district news | நகராட்சி, ஒன்றியம் போட்டியால் "நாறுது' உசிலம்பட்டி சந்தை| Dinamalar

பொது செய்தி

தமிழ்நாடு

நகராட்சி, ஒன்றியம் போட்டியால் "நாறுது' உசிலம்பட்டி சந்தை

Added : பிப் 01, 2013
Advertisement
 
 
Advertisement
 
 
 
Advertisement

உசிலம்பட்டி: உசிலம்பட்டி சந்தையில் குப்பையை யார் அள்ளுவது என நகராட்சிக்கும், ஊராட்சி ஒன்றியத்திற்கும் நடக்கும் போட்டியால், சந்தை "நாறுகிறது'.இந்நகரின் மத்தியில், சந்தைதிடல் உள்ளது. புதன்கிழமை தோறும் வாரச்சந்தை கூடும் தினத்தில், சுற்றியுள்ள கிராமங்களிலிருந்தும் ஏராளமான மக்கள் கூடுவர். உசிலம்பட்டி நகராட்சியானபோது இந்த
சந்தை நகராட்சி கட்டுப்பாட்டில் கொண்டுவரப்படவில்லை. சந்தையை தங்கள் கட்டுப்பாட்டில் வைத்துக்கொள்ள ஊராட்சி ஒன்றியமும், நகராட்சிக்கு ஒப்படைக்க வேண்டும் என
நகராட்சியும், கோர்ட் வரை சென்று போராடி வருகின்றன.அள்ளப்படாத குப்பை: இரு மாதங்களாக சந்தையில் சேரும் குப்பையை அள்ளாமல் நகராட்சி புறக்கணித்து வருகிறது. இதன் காரணமாக, நூலகம், நகராட்சி துப்புரவு பணியாளர்கள் வசிக்கும் பகுதியில் குப்பைகள் குவிந்து சுகாதாரக்கேடு ஏற்படுத்துகிறது. நகராட்சித் தலைவர் பஞ்சம்மாள்: சந்தையை நகராட்சிக்கு ஒப்படைக்க வேண்டும் என பலமுறை உயர் அதிகாரிகள், கோர்ட் கூறியும் ஒப்படைக்க மறுக்கின்றனர். சந்தையில் வரும் வருமானம் அனைத்தும் ஒன்றியத்துக்கே
செல்கிறது. சந்தையை பராமரிப்பவர்கள்தான் அதை சுத்தப்படுத்த வேண்டும். நகராட்சி செய்யாது, என்றார்.ஊராட்சி ஒன்றிய கமிஷனர் வெங்கட்ராகவன்: சந்தையில் சேரும் குப்பையை அள்ளிவந்த நகராட்சி, தற்போது "நீங்களாகவே சுத்தம் செய்து கொள்ளுங்கள்' என கூறுகிறது. தற்போது சேர்ந்துள்ள குப்பையை அகற்ற ஒன்றியக்குழுத் தலைவர், சந்தை ஒப்பந்தகாரர்களை அழைத்து பேசியுள்ளோம். விரைவில் குப்பை அகற்றப்படும். தொடர்ந்து சந்தைக்குள் கடை வைத்துள்ளவர்கள் குப்பையை தாங்களாகவே அகற்றிக்கொள்ள வேண்டும் என அறிவிப்பு வெளியிட உள்ளோம், என்றார்.நகராட்சி, ஊராட்சி ஒன்றிய அதிகாரிகள் போட்டியால் சந்தை நாறுவதுதான் மிச்சம்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை