district news | சுகாதாரப்பணிகள் தேக்கம் கவுன்சிலர்கள் புலம்பல்| Dinamalar

பொது செய்தி

தமிழ்நாடு

சுகாதாரப்பணிகள் தேக்கம் கவுன்சிலர்கள் புலம்பல்

Added : பிப் 01, 2013
Advertisement
 
 
Advertisement
 
 
 
Advertisement

காரியாபட்டி: காரியாபட்டியில்,சுகாதார பணிகள் சரிவர நடைபெறாததால் கவுன்சில் கூட்டத்தில் கவுன்சிலர்கள் புலம்புகின்றனர்.காரியாபட்டி பேரூராட்சி கவுன்சிலர்கள் கூட்டம் தலைவர் காந்திமதி தலைமையில், துணை தலைவர் பாரதாதேவி, செயல் அலுவலர் பூங்கொடிமுருகு முன்னிலையில் நடந்தது.கூட்டத்தில் நடந்த விவாதம்:குருசாமி: கேட் வால்வு உடைந்து பல நாட்களாகி, பணியாளர்கள் சரி செய்யாததால் தண்ணீர் வீணாகிறது. கருப்பையா: 9வது வார்டில் கிழக்கு மற்றும் மேற்கு பகுதியில் பொது சுகாதார வளாகம் கட்ட வேண்டும்.பெரியசாமி: தரைதள தொட்டி திருகு உடைந்ததால் தண்ணீர் வீணாகிறது.செயல் அலுவலர்: விரைவில் சரி செய்யப்படும்.பரமசிவம்: 30 ஆண்டுகளாக கட்டப்படாத பாலத்திற்கு, நிதி ஒதுக்கியதற்கு, வார்டு மக்கள் சார்பாக நன்றி தெரிவித்துக் கொள்கிறேன். வார்டில் குப்பைகள் தேங்கி கிடக்கின்றன. கருப்பையா: தெருக்களில் குப்பை தொட்டி வைக்க நடவடிக்கை எடுக்க வேண்டும். செயல் அலுவலர்: தினக்கூலி அடிப்படையில் துப்புரவு பணியாளர்கள் நியமிக்கப்பட உள்ளனர். விரைவில் சரிசெய்யப்படும். குருசாமி: புதிய தெருக்களுக்கு, தெரு விளக்குகள் அமைக்க வேண்டும்.தலைவர்: விரைவில் அமைக்கப்படும்.தர்மமுனீஸ்வரன்: மெயின் ரோட்டில் உள்ள மாட்டிறைச்சி கடையை வேறு இடத்திற்கு மாற்றப்பட வேண்டும். நாய், பன்றிகள் தொல்லை அதிக அளவில் இருப்பதால் மக்கள் சிரமப்படுகின்றனர். செயல் அலுவலர்: வேறு இடத்திற்கு மாற்ற நடவடிக்கை எடுக்கப்பட்டுள்ளது. நாய், பன்றிகளை பிடித்து செல்ல மாவட்ட நிர்வாகத்திடம் அனுமதி பெற்று விரைவில் அப்புறப்படுத்த நடவடிக்கை எடுக்கப்படும், இவ்வாறு விவாதம் நடந்தது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை