district news | விஜிலன்ஸ், விரைவு நீதிமன்ற காலிப்பணியிடங்களை நிரப்ப கோரிக்கை| Dinamalar

கோர்ட் செய்தி

தமிழ்நாடு

விஜிலன்ஸ், விரைவு நீதிமன்ற காலிப்பணியிடங்களை நிரப்ப கோரிக்கை

Added : பிப் 07, 2013
Advertisement
 
 
Advertisement
 
 
 
Advertisement

கோவை : காலியாக உள்ள கோவை விஜிலன்ஸ் கோர்ட் அரசு வக்கீல் மற்றும் கூடுதல் மாவட்ட நீதிபதி(மூன்றாவது விரைவு கோர்ட்) பணியிடங்களை உடனடியாக நிரப்பி, வழக்குகள் தேங்குவதை தடுக்க நடவடிக்கை எடுக்க வேண்டும் என, வக்கீல்கள் கோரிக்கை விடுத்துள்ளனர்.
கோவை ஒருங்கிணைந்த கோர்ட் வளாகத்தில், 38 கோர்ட்கள் செயல்படுகின்றன. இவற்றில் முக்கியமான ஒரு சில கோர்ட்களில் வழக்குகளை விசாரிக்க நீதிபதியில்லை. நீதிபதி பணியிடம் பல மாதங்களாக காலியாக உள்ளது. வேறு நீதிபதிகள் நியமிக்கப்படாததால் வழக்குகள் தேக்கமடைந்து வருகின்றன.
லஞ்சம் வாங்கும் அரசு ஊழியர்கள், அதிகாரிகள் கைது செய்யப்பட்டு ஆஜர்படுத்தும் முக்கிய கோர்ட்டாக விஜிலன்ஸ் கோர்ட் செயல்படுகிறது. துவக்கப்பட்ட புதில் இக்கோர்ட் பல வழக்குகளை அதிரடியாக விசாரித்து தீர்ப்பு வழங்கியது. மூன்றே மாதங்களில் கோர்ட்டில் ஆஜராகி வந்த அரசு வக்கீல் கேசவன் அதிரடியாக மதுரைக்கு மாற்றலாகி சென்றார்.
இவருக்கு பதில் வேறு யாரும் நியமிக்கப்படவில்லை. கடந்த ஏழு மாதங்களாக இப்பணியிடம் காலியாக உள்ளது. தற்காலிகமாகக் கூட இப்பொருப்பை யாரும் ஏற்கவில்லை. இதனால் மிக முக்கியமான வழக்குகளின் விசாரணை மற்றும் கோர்ட் பணிகள் அனைத்தும் பாதிக்கப்பட்டுள்ளன.
லஞ்சம் வாங்குபவர்கள் யாரென தெரிந்திருந்தும் அவர்களை கைது, விசாரிக்க அரசு வக்கீல் இல்லாததால் போலீசார் ஆர்வம் காட்டுவதில்லை என்ற நிலை ஏற்பட்டுள்ளது. ஐகோர்ட் விரைந்து நடவடிக்கை எடுத்து, இக்கோர்ட்டுக்கு அரசு வக்கீல் நியமிக்க நடவடிக்கை எடுக்க வேண்டும்.
இதேபோல் கொலை, கொள்ளை, கிரிமினல் அப்பீல் வழக்குகளை விசாரிக்கும் மூன்றாவது விரைவு நீதிமன்றத்தில் (தற்போது கூடுதல் மாவட்ட நீதிமன்றம்) கடந்த நான்கு மாதங்களாக நீதிபதி பணியிடம் காலியாக உள்ளது. இக்கோர்ட்டில் பணியாற்றிய நீதிபதி ஜஸ்டின் டேவிட் பதவி உயர்வு பெற்று கோவை சி.பி.ஐ.,கோர்ட்டுக்கு சென்று விட்டார். இதுவரை வேறு யாரும் நீதிபதியாக நியமிக்கப்படவில்லை.
முக்கியமான இவ்விரண்டு பணியிடங்களை உடனடியாக நிரப்பி, இக்கோர்ட்களில் தேங்கிக் கிடக்கும் வழக்குகள் விரைந்து விசாரித்து முடிக்க நடவடிக்கை எடுக்க வேண்டும் என, ஐகோர்ட்க்கு வக்கீல்கள் கோரிக்கை விடுத்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை