ஊட்டியில் உலக நகைச்சுவை தினம்| Dinamalar

பொது செய்தி

தமிழ்நாடு

ஊட்டியில் உலக நகைச்சுவை தினம்

Updated : பிப் 07, 2013 | Added : பிப் 06, 2013 | கருத்துகள் (1)
Advertisement
 
 
Advertisement
 
 
Advertisement

ஊட்டி:ஊட்டி ஒய்.எம்.சி.ஏ., மற்றும் நகர மக்கள் விழிப்புணர்வு சங்கம் சார்பில், உலக நகைச்சுவை தினம் நேற்று கொண்டாடப்பட்டது.
இதில், ஒய்.எம்.சி.ஏ., செயலர் மேக்ஸ் வில்லியர்ட் வரவேற்று பேசுகையில், ""பல வித சிந்தனையோடு படுக்கைக்கு சென்று, அதே சிந்தனையில் எழுந்து, பணிக்கு சென்று, மனதை ரிலாக்ஸ் செய்ய மாலை நேரங்களில் "டிவி' முன் அமர்ந்தால், அடுத்தடுத்து வரும், அழ வைக்கும் சீரியல்கள் மனதை மேலும் கனமாக்குகின்றன. இத்தகைய நிலையில் இருந்து வெளிவந்து, குடும்பமாக அமர்ந்து, கலந்து பேசி, சிரித்து மகிழ, நேரம் ஒதுக்க வேண்டும்,'' என்றார்.


மாவட்ட உதவி தொடக்க கல்வி அலுவலர் ஜெயஸ்ரீ பேசுகையில், ""சிரிப்பு, என்பது நோய் தீர்க்கும் மருந்து. இன்றைய காலகட்டத்தில், சிரிக்கும் நேரம் குறைந்து கொண்டே போகிறது. வேலை பளு நிறைந்த, கடினமான வாழ்க்கை சூழலில் கூட, நேர்மறை சிந்தனையோடு வாழ்ந்தால், உயர்ந்த இடத்துக்கு செல்ல முடியும்,'' என்றார்.


உதகை நகர விழிப்புணர்வு சங்க தலைவர் ஜனார்த்தனன், "மலை சாரல்' கவிமன்ற தலைவர் சோலூர் கணேசன் பேசினர். தனியார் அறக்கட்டளை செயலர் ஜெனிதா ஆகியோர் சிரிப்பதன் அவசியம் குறித்து குழந்தைகளிடம் வலியுறுத்தினார். தொடர்ந்து, ஒய்.எம்.சி.ஏ., மழலையர் பள்ளி குழந்தைகளின் சிரிப்பூட்டும் நடன, நாட்டிய, கலை நிகழ்ச்சிகள் நடந்தன. ஆசிரியை பேபி பிரசில்லா நன்றி கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
07-பிப்-201302:57:49 IST Report Abuse
மதுரை விருமாண்டி சட்டசபை நிகழ்வுகளைப் பாத்து தமிழ்நாடே சிரிப்பாச் சிரிக்குது..
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை