loot at pazhani | பழநியில் மூதாட்டியிடம் நூதன முறையில் 13 பவுன் நகை பறிப்பு| Dinamalar

சம்பவம் செய்தி

தமிழ்நாடு

பழநியில் மூதாட்டியிடம் நூதன முறையில் 13 பவுன் நகை பறிப்பு

Added : பிப் 01, 2013
Advertisement
 
 
Advertisement
 
 
Advertisement

பழநி : பழநியில் நடந்துசென்ற மூதாட்டியிடம் நூதன முறையில் 13 பவுன் தங்க நகைகளை மர்ம நபர்கள் பறித்துச்சென்றனர். பழநிடவுன் தேரடிவீதியைச்சேர்ந்த பழனிச்சாமி மனைவி விஜயகுமாரி,68. பல்வலிக்காக மருத்துவமனைக்கு சென்றுவிட்டு வீட்டிற்கு திரும்பும் போது, இருசக்கரவாகனத்தில் வந்த 24 வயது மதிக்கதக்க இருவர் அவரை வழிமறித்து, "ஏன் பாட்டியம்மா நீங்க இவ்வளவு நகையை அணிந்து பட்டபகலில் தனியாக வரலாமா, செய்தித்தாள் படிப்பது கிடையாதா, நிறைய வழிப்பறி நடக்குது, நகைகளை கழற்றி கொடுங்கள் பேப்பரில் மடித்து தருகிறோம்' என போலீசார் தோரணையில் கூறியுள்ளனர். இதில் குழப்பமடைந்த விஜயகுமாரி தங்க சங்கிலி, தாலிக்கொடி, வளையல்கள் ஆகியவற்றை தந்துள்ளார். அதனை வாங்கிய இளைஞர்கள் பொட்டலமாக மடித்து கொடுத்தவர்கள் வேகமாக இருசக்கரவாகனத்தில் சென்றுவிட்டனர். பொட்டலத்தை பிரித்து பார்த்தபோது அதில் நகைகளுக்கு பதில் வெறும் கல்,மண் இருந்ததை பார்த்து விஜயகுமாரி மயக்கமடைந்தார். அருகிலிருந்தவர்கள் மூலம் பழநி நகர் போலீசில் புகார் செய்தார். பழநியில் தொடரும் இச்சம்பவங்களால் பொது மக்கள் அச்சத்தில் உள்ளனர். பாதிக்கப் பட்ட யாரும் புகார் கொடுக்க முன் வராததால் போலீசார் நடவடிக்கையில் தொய்வு ஏற்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை