Ground water level decreases in state | தமிழகத்தில் குறைந்து வரும் நிலத்தடி நீர்மட்டம்| Dinamalar

சம்பவம் செய்தி

தமிழ்நாடு

தமிழகத்தில் குறைந்து வரும் நிலத்தடி நீர்மட்டம்

Added : பிப் 01, 2013
Advertisement
 
 
Advertisement
 
 
 
Advertisement

தமிழகத்தில், நாளுக்கு நாள், நிலத்தடி நீர்மட்டத்தின் அளவு குறைந்து வருகிறது. இதனால், நீர்மட்டத்தை உயர்த்துவதற்கான பணிகளில், அரசு தீவிர கவனம் செலுத்த வேண்டும். பொதுப்பணித்துறை, நீர்வள ஆதார அமைப்பின், நீலத்தடி நீர்மட்ட ஆய்வு பிரிவு, ஒவ்வொரு மாதமும், அந்தந்த மாவட்டத்தில் உள்ள நிலத்தடி நீர்மட்டம் குறித்து ஆய்வு செய்யும்; ஆய்வறிக்கையை, ஒவ்வொரு மாதத்தின் இரண்டாம் வாரம் அரசுக்கு அளிக்கும். அதன் மூலம், நீர் மட்டத்தை உயர்த்துவது குறித்து, அரசு முடிவு செய்யும். தற்போது, நிலத்தடி நீர் மட்டத்தின் அளவு, பெரிய அளவில் குறைந்துள்ளதாக, நவம்பர் மாத ஆய்வறிக்கையில் தெரிய வந்துள்ளது. நவம்பர் மாத ஆய்வில், கடந்த ஆண்டு, 5.79 மீட்டராக இருந்த, பெரம்பலூர் மாவட்டத்தின் நிலத்தடி நீர் மட்டம், 3.56 மீட்டராக குறைந்துள்ளது. 11 மீட்டராக இருந்த, திருப்பூர் மாவட்ட அளவு, 7.95
மீட்டராக உள்ளது. மேலும், 9.6, 6.45, 9.82 மீட்டர்களாக இருந்த, ஈரோடு, பெரம்பலூர், கோயம்புத்தூர் மாவட்டங்களின் நிலத்தடி நீர்மட்ட அளவு, முறையே, 6.74, 4.11, 6.74 மீட்டர்களாக குறைந்துள்ளது. அதே போல், ஐந்து மாவட்டங்களில் நிலத்தடி நீர் மட்டம் அதிகரித்துள்ளது. காஞ்சிபுரம் மாவட்டத்தில், 3.05 மீட்டரும், திருநெல்வேலி மாவட்டத்தில், 0.75 மீட்டரும், திருவண்ணாமலை மாவட்டத்தில், 66 மி.மீ., யும், நாகப்பட்டணத்தில், 36 மி.மீ.,யும், திருவள்ளூர் மாவட்டத்தில், 2 மி.மீ., யும் அதிகரித்துள்ளது. கிருஷ்ணகிரி மாவட்டத்தில், சென்ற ஆண்டு இருந்த, நீர்மட்டத்தின் அளவான, 5.69 மீட்டர், அதே அளவே இன்றும் உள்ளது. இது குறித்து, பொதுப்பணித்துறை நிலத்தடி நீர்மட்ட ஆய்வு அதிகாரிகள் கூறுகையில், "தென்மேற்கு பருவமழையும், வடகிழக்கு பருவமழையும் பொய்த்துப் போனதே, நிலத்தடி நீர்மட்டம் குறைந்து போனதற்கு காரணம். அதை எந்தெந்த வகையில் சரிசெய்வது என்பது குறித்து, ஆலோசனை செய்து வருகிறோம்' என்றனர்.

- நமது நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை