district news | பரமக்குடியில் பாதியில் நிற்கும் அரசு மாணவர் விடுதி கட்டடம் விரயமாகும் வாடகை | Dinamalar

பொது செய்தி

தமிழ்நாடு

பரமக்குடியில் பாதியில் நிற்கும் அரசு மாணவர் விடுதி கட்டடம் விரயமாகும் வாடகை

Added : பிப் 01, 2013
Advertisement
 
 
Advertisement
 
 
Advertisement

பரமக்குடி: பரமக்குடியில் அரசு சீர்மரபினர் மற்றும் பிற்படுத்தப்பட்டோர் நல கல்லூரி மாணவர் விடுதிக்கு, புதிய கட்டடம் பணி முடிவடையவில்லை. பத்து ஆண்டுகளாக ஒரே அறையில் செயல்படும், வாடகை கட்டடத்தில் மாணவர்கள் அவதிப்பட்டு வருகின்றனர். பரமக்குடி அரசு கலைக்கல்லூரி, அரசு உறுப்பு கல்லூரி மாணவர்களுக்கான விடுதி, ஆர்ச் அருகில் தனியார் கட்டடத்தில் இயங்கி வருகிறது. இங்குள்ள 60க்கும் மேற்பட்ட மாணவர்களுக்கு ஒரு கழிப்பறை, பாத்ரூம் மட்டுமே உள்ளது. மேலும், ஒரேயொரு ஹாலில், தங்க வைக்கப்பட்டுள்ளனர். உணவு சரியாக வழங்காதது மற்றும் புது கட்டடம் கட்ட கோரி, மாணவர்கள், அடிக்கடி மறியல் மற்றும் தாலுகா அலுவலம் முன் ஆர்ப்பாட்டம் நடத்தினர். இதையடுத்து எமனேஸ்வரத்தில் 48 லட்சம் ரூபாயில் விடுதி கட்டடப்பணி கடந்தாண்டில் துவங்கியது. கட்டி முடிக்கும் தருவாயில் பொதுப்பணித்துறையினர், 5 லட்ச ரூபாய்க்கும் மேல் பாக்கி வைத்துள்ளதாக கூறி, இறுதி கட்டப்பணிகள் மேற்கொள்ளாமல் ஒப்பந்ததாரர், கிடப்பில் போட்டு சென்றார். மாணவர்கள் தொடர்ந்து வாடகை கட்டடத்தில் தங்க வைக்கப்பட்டுள்ளதால், சுகாதாரம் கேள்விக்குறியாகி உள்ளது. மேலும் ஒரே ஹாலில் குறிப்பிட்ட நேரத்தில் படிக்க, தூங்க முடியாமல் சிரமத்தில் உள்ளனர். வீணாக வாடகையும் öŒலுத்தி வருகின்றனர்.கட்டடப்பணியை விரைவில் முடித்து விடுதி செயல்பட பிற்பட்டோர் நலத்துறை நடவடிக்கை எடுக்க வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை