13 - MLA,s joined the Yeddyurappa party | 13 பா.ஜ., - எம்.எல்.ஏ.,க்கள் எடியூரப்பா கட்சியில் இணைந்தனர்| Dinamalar

13 பா.ஜ., - எம்.எல்.ஏ.,க்கள் எடியூரப்பா கட்சியில் இணைந்தனர்

Updated : பிப் 01, 2013 | Added : பிப் 01, 2013
Advertisement
 
 
Advertisement
 
 
Advertisement

பாரதிய ஜனதா கட்சியிலிருந்து ராஜினாமா செய்த, 13 எம்.எல்.ஏ., க்கள், முன்னாள் முதல்வர் எடியூரப்பா முன்னிலையில், நேற்று, கர்நாடக ஜனதா கட்சியில் இணைந்தனர்.உதாசி, ÷ஷாபா, சந்திரப்பா உள்ளிட்ட, 13 பா.ஜ., - எம்.எல்.ஏ., க்கள், கடந்த, 29ம் தேதி, தங்கள் ராஜினாமா கடிதத்தை, சபாநாயகர் போப்பையாவிடம் அளித்தனர். பல மணி நேர இழுபறிக்கு பின், போப்பையா, ராஜினாமா கடிதத்தை பெற்று கொண்டார்.இதையடுத்து, முன்னாள் முதல்வர் எடியூரப்பா கட்சியான, "கர்நாடகா ஜனதா கட்சி'யில் இணைவதற்கான முயற்சிகளை, அந்த எம்.எல்.ஏ.,க்கள் மேற்கொண்டனர்.


நேற்று அனைவரும், மல்லேஸ்வரத்தில் உள்ள, கே.ஜே.பி., அலுவலகத்தில், கட்சி தலைவர், எடியூரப்பா முன்னிலையில் அவர் கட்சியில் இணைந்தனர்.கட்சியில் இணைந்த அனைவருக்கும், கே.ஜே.பி.யின் சின்னம் கொண்ட துண்டை அணிவித்து எடியூரப்பா வரவேற்றார்.அவர் பேசியதாவது:நான் எந்த, எம்.எல்.ஏ.,வையும் ராஜினாமா செய்ய கட்டாயப்படுத்தவில்லை. அவர்கள் தாங்களாவே ராஜினாமா செய்துள்ளனர். பா.ஜ., அரசை கவிழ்க்கும் திட்டம் ஏதுமில்லை.


தேவையில்லாத குழப்பங்களை உருவாக்கி, எம்.எல்.ஏ.,க்களை, பள்ளி குழந்தைகள் போல் சபாநாயகர், போப்பையா நடத்தியுள்ளார்.முதல்வர், ஷெட்டர் பட்ஜெட் தாக்கல் செய்வது சந்தேகம் தான். இன்னும் சில எம்.எல்.ஏ., க்கள் ராஜினாமா செய்தால், ஆட்சிக்கு பிரச்னை வரும் என்று கருதி, சபாநாயகர் போப்பையா, மடிகேரிக்கு அனுப்பி வைக்கப்பட்டுள்ளார்.இவ்வாறு அவர் கூறினார்.- நமது சிறப்பு நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை