698 ரூபாய் பாக்கி நிலுவையில் உள்ளது. குத்தகை தொகையை செலுத்தாத குத்தகைதாரர்கள் மீது நீதிமன்றம் மூலம் வழக்கு தொடர்ந்து நிலுவை பணத்தை வசூலிக்க நகராட்சி நிர்வாகம் நடவடிக்கை எடுத்துள்ளது. நீதிமன்ற நடவடிக்கை எடுக்க அனுமதி வழங்க கோரி, இன்று (ஜன.,31) நடக்கும் நகராட்சி கூட்டத்தில் தீர்மானம் வைக்கப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை