Investors complaint against Fine future | "பைன் பியூச்சர்' நிறுவனத்தில் ரூ. ஒரு கோடி மோசடி : முதலீட்டாளர்கள் புகார்| Dinamalar

சம்பவம் செய்தி

தமிழ்நாடு

"பைன் பியூச்சர்' நிறுவனத்தில் ரூ. ஒரு கோடி மோசடி : முதலீட்டாளர்கள் புகார்

Added : பிப் 01, 2013
Advertisement
 
 
Advertisement
 
 
 
Advertisement

திருப்பூர் : பைன் பியூச்சர் நிறுவனத்தில் செலுத்திய பணத்தை திரும்ப பெற்றுத் தரக் கோரி உடுமலை பகுதி முதலீட்டாளர்கள், மத்திய குற்றப் பிரிவில் நேற்று புகார் செய்தனர். உடுமலை மற்றும் மார்த்தாண்டம் பகுதியை சேர்ந்த முதலீட்டாளர்கள், போலீசாரிடம் அளித்த மனுவில் கூறியிருப்பதாவது: பெரிய வாளவாடி அரசு உயர்நிலைப் பள்ளி ஆசிரியர் தங்கராஜ், வஞ்சிபாளையம் அரசு உயர்நிலைப்பள்ளி ஆசிரியர் தண்டபாணி உடன் எங்களிடம் வந்து, "பைன் பியூச்சர் நிறுவனத்தில் முதலீடு செய்தால், 10 ஆயிரம் ரூபாய்க்கு மாதம் 850 ரூபாயும், கூடுதலாக சேர்க்கும் நபருக்கு கமிஷன் தொகையாக மாதம் 200 ரூபாயும் வழங்கப்படும்,' எனக் கூறினர். "முதலீடு செய்த பணத்தை எப்போது வேண்டுமானாலும் திரும்ப பெற்றுக் கொள்ளலாம்: ஆசிரியர் பணியில் இருந்தாலும், அந்த வருமானத்தை விட கூடுதலாக இதில் பணம் கிடைக்கும். ஒரு கோடி ரூபாய் வீடு, பல லட்சம் மதிப்பிலான பொருட்கள், சொகுசு கார் என்னிடம் உள்ளது. அரசுப் பணியில் உள்ளோர் பலர் இதில் இணைந்துள்ளதால், யாரும் ஏமாற்ற முடியாது,' என்றும் தெரிவித்தார். மேலும், "முதலீடு செய்த அசலுக்கு உத்தரவாதமும் அளித்தார். வருமானத்திலிருந்து டிரஸ்ட் ஏற்படுத்தி, அதில் நிலங்கள் வாங்கப்பட்டுள்ளதாகவும், வர்த்தகத்தில் நஷ்டம் ஏற்பட்டாலும் கூட, முதலீடு பணம் திரும்ப கிடைக்கும் எனவும் கூறி, எங்களை ஏமாற்றி விட்டார்.
கடந்த ஆண்டு அக்., மாதம் முதல் செய்த முதலீட்டுக்கு உரிய பணம் திரும்ப வரவில்லை. தவணை முடிந்து கேட்டால், ஆட்களை வைத்து மிரட்டுகிறார். மீறினால், எந்த ஆதாரமும் இல்லை. எப்படி பணத்தை திரும்ப வாங்க முடியும் என்கிறார். எங்கள் முதலீட்டைத் திரும்பப் பெற்றுத் தர வேண்டும். இவ்வாறு அப்புகாரில் தெரிவித்துள்ளனர்.
முதலீட்டாளர்கள் கூறுகையில், "பைன் பியூச்சர் நிறுவனர்கள் மற்றும் ஏஜன்ட்கள் மீது ஏற்கனவே புகார்கள் உள்ளன. எங்களிடம் மட்டும் ஏறத்தாழ ஒரு கோடி ரூபாய் வரை மோசடி செய்யப்பட்டுள்ளது. ஆசிரியர் தங்கராஜை, இன்று (நேற்று) போலீசார் விசாரணைக்கு அழைத்து வந்துள்ளனர். தகவல் அறிந்து நாங்களும் புகார் செய்தோம்,' என்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை