visvarupam 'ban' in uttar pradesh:samajwadi party | "ஆட்சேபகர காட்சி இருந்தால் உ.பி.,யில், "விஸ்வரூபம்' தடை'| Dinamalar

"ஆட்சேபகர காட்சி இருந்தால் உ.பி.,யில், "விஸ்வரூபம்' தடை'

Updated : பிப் 01, 2013 | Added : பிப் 01, 2013
Advertisement
 
 
Advertisement
 
 
 
Advertisement

லக்னோ:""ஆட்சேபகரமான காட்சிகள் இருந்தால், நடிகர் கமல்ஹாசன் நடித்த, "விஸ்வரூபம்' படத்திற்கு, உத்தர பிரதேச மாநிலத்தில் தடை விதிக்கப்படும்,'' என, மாநிலத்தின் ஆளும், சமாஜ்வாதி கட்சி பொதுச் செயலர், ராம் ஆஸ்ரே குஷ்வாகா தெரிவித்தார்.


இதுகுறித்து, அவர் கூறியதாவது:அந்த படம் அதிகாரிகள் முன்னிலையில் திரையிடப்பட்டு, அவர்கள் பார்த்த பிறகு, அதில் ஆட்சேபகரமான காட்சிகள் இல்லை என தெரிய வந்த பிறகு, திரையிட அனுமதிக்க முடியும். அதில், ஆட்சேபகரமான காட்சிகள் இல்லை என்றால், நல்லது. இருப்பின், படத்தை திரையிட தடை விதிக்கப்படும்.இஸ்லாமியர்கள் மனம் புண்படும்படி காட்சிகள் இருந்தால். படத்தை மாநிலத்தில் திரையிட முடியாது. இவ்வாறு ராம் ஆஸ்ரே குஷ்வாகா தெரிவித்தார்.

இதற்கிடையே, தன் படம் திரையிட அனுமதி மறுக்கப்பட்டால், இந்தியாவை விட்டு வெளியேறுவேன் என, நடிகர் கமல் அறிவித்துள்ளது குறித்து, தேசியவாத காங்கிரஸ் தலைவர், சரத் பவாரிடம் கேட்டபோது, ""நம் அரசியல் அமைப்பில் ஏதோ தவறு உள்ளது; எந்தவொரு இந்தியனும், இந்த நாட்டின் மீது நம்பிக்கையில்லை என உணரும் அளவில் பிரச்னை இருக்க கூடாது,'' என்றார்.


"விஸ்வரூபம்' திரைப்படம் குறித்து, மத்திய தகவல், ஒலிபரப்பு துறை அமைச்சர், மனீஷ் திவாரி கூறுகையில், ""இந்த விவகாரம், நீதிமன்ற விசாரணையில் உள்ளதால், அது குறித்து கருத்து தெரிவிப்பது நியாயமாக இருக்காது; எனினும், சினிமா படங்களுக்கு சான்றிதழ் வழங்குவது குறித்து, தேவைப்பட்டால், சினிமாடோகிராப் சட்டங்களில் திருத்தம் செய்யப்பட வேண்டிய தேவை ஏற்படும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை