No rice garin purchase affects rice distribution at ration | நெல் கொள்முதல் இல்லாததால் ரேஷன் அரிசிக்கும் வருகிறது சிக்கல்| Dinamalar

சம்பவம் செய்தி

தமிழ்நாடு

நெல் கொள்முதல் இல்லாததால் ரேஷன் அரிசிக்கும் வருகிறது சிக்கல்

Added : பிப் 01, 2013
Advertisement
 
 
Advertisement
 
 
 
Advertisement

நெல் கொள்முதல் செய்ய, நுகர்பொருள் வாணிபக் கழகத்துக்கு, இதுவரை, அரசிடம் இருந்து உத்தரவு வராததால், சேமிப்பு குடோன்களுக்கு நெல்வரத்து இல்லை.இதனால், குடோன்கள் காற்று வாங்குகின்றன. கொள்முதல் இல்லாததால், ரேஷன் அரிசி கிடைப்பதிலும் சிக்கல் ஏற்பட்டுள்ளது. தமிழகத்தில், மாவட்டந்தோறும், விவசாயிகளிடமிருந்து, தமிழ்நாடு நுகர்பொருள் வாணிப கழகத்தால், நெல் கொள்முதல் செய்யப்பட்டு, குடோன்ககளில் சேமித்து வைக்கப்படும்.
இந்த நெல், அரசு உத்தரவின்படி, அரவை மில்களுக்கு அனுப்பப்பட்டு, அங்கிருந்து தாலுகா அளவில் உள்ள,சேமிப்பு குடோன்களுக்கு, அரிசியாக அனுப்பப்பட்டு, கூட்டுறவு சங்கங்கள் மூலம், ரேஷன் கடைகளுக்கு செல்லும்.
ஒவ்வொரு ஆண்டும், டிச.,15ல் இருந்து, பிப்., கடைசி வரை, நெல் வரத்து இருக்கும். சராசரியாக, ஒவ்வொரு மாவட்டத்திலும், 50 ஆயிரம் டன் வரை நெல் கொள்முதல் செய்யப்படும். முதல் ரக நெல்லான டீலக்ஸ் பொன்னி, கல்சர், ஆடுதுறை 36, ஐ.ஆர்.20, 50 ஆகியவை, வியாபாரிகளால் கொள்முதல் செய்யப்படுகிறது. இரண்டாம்
ரகமான ஜோதி, சி.ஆர்.1009, நுகர்பொருள் வாணிபக் கழகத்தால்,கொள்முதல் செய்யப்படுகிறது. அரசு சேமிப்பு குடோன்களுக்கு, 90 சதவீதம் பொது ரகம் எனப்படும், இரண்டாம் ரக நெல் வகை மட்டுமே வருகிறது. இந்த ஆண்டு விவசாயம் இல்லாததால், தமிழ்நாடு நுகர்பொருள் வாணிப கழகத்துக்கு, இதுவரை, கொள்முதலுக்கான உத்தரவு
வழங்கப்படவில்லை. இதனால், குடோன்களில் உள்ள அலுவலர்கள், வேறு பணியில் நியமிக்கப்பட்டுள்ளனர். பாதுகாவலுக்கு மட்டும், இரண்டு, மூன்று என்ற எண்ணிக்கையில், ஊழியர்கள் பணியாற்றி வருகின்றனர்.
ஏற்கனவே, ரேஷனில், உளுந்து, பருப்பு, பாமாயில் வழங்குவது, நாளுக்கு நாள் குறைந்து வரும் நிலையில், கோடை காலத்தில், நெல் கொள்முதல் இல்லாததால், ரேஷன் அரிசி வழங்குவதிலும், கட்டுப்பாடு விதிக்கும் நிலை வரும் என, அதிகாரிகள் தரப்பில் தெரிவிக்கப்பட்டு உள்ளது.

- நமது நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை