court news | ராட்சியில் நிதி முறைகேடு புகார் : ஐகோர்ட் கிளை நோட்டீஸ்| Dinamalar

கோர்ட் செய்தி

தமிழ்நாடு

ராட்சியில் நிதி முறைகேடு புகார் : ஐகோர்ட் கிளை நோட்டீஸ்

Added : பிப் 07, 2013
Advertisement
 
 
Advertisement
 
 
 
Advertisement

மதுரை : திருச்சி அருகே பேரகம்பி ஊராட்சியில், தேர்தல் விதிகளை மீறி 40 லட்சம் ரூபாய்க்கு வளர்சிப்பணிகள் நடந்ததாக தாக்கலான வழக்கில், கலெக்டருக்கு நோட்டீஸ் அனுப்ப மதுரை ஐகோர்ட் கிளை உத்தரவிட்டது.
பேரகம்பி சீனிவாசன் தாக்கல் செய்த மனு: மணச்சநல்லூர் பேரகம்பி ஊராட்சியில் 120 ஏக்கரில், முள்மரங்களை வெட்ட 2011 ஜூலை 1 ல் 40 லட்சம் ரூபாய்க்கு ஏலம் நடந்தது. ஊராட்சி விதிகளின்படி முறையாக நடக்கவில்லை. அத்தொகையை 90 நாட்களில், வளர்ச்சிப்பணிக்கு செலவிட்டதாக கணக்கு எழுதியுள்ளனர். ஊராட்சி தேர்தல் நடத்த 2011 செப்.,21 ல் அறிவிப்பு வெளியானது. அறிவிப்பு வெளியான பின்னும், விதிமீறி வளர்ச்சிப் பணி நடந்துள்ளது. கடந்த முறை தலைவராக இருந்தவரே, மீண்டும் வெற்றிபெற்றார். நான் 2012 ஜன.,19 ல் கலெக்டரிடம் மனு அளித்தேன். ஊராட்சி தலைவர், துணைத் தலைவர் காசோலைகளில் கையெழுத்திடும் அதிகாரத்தை கலெக்டர் ரத்து செய்தார்.
வளர்ச்சிப் பணிக்குரிய ஆவணங்கள் கோரி பி.டி.ஓ.,விடம் விண்ணப்பித்தேன். அவர்,"தகவல் உரிமைச் சட்டப்படி விண்ணப்பிக்க வேண்டும். மொத்தம் 3216 பக்க ஆவணங்கள் உள்ளன. தகவல் கட்டணம் 16 ஆயிரத்து 80 ரூபாய்க்கு "டிமாண்ட் டிராப்ட்' அளிக்க வேண்டும்,' என்றார். நான் "டிமாண்ட் டிராப்ட்' அளித்தேன். "உங்கள் வங்கி கணக்கில் பணம் இல்லை,' எனக்கூறி ஊராட்சி உதவி இயக்குனர், 33 நாட்களுக்கு பின் "டிமாண்ட் டிராப்டை' திருப்பி அனுப்பினார்.
நான், அத்தொகையை ஊராட்சி வங்கி கணக்கில் செலுத்தினேன். எனக்கு 2728 பக்க ஆவணங்களை அளித்தனர். அதில் 1700 பக்கங்களில் எந்த தகவலும் இல்லை. 268 பக்கங்களில், சம்பந்தமில்லாத ஆவணங்களை இணைத்திருந்தனர்.
கலெக்டரிடம் 2012 நவ.,19 ல் மனு அளித்தேன். நிதி முறைகேடு புகாரை விசாரித்து, ஊராட்சியை கலைக்க உத்தரவிட வேண்டும், என குறிப்பிட்டார்.
நீதிபதிகள் சித்ரா வெங்கட்ராமன், எஸ்.விமலா முன், விசாரணைக்கு மனு வந்தது. மனுதாரர் வக்கீல் லஜபதிராய் ஆஜரானார். திருச்சி கலெக்டருக்கு நோட்டீஸ் அனுப்ப உத்தரவிட்ட நீதிபதிகள், விசாரணையை பிப்., 11 க்கு தள்ளிவைத்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை