Corporation meeting concludes within 3minutes | மூன்றே நிமிடத்தில் முடிந்த மாநகராட்சி கூட்டம்| Dinamalar

அரசியல் செய்தி

தமிழ்நாடு

மூன்றே நிமிடத்தில் முடிந்த மாநகராட்சி கூட்டம்

Added : ஜன 31, 2013
Advertisement
 
 
Advertisement
 
 
Advertisement

தூத்துக்குடி: கவுன்சிலர்களின் கூச்சல், குழப்பத்தால், தூத்துக்குடி மாநகராட்சி கூட்டம், எவ்வித விவாதமுமின்றி, மூன்றே நிமிடத்தில் முடிந்தது. தூத்துக்குடி மாநகராட்சி கூட்டம், நேற்று, மேயர் சசிகலா புஷ்பா தலைமையில் நடந்தது. கமிஷனர் மதுமதி, அதிகாரிகள், கவுன்சிலர்கள் கலந்துகொண்டனர். டிசம்பர் மாதம், தி.மு.க., பொருளாளர் ஸ்டாலின் தலைமையில், அக்கட்சி செயல்வீரர்கள் கூட்டத்தை, புது பஸ்ஸ்டாண்ட் மைதானத்தில் நடத்த, மாநகராட்சி திடீரென தடைவிதித்து, அதற்கான பந்தலையும் பிரித்தது. அதைக்கண்டித்து, கொறடா கோட்டுராஜா தலைமையில், தி.மு.க., கவுன்சிலர்கள், கறுப்புச்சட்டை அணிந்துவந்தனர். கூட்டம், துவங்கியவுடனே, அதுகுறித்து அவர்கள் பேசியபோது, அ.தி.மு.க., கவுன்சிலர்களுக்கும், அவர்களுக்கும் வாக்குவாதம், தள்ளுமுள்ளு ஏற்பட்டது. இந்த கூச்சல், குழப்பத்தால், மக்கள் பிரச்னை மற்றும் தீர்மானங்கள் குறித்து, எவ்வித விவாதமுமின்றி, மூன்றே நிமிடத்தில் கூட்டம் முடிந்தது. பின்னர், தி.மு.க., கவுன்சிலர்கள், நிர்வாகத்தைக்கண்டித்து, கூட்ட அரங்கின் தரையில் அமர்ந்து தர்ணா செய்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை