E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : பிப்ரவரி 03,2013,01:39 IST
கருத்துகள்  கருத்தை பதிவு செய்ய
எழுத்தின் அளவு:

பிளஸ் 2 மற்றும் பத்தாம் வகுப்பில், கற்றல் திறன் குறைவாக உள்ள மாணவர்களை, பொதுத்தேர்வில் தேர்ச்சி பெற வைக்கும் விதமாக, அறிமுகம் செய்யப்பட்ட, தத்தெடுக்கும் திட்டத்தால், நடப்பு கல்வியாண்டில், இரு பொதுத்தேர்விலும் தோல்வியடைபவர்களின் எண்ணிக்கை வெகுவாக குறையும் சூழல் உருவாகியுள்ளது. பல மாணவர்களை தத்தெடுத்த ஆசிரியர்கள் அவர்களை, தீவிர கண்காணிப்பு வளையத்தில் வைத்து, கல்வி போதித்து வருகின்றனர்.

திட்டங்கள் மற்றும் அதிக நிதியால் மாணவர்களின் தேர்ச்சி விகிதத்தை அதிகரிக்க முடியாது என்பதை உணர்ந்த, தமிழக பள்ளிக்கல்வித்துறை, ஜூன் மாதம், கற்றல் திறன் குறைவாக உள்ள மாணவர்களுக்கான புதிய திட்டம் ஒன்றை அறிமுகம் செய்தது.அதுதான், தத்தெடுக்கும் திட்டம். இத்திட்டத்தின் மூலம் கற்றல் திறன் குறைவாக உள்ள மாணவர்களை (வீக் ஸ்டூடன்ஸ்), பள்ளியில் உள்ள அனைத்து ஆசிரியர்களும், எண்ணிக்கைக்கு தகுந்தாற்போல் பிரித்து, "தத்து' எடுத்துக் கொண்டு, அவர்களுக்கு போதிய பயிற்சி அளிக்க வேண்டும். அந்த மாணவர் தேர்ச்சி பெற வைக்கும் பொறுப்பு, தத்தெடுத்த ஆசிரியர்களை

சார்ந்ததாகும். சில மாதங்களுக்கு முன் நடந்த காலண்டு தேர்வு மூலம், கற்றல் திறன் குறைவாக உள்ள மாணவர்கள் கண்டறியப்பட்டனர். அப்படி கண்டறியப்பட்ட, பிளஸ் 2 மற்றும், பத்தாம் வகுப்பு மாணவர்கள், அந்தந்த பள்ளி ஆசிரியர்களின் பொறுப்பில் சரிவிகிதமாக பிரிக்கப்பட்டு, தத்து கொடுக்கப்பட்டனர். அந்த மாணவர்கள் மீது, பொறுப்பேற்ற ஆசிரியர்கள் தனிக்கவனம் செலுத்தி வருகின்றனர்.

இதன்மூலம் நடந்த அரையாண்டு தேர்வில், கற்றல் திறன் குறைந்த மாணவர்களின் எண்ணிக்கைவெகுவாக குறைந்துள்ளது. ஆயினும் பொதுத்தேர்வில், 100 சதவீத தேர்ச்சி பெறமுடியாத அளவுக்கு, கற்றல் திறன் குறைவாக உள்ள மாணவர்கள் இருக்கத்தான் செய்கின்றனர். ஆகையால், விரைவில் பொதுத்தேர்வு வரவுள்ள நிலையில், "தத்தெடுப்பு' திட்டத்தை ஆசிரியர்கள் மத்தியில் கல்வித்துறை தீவிரப்படுத்தியுள்ளது.அதன்படி தத்து கொடுக்கப்பட்ட மாணவர்களின் பட்டியல், ஆசிரியர்களுக்கு வழங்கப்பட்டு, அவர்களை பொதுத்தேர்வில் தேர்ச்சி பெறவைக்கும் பொறுப்பும், அவர்களிடமே வழங்கப்பட்டுள்ளது. பல

Advertisement

மாணவர்களை தத்தெடுத்த ஆசிரியர்கள் அவர்களை, தீவிர கண்காணிப்பு வளையத்தில் வைத்து, கல்வி போதித்து வருகின்றனர்.ஆசிரியர்களை கல்வித்துறை அதிகாரிகள் அடிக்கடி தொடர்பு கொண்டு, ஊக்கப்படுத்தி வருகின்றனர். ஆகையால் இந்த ஆண்டு, பொதுத்தேர்வுகளில் தோல்வி அடையும் மாணவர்களின் எண்ணிக்கை, வழக்கத்தை விட வெகுவாக குறையும் சூழல் உருவாகியுள்ளது.

ஸ்ரீரங்கத்தில் தனிக்கவனம் : முதல்வர்ஜெயலலிதாவின், ஸ்ரீரங்கம் தொகுதியில், தத்தெடுப்பு திட்டத்தை தீவிரப்படுத்தி, தொகுதியில் உள்ள அரசு பள்ளிகளில், 100 சதவீத தேர்ச்சி விகிதத்தை பெற வேண்டும் என்பதற்காக, மாவட்ட கல்வித்துறை அதிகாரிகள், கூடுதல் முனைப்புடன் செயல்பட்டு வருகின்றனர்.இதற்காக தொகுதியில் உள்ள தத்து திட்ட ஆசிரியர்களுடன், கல்வித்துறை அதிகாரிகள் அடிக்கடி ஆலோசனை கூட்டங்களை நடத்தி வருகின்றனர். முதல்வரின் தொகுதி என்பதால், பள்ளிக்கல்வித்துறை, இங்கு, 100 சதவீத தேர்ச்சியை கொண்டு வரவேண்டும் என, கூடுதல் அக்கறை எடுத்துக் கொண்டுள்ளதாக, கல்வித்துறை அதிகாரிகள் கூறுகின்றனர்.
- நமது சிறப்பு நிருபர் -




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.