district news | குறுக்கீடு ஐராவதநல்லூர் ஆக்கிரமிப்பு அகற்றுவதில் ஒரு வாரத்திற்கு ஒத்திவைத்த அதிகாரிகள்| Dinamalar

தமிழ்நாடு

குறுக்கீடு ஐராவதநல்லூர் ஆக்கிரமிப்பு அகற்றுவதில் ஒரு வாரத்திற்கு ஒத்திவைத்த அதிகாரிகள்

Added : ஜன 31, 2013
Advertisement
 
 
Advertisement
 
 
 
Advertisement

மதுரை: மதுரை ஐராவதநல்லூரில், நேற்று அகற்றுவதாக இருந்த ஆக்கிரமிப்பு பணி, அரசியல் தலையீட்டால் ஒரு வாரத்திற்கு ஒத்திவைக்கப்பட்டது. இதே நிலை தொடர்ந்தால், மதுரையில் ஆக்கிரமிப்புகளை தவிர்க்க முடியாது. மாநகராட்சியில், ஆக்கிரமிப்பு இல்லாத இடங்களை விரல் விட்டு எண்ணிவிடலாம். ஆனால், அவற்றின் மீதான நடவடிக்கை சொற்பமே. விரிவாக்கத்தில் இணைந்த பகுதிகளில், ஆக்கிரமிப்புகள் அதிகம்.குறிப்பாக, ஐராவதநல்லூர் பகுதியில், பஸ் போக்குவரத்து இடையூறாக வீடுகள், கட்டடங்கள், மன்றங்கள் அதிகம் உள்ளன. இது தொடர்பாக, அப்பகுதியான 55 வார்டின் அ.தி.மு.க., கவுன்சிலர் காமாட்சி, மாநகராட்சி கூட்டத்தில் தொடர்ந்து புகார் அளித்து வந்தார்.இதைதொடர்ந்து, ஆக்கிரமிப்புகளை அதிகாரிகள் கணக்கெடுத்தனர். 30க்கும் மேற்பட்ட கட்டடங்கள் ஆக்கிரமிப்பில் இருப்பது தெரிந்தது. நேற்று, இடிக்க ஏற்பாடு செய்த நிலையில், திடீரென நடவடிக்கை ரத்தானது. ஆக்கிரமிப்பில் உள்ள மன்றங்கள், கட்சிகளை சேர்ந்தவை என்பதால், அரசியல் குறுக்கீடு நுழைந்து, ஆக்கிரமிப்பு அகற்றும் நடவடிக்கைக்கு முட்டுக் கட்டையானது. ஆக்கிரமிப்புகளில் பெரும்பாலானாவை, அரசியல் தொடர்பானவர்களுக்கு சொந்தமானவை என்பதும், மற்றொரு காரணம். "ஆக்கிரமிப்பை தானாக அகற்றுவதாக அப்பகுதியினர் தெரிவித்ததால், நடவடிக்கை ஒரு வாரத்திற்கு ஒத்திவைக்கப்படுவதாக,' அதிகாரிகள் தரப்பில் தெரிவிக்கப்பட்டது. கவுன்சிலர் காமாட்சி கூறியதாவது: 30 ஆண்டுகளாக, அப்பகுதியில் ஆக்கிரமிப்பு உள்ளதால், பஸ் போக்குவரத்திற்கு இடையூறாக உள்ளது. அப்பகுதியினர் முன்வந்து ஆக்கிரமிப்பை அகற்றுவார்கள் என்ற நம்பிக்கை எனக்கில்லை. அதே நேரத்தில், மாநகராட்சி அகற்றும் என நம்புகிறேன், என்றார்.
ஐராவதநல்லூரில் அவகாசம் கொடுத்த அதிகாரிகள், அய்யர் பங்களா, நாராயணபுரம் பகுதிகளின் ஆக்கிரமிப்புகளை முழுவீச்சில் அகற்றினர். அதன் மூலம், ஐராவதநல்லூர் ஆக்கிரமிப்பு அகற்றும் பணியில் அரசியில் தலையீடு இருப்பது, தெளிவாகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை