district news | நெருக்கடி ரேஷன் கடைகளில் காலி சாக்குகள் தேக்கத்தால் பணியாளர்கள் தவிப்பு | Dinamalar

தமிழ்நாடு

நெருக்கடி ரேஷன் கடைகளில் காலி சாக்குகள் தேக்கத்தால் பணியாளர்கள் தவிப்பு

Added : ஜன 31, 2013
Advertisement
 
 
Advertisement
 
 
 
Advertisement

விருதுநகர்: விருதுநகர் மாவட்டத்தில் ஆயிரத்திற்கும் மேற்பட்ட ரேஷன் கடைகளில், காலி சாக்குகள் எடுக்காததால், ரேஷன் பொருட்கள் இருப்பு வைக்க முடியவில்லை. ரேஷன் பணியாளர்கள் சம்பளம்
இல்லாமல் தவித்து வருகின்றனர். கூட்டுறவுத்துறை, நுகர்பொருள் வாணிப கிடங்கு, மகளிர் சுய உதவிக்குழுக்கள் சார்பில்,ஆயிரத்திற்கும் மேற்பட்ட ரேஷன் கடைகள் உள்ளன. இந்த கடைகளில் மாதம் தோறும் சேகரிக்கப்படும் காலி சாக்குகளுக்கு,மாவட்ட அளவில் காலி சாக்கு விலை நிர்ணயக்குழு அமைக்கப்பட்டு, டெண்டர் விடப்பட்டு, விற்பனை செய்யப்படும். இந்த பணம் ரேஷன் கடை நிர்வாகம் செய்யவும், பணியாளர்கள் சம்பளத்திற்கும் பயன்படும். இந் நிலையை மாற்றிய அரசு ,மாநில அளவில் கமிட்டி அமைக்கப்பட்டு, காலி சாக்குகள் டெண்டர் விடப்பட்டது. மதுரை, திண்டுக்கல், சிவகங்கை, விருதுநகர் மாவட்டங்களில் டெண்டர் விடப்படாமல் உள்ளது. ஏழு மாதங்களில் ரேஷன் கடைகளில் ஆயிரக்கணக்கில் சாக்குகள் தேக்கமடைந்துள்ளன. ரேஷன் கடைகளில் சாக்குகள் நிறைந்துள்ளதால், பொது வினியோகப்பொருட்கள் இருப்பு வைக்க முடியாத நிலை உள்ளது. பொது வினியோகப்பணி பாதிக்கும் நிலை ஏற்பட்டுள்ளது. காலி சாக்குகள் தற்காலிகமாக எடுத்துக்கொண்டிருந்த, நுகர்பொருள் வாணிப கிடங்கு அதிகாரிகளும் எடுப்பதில்லை. ரேஷன் கடை விற்பனையாளர் ஒருவர் கூறுகையில்,""காலி சாக்குகள் ஏழு மாதமாக எடுக்கப்படவில்லை. தேக்கமடைந்துள்ளதால், பொருட்களை இருப்பு வைக்க முடியாத நிலை உள்ளது. காலி சாக்கு விற்பனை செய்தால் தான் சம்பளம் வழங்கும் நிலை இருப்பதால், அதிகாரிகள் நடவடிக்கை எடுக்க வேண்டும். தாலுகா கிடங்குகளில் கொண்டு சேர்க்க அதிகாரிகள் தெரிவிக்கின்றனர்.ஆனால் தாலுகா கிடங்கில் சாக்குகளை வாங்க மறுக்கின்றனர்,'' என்றார். நுகர்பொருள் வாணிப கிடங்கு அதிகாரி சிவராமன் கூறுகையில், ""ரேஷன் கடைகளில் தேக்கமடைந்துள்ள காலி சாக்குகளை, அந்தந்த தாலுகாவில் உள்ள நுகர்பொருள் வாணிப கிடங்குகளில் கொண்டு சேர்க்கலாம்,'' என்றார். இதன்மீது அதிகாரிகள் நடவடிக்கை எடுத்து, காலிசாக்குகளை அப்புறப்படுத்த நடவடிக்கை எடுக்க வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை