Dengue kills old woman | முதுகுளத்தூர் அருகே டெங்கு காய்ச்சல் - 400 பேர் பாதிப்பு: மூதாட்டி பலி| Dinamalar

சம்பவம் செய்தி

தமிழ்நாடு

முதுகுளத்தூர் அருகே டெங்கு காய்ச்சல் - 400 பேர் பாதிப்பு: மூதாட்டி பலி

Added : பிப் 01, 2013
Advertisement
 
 
Advertisement
 
 
 
Advertisement
முதுகுளத்தூர் அருகே டெங்கு காய்ச்சல் - 400 பேர் பாதிப்பு: மூதாட்டி பலி

முதுகுளத்தூர் : ராமநாதபுரம் மாவட்டம் முதுகுளத்தூர் அருகே வீரம்பலில், டெங்கு காய்ச்சலுக்கு 400 பேர் பாதிக்கப்பட்டுள்ளனர். மூதாட்டி பத்மினி பலியானார். இளஞ்செம்பூர் ஊராட்சிக்கு உட்பட்ட வீரம்பலில் 500க்கும் மேற்பட்ட குடும்பங்கள் வசித்து வருகின்றன. வாறுகால் வசதியின்றி தேங்கியுள்ள கழிவுநீர் மற்றும் கழிப்பறை பிரச்னைகளால் திறந்தவெளியை கழிப்பிடமாக பயன்படுத்தி வருகின்றனர். இதனால் கொசு உற்பத்தி அதிகரித்துள்ளது. சில நாட்களாக தீவிரமாக பரவி வரும் டெங்கு காய்ச்சலுக்கு, இந்த ஊராட்சியின் முன்னாள் தலைவர் மகராசி எஸ்தர் ராணி உட்பட 400 பேர் பாதிக்கப்பட்டுள்ளனர். பலர் வீடுகளில் முடங்கி உள்ளனர். 60 பேர், கடலாடி, முதுகுளத்தூர், பரமக்குடி, ராமநாதபுரம், மதுரை அரசு, தனியார் மருத்துவமனைகளில் அனுமதிக்கப்பட்டுள்ளனர். இதில் பத்மினி, 60, நேற்று பலியானார்.
இது குறித்து வீரம்பல் அற்புதராஜ் கூறுகையில், ""இந்த ஊராட்சிக்கு இருமுறை மட்டுமே, அரசு பஸ் இயக்கப்படுகிறது. சிகிச்சைக்காக 10 கி.மீ., தூரத்தில் உள்ள மேலச்சிறுபோது ஆரம்ப சுகாதார நிலையத்திற்கு சென்று வர சிரமமாக உள்ளது. இதுவரை இங்கு மருத்துவ குழு வரவேயில்லை. பலர் பலியாகும் அபாயம் ஏற்பட்டுள்ளது, என்றார்.
இளஞ்செம்பூர் ஊராட்சி தலைவர் மயிலேறிவேலன் கூறுகையில், ""தெருக்களில் தினமும் "பிளீச்சிங் பவுடர்', கொசு மருந்து தெளிக்கப்படுகிறது. மருத்துவக்குழு சிகிச்சையளிக்க, மேலச்சிறுபோது ஆரம்ப சுகாதார நிலைய டாக்டரிடம் தெரிவித்துள்ளேன்,'' என்றார். இது குறித்து மேலச்சிறு போது ஆரம்ப சுகாதார நிலைய டாக்டர் ஒருவர் கூறுகையில், ""டெங்கு காய்ச்சல் பரவல் குறித்து, இதுவரை தகவல் இல்லை. நாளை முதல் முகாமிட்டு சிகிச்சை அளிக்கப்படும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை