E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : பிப்ரவரி 06,2013,23:46 IST
கருத்துகள் (32)  கருத்தை பதிவு செய்ய
எழுத்தின் அளவு:

சென்னை :சென்னை, அரசினர் தோட்டத்தில் கட்டப்பட்ட புதிய தலைமைச் செயலக கட்டடத்தில், பல்நோக்கு மருத்துவமனையாக மாற்றுவதற்கான நடவடிக்கைகளுக்கும், மருத்துவமனை செயல்பாடுகளுக்கும், சென்னையில் உள்ள, தேசிய பசுமை தீர்ப்பாயம், இடைக்காலத் தடை விதித்துள்ளது.

கடந்த, தி.மு.க., ஆட்சியில், சென்னை, ஓமந்தூரார் அரசினர் தோட்டத்தில், 425 கோடி ரூபாய்க்கும் மேல் செலவிட்டு, புதிய தலைமைச் செயலகம் மற்றும் சட்டசபைக்கான கட்டடம் கட்டப்பட்டது. புதிய கட்டடத்தில், சட்டசபை அலுவல்களும் நடந்தன.ஆட்சி மாறியதும், புனித ஜார்ஜ் கோட்டைக்கே, சட்டசபையும், தலைமைச் செயலகமும் மாற்றப்பட்டது. மேலும், புதிய தலைமைச் செயலக கட்டடத்தை, பல்நோக்கு மருத்துவமனையாக மாற்ற, தமிழக அமைச்சரவை முடிவெடுத்தது.இதை எதிர்த்து, சென்னை ஐகோர்ட்டில், வழக்கறிஞர் வீரமணி என்பவர், மனுத் தாக்கல் செய்தார். மனுவை தள்ளுபடி செய்த, நீதிபதிகள் பாஷா, என்.பால்வசந்தகுமார் அடங்கிய டிவிஷன் பெஞ்ச், "புதிய தலைமைச் செயலக கட்டடத்தை, பல்நோக்கு மருத்துவமனையாக மாற்றும், தமிழக அரசின் கொள்கை முடிவில் தலையிட முடியாது' என, உத்தரவிட்டது.

கடந்த மாதம், 24ம் தேதி, இந்த உத்தரவு பிறப்பிக்கப்பட்டது. இதை எதிர்த்து, தாக்கல் செய்த மனுவை, சுப்ரீம் கோர்ட் தள்ளுபடி செய்தது. புதிய கட்டடத்தை, பல்நோக்கு மருத்துவமனையாக மாற்றுவதற்கு, சுற்றுப்புறச்சூழல் ஒப்புதல் வழங்கி, மாநில அளவிலான சுற்றுப்புறச்சூழல் ஆய்வு ஆணையம், கடந்த ஆண்டு, மே, 16ம் தேதி, உத்தரவு பிறப்பித்தது.
ஆணையம் பிறப்பித்த உத்தரவை எதிர்த்து, சுற்றுச்சூழல் குறித்த வழக்குகளை விசாரிக்கும், தேசிய பசுமை தீர்ப்பாயத்தில், வழக்கறிஞர் வீரமணி, மனு தாக்கல் செய்திருந்தார்.இந்த மனு, தீர்ப்பாயத்தில் நிலுவையில் இருந்த போது, புதிய தலைமைச் செயலகம் குறித்த வழக்கில், சென்னை ஐகோர்ட், உத்தரவு பிறப்பித்தது.

தேசிய பசுமை தீர்ப்பாயத்தில், வழக்கு நிலுவையில் இருந்ததால், சுற்றுப்புறச்சூழல் ஒப்புதல் தொடர்பான பிரச்னை குறித்து, ஐகோர்ட் எந்த முடிவையும் தெரிவிக்கவில்லை.ஐகோர்ட் உத்தரவு வெளிவந்த உடனேயே, மருத்துவமனையாக மாற்றுவதற்கான கட்டுமானப் பணிகளுக்கு, அரசு ஆயத்தமானது.

அதைத் தொடர்ந்து, மருத்துவமனையின் ஒரு பிரிவு, அங்கு செயல்படத் துவங்கியது.

இந்நிலையில், தேசிய பசுமை தீர்ப்பாயத்தில் தாக்கல் செய்யப்பட்டிருந்த மனுவில் கூறியிருப்பதாவது:ஐகோர்ட் உத்தரவை சாதகமாக்கிக் கொண்டு, புதிய கட்டடத்தில் மாற்றம் செய்வதற்கான பணிகளை துவங்கியுள்ளனர். இதனால், சுற்றுச்சூழல் பாதிப்பு ஏற்படும். சுற்றுச்சூழல் அனுமதியை எதிர்த்த மனு, நிலுவையில் இருக்கும் போது, கட்டடத்தின் தன்மையில் மாற்றம் செய்ய, அரசுக்கு உரிமையில்லை.அவசர கதியில் மாற்றம் செய்வதற்கு அனுமதித்தால், இந்த மனு, விசாரணையில் இருப்பது அவசியமற்றதாகி விடும். தீர்ப்பாயத்தில், வழக்கு நிலுவையில் இருப்பதால், சுற்றுச்சூழல் அனுமதி குறித்து, ஐகோர்ட்டும், சுப்ரீம் கோர்ட்டும் எந்த முடிவையும் தெரிவிக்கவில்லை. எனவே, மனு மீதான விசாரணை முடியும் வரை, புதிய தலைமைச் செயலக கட்டடத்தில், எந்த மாற்றம் செய்யவும், மருத்துவமனை செயல்படவும், பொதுப்பணித் துறை மற்றும் சுகாதாரத் துறைக்கு தடை விதிக்க வேண்டும். இவ்வாறு, மனுவில் கூறப்பட்டுள்ளது.

இம்மனு, தீர்ப்பாய நீதிபதி சொக்கலிங்கம், உறுப்பினரான பேராசிரியர் நாகேந்திரன் முன், விசாரணைக்கு வந்தது. மனுதாரர் சார்பில், மூத்த வழக்கறிஞர் வில்சன், தமிழக அரசு சார்பில், அட்வகேட்-ஜெனரல் நவநீதகிருஷ்ணன், கூடுதல் அட்வகேட்-ஜெனரல் அரவிந்த் பாண்டியன், சிறப்பு வழக்கறிஞர்கள் எம்.கே.சுப்ரமணியன், அப்துல் சலீம் ஆகியோர் ஆஜராகினர்.

தேசிய பசுமை தீர்ப்பாயம் பிறப்பித்த உத்தரவு:அப்பீல் மனு, நிலுவையில் இருக்கும் போது, எதற்காக மருத்துவமனை நடவடிக்கைகளை, சம்பந்தப்பட்ட துறை துவக்கியது? மனு மீதான விசாரணை முடியும் வரை, இந்த நடவடிக்கைகளை நிறுத்த வேண்டும்.இடைக்கால தடை விதிக்க, ஆரம்ப முகாந்திரம் உள்ளது. எனவே, மனு மீதான இறுதி

Advertisement

விசாரணை முடியும் வரை, கட்டடத்தில் மாற்றம் செய்யவோ, மருத்துவ நடவடிக்கைகளை செயல்படுத்தவோ, தடை விதிக்கப்படுகிறது. இவ்வாறு, தீர்ப்பாயம் உத்தரவிட்டுள்ளது.இறுதி விசாரணை, இன்று நடக்கும் என, தீர்ப்பாயம் தெரிவித்துள்ளது.
தேசிய பசுமைதீர்ப்பாயம் என்றால் என்ன?


தேசிய பசுமை தீர்ப்பாயம், இந்திய அரசியலமைப்பு சட்டம் விதி, 21ன் படி, 2010, அக்., 18ம் தேதி அமைக்கப்பட்டது. இந்த தீர்ப்பாயம் சுற்றுச்சூழல் தொடர்பான வழக்குகளை, தாமாகவே "விரைவு கோர்ட்' முறையில் விசாரிக்கிறது.இதன் தலைமையிடம் டில்லியில் உள்ளது. நாட்டின் அனைத்துப் பகுதி மக்களுக்கும் எளிதாக நீதி கிடைக்க வேண்டும் என்பதற்காக, சென்னை, போபால், புனே, கோல்கட்டா ஆகிய இடங்களில், இதன் பெஞ்ச் செயல்படுகிறது.

பணிகள்:


சுற்றுச்சூழல், காடுகள், அனைத்து விதமான இயற்கை ஆதாரங்கள் ஆகியவற்றை பேணிக் காப்பது, இதன் கடமை. இயற்கை வளங்களை சட்ட விரோதமாக ஆக்கிரமிப்பது, சேதப்படுத்துவது போன்ற பிரச்னைகளின் போது, ஆராய்ந்து முடிவு எடுக்கும் உரிமை இதற்கு உள்ளது.இயற்கை இடர்பாடுகள் மூலம் தனிநபருக்கு ஏற்படும் இழப்புக்கு, இழப்பீடு பெற்று தரும் பணியையும் செய்கிறது. சுற்றுச்சூழல் தொடர்பான வழக்குகளை இந்த அமர்வு எடுத்துக் கொள்வதால், ஐகோர்ட்டின் பணி குறைக்கப்படுகிறது.




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (32)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rajan Stalin - Tokyo,ஜப்பான்
07-பிப்-201309:44:46 IST Report Abuse
Rajan Stalin By doing this, whose money is getting wasted here? All our Money guys and each Tamil people have to think about this. Build new Secretariat then again re-build to convert that as hospital and then once Government changes again do a re-build to make it again as Secretariat...oh God we can spent all these money for the poor farmers to come up on their life.
Rate this:
1 members
0 members
3 members
Share this comment
Cancel
Raju Rangaraj - Erode,இந்தியா
07-பிப்-201308:36:45 IST Report Abuse
Raju Rangaraj தடை விதிக்கப்பட்டதே தவிர அதை மீறினால் என்ன நடவடிக்கை என்பதனையும் அது தெளிவுறுத்தியிருக்க வேண்டும். கோர்ட்டில் கொஞ்ச காலம், இதைப்போல் பசுமை காப்பவர்களால் கொஞ்ச காலம், பின்னர் மாண்டும் பசுமை தீர்ப்பாயம் அனுமதி தந்தாலும் மீண்டும் கோர்ட்டில் அது ஏறலாம்.மீண்டும் கிடப்பில் கொஞ்ச காலம், நமது சட்டங்களை வலுவானவைகளாக மாற்ற வேண்டும்.அதற்குரிய நேரம் இன்றே
Rate this:
0 members
1 members
4 members
Share this comment
Cancel
Pugazh V - Coimbatore / Cochin,இந்தியா
07-பிப்-201308:36:15 IST Report Abuse
Pugazh V பிடிவாதமாக சட்ட சபையினை வாடகைக் கட்டிடத்தில் தான் நடத்துவேன் என்று இருக்கும் முதல்வர். மக்கள் நலன் பற்றி எந்த சிந்தனையும் இன்றி ரொம்ப ஆடுகிறார். வினாச காலே விபரீதம். பச்சை ஜெயாவின் பேவரிட் கலர் ஆச்சே, பசுமை தீர்ப்பாயமே காலை வாரிவிட்டதே.
Rate this:
6 members
0 members
13 members
Share this comment
Cancel
ram - johor,மலேஷியா
07-பிப்-201308:18:38 IST Report Abuse
ram இதோ பாருடா புதுசா என்னமோ பசுமை தீர்ப்பாயமாம்.நல்ல கதையா இருக்கு ...தமிழ் நாடு உருப்படாது.
Rate this:
0 members
0 members
3 members
Share this comment
Cancel
Mohandhas - singapore,சிங்கப்பூர்
07-பிப்-201308:15:31 IST Report Abuse
Mohandhas அப்போ அடுத்து ஆட்சி மாறினால் இந்த மருத்துவ கட்டிடம் மீண்டும் சட்டமன்றமாக மாற்றுவார்கள்.. இவர்கள் ஐந்தாண்டு ஆட்டம் போடும் கூத்தாடிகள்... எனவே முக்கிய முடிவுகளை எடுக்கும் உரிமையை அரசு அதிகாரிகள் ஜனாதிபதி, மற்றும் ஆளுநரிடம் மட்டும் கொடுக்க வேண்டும்..
Rate this:
1 members
0 members
3 members
Share this comment
Cancel
adithyan - chennai,இந்தியா
07-பிப்-201308:05:05 IST Report Abuse
adithyan பசுமை தீர்ப்பாயம் பள்ளி பாளையம் சென்று எவ்வாறு சாய கழிவுகள் காவிரியிலும் திருப்பூரில் நோய்யலிலும் கொட்ட படுகின்றன என்று பார்க்கட்டும். பசுமை தீர்ப்பாயம் அரசியல் கண்ணாடி போட்டுக்கொண்டு வழக்குகளை பார்க்கிறது. இந்த தண்ணீர் தொட்டியால் லாபம் அடைந்தது கருணாநிதி தான்.
Rate this:
6 members
0 members
11 members
Share this comment
Cancel
Appan - London,யுனைடெட் கிங்டம்
07-பிப்-201307:11:27 IST Report Abuse
Appan தமிழகத்தில் உள்ளா அரசு மருத்துவ மனைகளில் மருந்து கிடையாது. ஏழை கிராமவாசிகள் கொஞ்ச நஞ்ஜம் இருந்த காசை செலவு செய்து இந்த அரசு மருத்துவ மனைக்கு வருகிரார்கள். டாக்டர்கள் அவர்களை பார்த்த பின், மருந்த கொடுக்க முடியாமல் திண்டாடுகிரார்கள். இந்த அரசு மருத்துவ மனையின் சுகாதரமோ சொல்லும் படி இல்லை. 1200 கோடி செலவு செய்து கட்டிய அரசு தலை செயலகத்தின் பணத்தை அரசு மருத்துவ மனைக்கு செலவு செய்தால் ஏழை நோயாளிகள் பயன் பெருவார்கள்.மருத்துவ மனையின் கட்டிட வசதி மருத்துவம் பார்க்க ஏதுவாக இருக்க வேண்டும். அதெப்படி அரசாள கட்டப்பட்ட கட்டிடம் மருத்துவ மனைக்கு உதவும். இந்த செயல்கள் சரித்திரத்தில் துக்ளக் என்ற மன்னன் செய்த செயல்கள் போல் உள்ளது. உதாரணத்திர்க்கு - தோல் நாணயம், தலை நகரத்தை டெல்லியிலிருந்து மத்திய இந்தியாவிர்கு மாற்றியது...இப்படி யோசனை இல்லாமல் காரியங்கள் செய்து மக்களை துன்புரித்தினான். துக்ளக் மன்னன், ஏது வேண்டுமானாலும் செய்யலாம். ஆனால் ஜெஜெ மக்களாட்சியில் செயல் படுபவர். மக்களின் விருப்பு வெறுப்பு தெறிந்து செயல் பட வேண்டும். துவேசம் தீய சிந்தனை. இதை போற்றினால் முடிவு துயரமே.
Rate this:
11 members
1 members
192 members
Share this comment
Cancel
முருகவேல் சண்முகம்.. - சென்னை,இந்தியா
07-பிப்-201307:11:14 IST Report Abuse
முருகவேல் சண்முகம்.. மிக நல்ல செய்தி.. இதில் மாற்றம் இருக்க கூடாது....ஏனெனில்,,, இந்த கட்டிடம் அமைந்துள்ள இடம்.. மருத்துவமனைக்கு ஒருபோதும் உகந்ததல்ல.. மேலும்.. இது இப்போதே போக்குவரத்து அதிகமாகவும், மேலும் மெட்ரோ ரயில் வெறும் வருவதால் மேலும் போக்குவரத்து அதிகமாகவே ..எதிர்காலத்திலும் இருக்கும் ஆகா, இந்த முடிவு சரியே, பாஞ்சாலியின்...சாபத்திற்கு இந்த கட்டிடடம் உதாவாதது என்றால், சட்டசபைக்கு வேறு இடத்தில, நகரத்திற்கு வெளியே அமைத்து கொள்ளலாம், எத்தனையோ அரசு அலுவலகங்கள் மிக பழைய, இடிந்து போன கட்டிடங்களில் இருக்கும் போது. இக்கட்டிடத்தை, அரசு அலுவலகமாக மாற்றலாம். அலுவலகதிர்க்கே இது ஏற்றது.. மீண்டும் சொல்கிறேன் ஒருபோதும் இது மருத்துவமனைக்கு உகந்ததல்ல....விபத்து ஏற்படுவதற்கு மிகுந்த வாய்ப்புள்ளது, அவசரதிக்கும் உதவாது..இக்கட்டிடம் அமைந்துள்ள இடம்...
Rate this:
22 members
0 members
249 members
Share this comment
Cancel
saraathi - singapore,சிங்கப்பூர்
07-பிப்-201306:55:22 IST Report Abuse
saraathi வனபிரதேசங்களில் நடைபெறும் கொள்ளைகளையும் ஆக்கிரமிப்புகளையும் கழிவுகள் கொட்டப்படுவதையும் ,விளைநிலங்களை மனை நிலங்களாக்கி வருவதையும்,நீர் ஆதாரங்கள் சீர்கேடடைந்துவருவது மற்றும் அழிக்கப்படுவது பற்றி எல்லாம் கவலைப்படாதீர்கள். அதற்க்கு எதிராக நடவடிக்கை எடுக்காதீர்கள்.அதைவிட்டுவிட்டு முடிந்துபோன ஒரு விசயத்தில் உங்கள் சக்தியை காட்டிகொண்டிருங்கள்.
Rate this:
49 members
2 members
49 members
Share this comment
Cancel
ஆரூர் ரங - chennai,இந்தியா
07-பிப்-201306:32:12 IST Report Abuse
ஆரூர் ரங ஹஹ்ஹஹ்ஹா சென்னையில் மிகப் பெரிய தனியார் குழந்தைகள் நல மருத்துவமனை,ஏற்கனவே நெரிசல் மிகுந்த சிறிய தெருவில் பல மாடிக்கட்டிடமாக சாக்கடை ஓரத்தில் அமைத்தபோது இந்த பசுமைத் தீர்ப்பாயம் எங்கே போனது? அங்கு அந்த சாக்கடையின்மேலையே ஆட்டமேடிக் பார்க்கிங் எழும்புவது தெரியாதா? நொய்யல் ஆறு சாயக் கழிவுநீரால் பாழ்பட்டபோது பாதிக்கபப்ட்ட விவசாயிகளுக்கு இந்த தீர்ப்பாயம் என்ன நிவாரணம் செய்தது? கோர்ட் தானே தலையிடவேண்டியிருந்தது ? தனியார் கட்டிடங்களுக்கு மட்டும் எங்கு எப்படிக் கட்டினாலும் ஓரிரு நாளில் பசுமை அங்கீகாரம் கிடைக்கிறதே எப்படி? .கூவத்தின்மேலேயே தனியார் மருத்துவக்கல்லூரி ஆக்கிரமித்துக் கட்டப்பட்டபோது அங்கீகாரம் எங்கே எனக் கேட்டார்களா? போன ஆட்சியில் பள்ளிக்கரணை சதுப்பில் சென்னை நகரக் குப்பைகள் கொட்டப்பட்டு நிலத்தடி நீரே பாழ்படுத்தப்பட்ட போது ??ஆக மொத்தம் இது மஞ்சதுண்டின் சித்து விளையாட்டு பின் குறிப்பு. இந்தியாவிலேயே மிகக் நன்றாக பராமரிக்கப்பட்ட (குறைந்த சேதாரம் அடைந்த )காடு வீரப்பனின் ஏரியாவாம். அதாவது அதிகாரிகள் செய்யாததை வீரப்பன் செய்து கிரிமினலாக்கப்பட்டான்
Rate this:
94 members
2 members
75 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.