Govt order to hike municipal staff salary hike | நகராட்சி ஊழியர் சம்பள நிதி உயர்வு காலிப் பணியிடங்கள் நிரம்பும்| Dinamalar

பொது செய்தி

தமிழ்நாடு

நகராட்சி ஊழியர் சம்பள நிதி உயர்வு காலிப் பணியிடங்கள் நிரம்பும்

Added : பிப் 01, 2013
Advertisement
 
 
Advertisement
 
 
Advertisement

சின்னமனூர் : நகராட்சிகளின் வருவாயில், ஊழியர்களின் சம்பளத்திற்கு செலவிடும் தொகையை, 65 சதவீதமாக உயர்த்தி, அரசு உத்தரவிட்டுள்ளது. இரண்டாம் நிலை, முதல்நிலை, தேர்வுநிலை, சிறப்புநிலைகளில் 140 நகராட்சிகள் உள்ளன. நக ராட்சி வரி வருவாயில் இருந்து தான், ஊழியர்களுக்கு சம்பளம் கொடுக்கப்படுகிறது. சொத்து, தொழில், குடிநீர் வரிகள், மாநில நிதிக்குழு மானியம் உள்ளிட்டவை நகராட்சிகளின் வருவாய். கடந்த 2003 க்கு முன், நகராட்சியின் வருவாயில், சம்பளத்திற்காக எவ்வளவு தொகையும் பயன்படுத்திக் கொள்ளலாம். இதனால், வருவாயில் 90 சதவீதம் வரை, சம்பளத்திற்காகவும், புது பணியிடம் நிரப்புவதற்காகவும் செலவிடப்பட்டது; மீதமுள்ள நிதியில், அத்தியாவசிய பணிகள் செய்யப்பட்டன. பணியிடங்களை, தங்கள் இஷ்டத்திற்கு நிரப்பிக் கொண்டதால், பல நகராட்சிகள், சம்பளம் வழங்க முடியாமல் திணறின. இதனால், வரிவருவாயில் 49 சதவீதம் மட்டுமே சம்பளத்திற்கும், புது பணியிடம் நிரப்புவதற்கும் பயன்படுத்த வேண்டும் என, அரசு உத்தரவிட்டது. இந்த நடைமுறையால், 10 ஆண்டுகளாக, நகராட்சிகளில், பணியிடங்களை நிரப்புவதில் சிக்கல் இருந்தது. தற்போது, இந்நடைமுறையில் புதுதிருத்தத்தை, அரசு அறிவித்துள்ளது. நகராட்சிகளின் மொத்த வருவாயில், 65 சதவீதம் வரை, சம்பளத்திற்கும், புது நியமனத்திற்கும் ஒதுக்கலாம் என, அரசு உத்தரவிட்டுள்ளது. இதனால் இதுவரை, காலியாக இருந்த பணியிடங்கள், விரைவில் நிரப்பப்படும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை