Forgery man arrested | மகளிர் சுய உதவி குழுவினரிடம் ரூ.12 லட்சம் மோசடி செய்தவர் கைது| Dinamalar

சம்பவம் செய்தி

தமிழ்நாடு

மகளிர் சுய உதவி குழுவினரிடம் ரூ.12 லட்சம் மோசடி செய்தவர் கைது

Added : பிப் 01, 2013
Advertisement
 
 
Advertisement
 
 
Advertisement

விழுப்புரம் : மகளிர் சுயஉதவிக்குழுவினரிடம், 12 லட்சம் ரூபாயை மோசடி செய்த நபரை, போலீசார் கைது செய்தனர்.
விழுப்புரம் மாவட்டம், எலவனாசூர்கோட்டை பகுதியைச் சேர்ந்தவர், ஆதம்பாஷா, 37. இவர், அன்னை இந்திரா தொண்டு நிறுவன இயக்குனராக உள்ளார். அரசமங்கலம் கிராமத்தில் இயங்கி வரும் ஐந்து மகளிர் சுயஉதவிக் குழுக்களுக்கு, அப்பகுதியில் உள்ள வங்கி மூலம், கடன் பெற்று தருவதாக கூறினார். வங்கியிலிருந்து, 2009 ஜன., 1ம் தேதி, கடன் பெற்று தந்தார். இந்த கடனுக்கான தொகையை, மகளிர் சுயஉதவிக் குழு பெண்கள், அங்குள்ள தலைவிகள் மூலம் வங்கியில் செலுத்த சென்ற போது, ஆதம்பாஷா அதை வாங்கி, தானே செலுத்துவதாக கூறினார். அவரிடமே மாதந்தோறும் சுயஉதவி குழுவினர், கடன் தொகையை அளித்தனர். கடந்த, 16ம் தேதி, அரசமங்கலத்தில் உள்ள ஐந்து மகளிர் சுயஉதவிக்குழு அலுவலகத்திற்கு, வங்கி மூலம் கடன் பெற்ற, 12 லட்சம் ரூபாய் செலுத்தப்படவில்லை என, நோட்டீஸ் வந்தது. அதிர்ச்சியடைந்த அவர்கள், ஆதம்பாஷாவிடம் கேட்ட போது, அவர் பணத்தை வங்கியில் செலுத்தாதது தெரிய வந்தது.
அரசமங்கலம், மல்லிகை பூ மகளிர் சுய உதவிக் குழு தலைவி, நீலாவதி அளித்த புகாரை அடுத்து, மாவட்ட குற்றப்பிரிவு போலீசார் வழக்குப் பதிந்து விசாரணை நடத்தினர். நேற்று முன்தினம் இரவு, ஆதம்பாஷாவை போலீசார் கைது செய்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை